Қыс мезгілінің ерекшеліктері: сабақ жоспары
Сараптамаға сәйкес, «Қыс мезгілі» тақырыбында өткізілетін сабақтың мақсаты – балалардың қысқа деген қызығушылығын арттыру және оның табиғи ерекшеліктерін түсіндіру. Сабақта балалар қыс мезгіліндегі табиғатты бақылау арқылы өз ойын білдіреді.
Сабақ барысында қолданылатын түрлі әдістер мен тәсілдер оқушылардың белсенділігін арттырады. Сұрақ-жауап, әңгімелеу, көрсету арқылы балалардың танымдық қабілеттері дамиды. Алдын ала дайындалған көрнекіліктер мен интерактивті тақта сабақтың құрылымын қызықты етеді.
Бастапқы кезеңде ұйымдастыру мақсатында шаттық шеңберіне тұру қарастырылған. Бұл кезеңде балалар өздерін жайлы сезінеді, топтасып, бір-біріне позитивті энергия береді. Сондай-ақ қыс мезгіліне қатысты өлеңдер оқу, ойындар өткізу арқылы сабақтың интерактивтігі зор.
Слайдпен жұмыс жасау барысында қысқа тән ерекшеліктер мен көңілді сәттер көрсетіледі. Бұл балалардың есте сақтау қабілетін дамытуға және олардың көрген суреттері арқылы өз ойларын жеткізуіне мүмкіндік береді. Дәптермен жұмыс, жұмбақтар шешу, дидактикалық ойындар сабақтың негізгі бөлігі ретінде енгізілген.
Қорытынды бөлімде қыс мезгілінің мән-маңызы, ерекшеліктері мен ауа райы жөнінде пікір алмасу жүргізіледі. Балалар қыс мезгіліндегі мерекелер мен ойын сауықтар жайында баяндайды, өз пікірлері мен ұсыныстарын ортаға салады. Іс-шара соңында балалар мадақталып, бағаланады.
Маңғыстау облысы Жаңаөзен қаласы
№18орта мектеп мемлекеттік мекемесі.
Бастауыш сынып мұғалімі Экимбаева Света Экимбаевна.
Сабақтың тақырыбы:Қыс мезгілі.
Мақсаты: Қыс мезгілінің ерекшелігін балаларға түсіндіру. Қыс мезгіліне деген қызығушылығын арттыру.Табиғатты бақылауға,қорғауға тәрбиелеу.
Сөздік жұмысы:жасқанбаймын,шаттана.
Әдіс-тәсілдер:Сұрақ –жауап,әңгімелеу,көрсету.
Көрнекіліктері:Қыс мезгілінің суреттері,интерактивті тақта,слайд,үнтаспа.
Сабақтың барысы:
I.Ұйымдастыру кезеңі.Шаттық шеңберге тұру
Армысың Аспан ата!
Армысың Жер ана!
Армысыз Алтын күн!
Армысыздар достар!
Тәрбиеші өлең оқиды.
Шанамен зырлап желетін,
Шаңғы,конки тебетін,
Аққала жасап ойнайтын,
Қай мезгіл деп ойлайсың?
-Қазір жылдың қай мезгілі?
-Қыс мезгілі неше айдан тұрады?
- Қар қандай болады?
-Қардан не жасауға болады?
Слайдпен Қыс мезгіліндегі суреттерді көрсету.
Балалар мына суреттерде қандай мезгіл бейнеленген? Қысқы орман суреті,шанамен сырғанап жатқан балалар,коньки теуіп жүрген балалар,қар күреп жатқан адамдар суреттерін корсету.Ал,енді мына суретке қарайықшы,қыс мезгілінің толық көрінісі бейнеленген.Осы суретке қарап сөйлемдер құрастырайық.
Жарайсыңдар балалар! Қыс туралы өлеңдер білеміз бе,кәне кім айтады?
Слайдтан сурет көрсету, қыс пен жаз мезгілін салыстырады. Қай мезгіл? Ал мынау қай мезгіл? Осы екі жыл мезгілін салыстырып көрейікші. Жарайсыңдар балалар!
Дәптермен жұмыс: Ә.Табылдының «Қыс» өлеңін жаттау.
Жас ұланмын шыныққан, Жасқанбаймын суықтан. Қардан жасап аққала, Сырғанаймыз шаттана.
-Сендерге аққала соққан ұнай ма?
-Аққаланы неден соғады?
-Ендеше аққала соғып көрейік.
Сергіту сәті: Көңілді күн.
Ойын шарты: Балалар екі топқа бөлінеді.Ортада екі топқа да бірдей етіп қар үйілген.Берілген белгі бойынша шелекке қарды толтыру керек.
Жарайсыңдар балалар!
Дәптермен жұмыс: Жұмбақтың шешуін тап.
Кәне бәріміз жұмбақтар шешемізбе?Осы жұмбақты шешу арқылы,белгілі бір суретті құрастырамыз.
1.Тікен-тікен тік пісте, Қысы жазы бір түсте.
2.Қыста шыны болып қатады, Жылыда су болып жатады.
3.Әуеде ақ мамық, Қалбалақтап ұшады, Қанаты талып.
Дидактикалық ойын: «Аққаланы құрастыр».
Ойын шарты:Қиып дайындалған аққаланың денелерін тақтаға апарып ретімен орналастыру керек.Балалардың көздері байлаулы болады Ойын осылай жалғасады.
III.Қорытынды бөлім.
Балалар,біз қай жыл мезгілі туралы айттық?
Қыста ауа райы қандай болады?
Қыс айында қандай мерекелер болады?
Қыс мезгілі несімен ұнайды?
Қардан тағы не жасауға болады?
Балаларды мадақтау,бағалау.
