Үй жануарлары мен үй құстары: түсініктер мен қамқорлық
Бұл материалда үй жануарлары мен үй құстары туралы терең түсініктер берілген. Сабақ барысында балалар үй жануарларының әртүрлі түрлерімен танысып, олардың адам өміріндегі рөлін ұғынады. Сабақтың мақсаты – оқушыларға жануарларға қамқорлық жасау керектігін үйрету, олардың құндылығын түсіндіру. Тақырыпты аша отырып, мұғалім оқушыларды жұмбақтар мен ойындар арқылы қызықтырады. Жануарлар мен құстардың қалай өмір сүретіні, неге қамқорлық жасаудың маңызды екені сөз болады.
Сабақтың ауқымында көрнекі құралдар мен суреттер пайдаланылады. Әрбір жануардың және құстың сипаттамасы беріліп, олардың қалай күтім жасау керектігі көрсетіледі. Оқушыларға ой қозғайтын және шығармашылыққа итермелейтін тапсырмалар ұсыныледі. Үй алтындай, қымбатты жануарлар мен үй құстарының өмірін сақтап қалу үшін бүгінге дейін оларды қорғауға деген ынтаны арттыру маңызды. Өйткені, осы жандардың безендіре алатын өмірі біздерге де бейбіт, қуанышты сәттер сыйлайды.
Бүгінгі сабағымыздың басынан соңына дейін қызықты ойындар, сұрақ-жауаптар өткізіледі. Бұл сабақ оқушылар үшін көңілді әрі білімді атмосферада өтетін болады. Біз сиқырлы сандыққа салып қойған жануарларды құтқару үшін жұмбақтар шешіп, тақпақтар айтып, білімімізді толықтырамыз. Негізгі идея – жануарлар мен құстар – біздің достарымыз, оларды қорғау, қамқорлық көрсету – біздің міндетіміз. Біз балалар, бүгін сол міндетті орындау үшін жиналдық!
Маңғыстау облысы Жаңаөзен қаласы
№18орта мектеп мемлекеттік мекемесі.
Бастауыш сынып мұғалімі Экимбаева Света Экимбаевна.
Сабақтың тақырыбы: Үй жануарлары мен үй құстары.
Мақсаты: 1.Үй жануарлары мен үй құстары туралы және олардың адамға келтіретін пайдасы туралы түсініктерін қалыптастыру. 2.Үй жануарлары мен үй құстарына деген қамқорлық сезімін ояту және оларға жағдай жасауға үйрету.3.Еңбекқорлыққа баулу.
Көрнекілігі:Үй жануарлары мен төлдері және үй құстардың суреттері,бетпеделер.
Әдісі-тәсілдері:Жұмбақ шешу,тақпақ,әңгімелеу,сахналау,сұрақ-жауап.
Сабақ барысы: I.Ұйымдастыру кезеңі.
1.Оқушыларды түгендеу,амандасу.
2.Шаттық шеңберін құру. Армысың шапағатты күн-ана, Армысың қайырымды аспан-ата. Армысың мейірімді жер-ана, Құт болып бәр әлемге жамылған.
3.Өткен сабақты пысықтау
4.Қызығушылықтарын ояту.
-Балалар мен бүгін мектепке келе жатып бір сандық тауып алдым.Ол жай сандық емес,сиқырлы сандық екен.Бұл сандықтың ішіне жануарлар мен құстарды сиқырлап салып қойыпты.Оларды құтқару үшін біз сіздермен жұмбақтар шешуіміз керек.Егер жұмбақтардың жауабын дұрыс тапсаңдар,жануарлар мен құстарды сандықтан босатады. (әрбір жауаптағы жануарлардың суретін шығарып тақтаға ілу.) 1.Кезікті бір жануар, Үстінде екі тауы бар. Түйе. 2.Құлды екен әр шаруа, Қазығына құт байлап. Қанша құйып алсаңда, Сарқылмайды сүт-қаймақ.Сиыр. 3.Көкке шаншып құйрығын, Келеді шауып жүйрігім. Жылқы. 4.Кішкене ғана бойы бар, Айналдырып киген тоны бар. Қой. 5.Желп-желп етіп сақалы, Қолыңнан дәм татады. Ешкі.
-Балалар бұлардың бәрін бір сөзбен қалай атаймыз? Үй жануарлары. –Олар қайда мекендейді? Үйде,қорада. –Оларға кім қарайды? Адамдар. –Олар немен қоректенеді? Жем,шөп,су. Балалар,жануарлар сендерге көмектескендерің үшін рахмет айтып жатыр.Енді біз «Айнытпай сал»ойынын ойнап жіберейік.
Олай-былай жүгіріп, Ала мысық ойнайды. Аша алмаса есікті, Дыбыстайды ол қалай.
Күзетші күшік-саққұлақ, Үй күзетіп шапқылап. Дыбыс шықса қаттырақ, Қалай,қалай үреді.
Өте жақсы балалар. Ал балалар сиқырлы сандықтан тағы бір дауыстар шығатын сияқты.Балалар біздер үй құстарын ұмытып кетіппіз.Үй құстарына да көмектесуіміз керек.Сиқырлы сандықтың бізге берген тапсырмасы тақпақтар айтып үй құстарын құтқаруымыз керек. Көмектесеміз бе,балалар. (Тақпақтар айту.)
1.Шұбар тауық мүлдем, жолатпайды барса. Ұясында жүрген, балапаны қанша. Балапанын тауық, қызғанады жаман. Қанатымен жауып, санатпайды маған.
2.Жақын түгел маңайды, Оятудан талмайды. Төбелеске келгенде, Алдына жан салмайды.
3.Шығып ауыл шетіне, Жайылады бетімен. Қызықтырар ол бізді, Жұмыртқамен етімен.
4.Қауіп-қатер жоқ алда, Малту керек оған да. Жұмыртқадан шыға сап, Жүгіреді тоғанға. Демейді жаз,күз еді, Балдыр, жалбыз үзеді. Сол жүзгеннен сол үйрек, Мұз қатқанша жүзеді.
Өте жақсы,балалар біздер бүгін сиқырлы сандықтан үй жануарлары мен үй құстарын құтқардық.Сендерге рахмет айтып жатыр.
II Негізгі бөлім: Сонымен бүгінгі ашық сабағымыздың тақырыбы үй жануарлары мен үй құстары.
Сергіту сәті.Қос қарлығаш.
Сонымен балалар үй жануарларына нелер жатады? Сиыр,түйе,жылқы,қой,ешкі. Өте жақсы балалар. Енді үй жануарларының бізге тигізер пайдасы қандай екеніне тоқталып кетейік.
