Ана тілім - мақтанышым!
Бұл құжатта балаларға ана тілі туралы маңызды ақпараттар беріліп, тілді құрметтеп, оның қасиетін сезінуге тәрбиелейтін ұйымдастырылған оқу қызметінің жоспары ұсынылған. Сөйлеуді дамыту мақсатында өткізілетін сабақта қосымша визуалды материалдар мен слайдтар қолданылады, бұл балаларға тақырыпты жақсырақ түсінуге көмектеседі.
Сабақтың бастапқы кезеңінде балалар шаттық шеңберінде тұрып, бір-біріне жылы лебіздерін білдіреді. Бұл балалардың өзара қарым-қатынасын жақсартып, эмоционалдық байланыстарын нығайтады. Тіл туралы сұрақтарға жауап бере отырып, балалардың тілге деген қызығушылығы артады.
Балалар еліміздің рәміздері мен Президентінің атын атап, өзінің әбден ұлттық мәдениетімізді таниды. «Күз» тақырыбына арналған тапсырмалар мен ойындар арқылы оқушылар табиғаттың күз мезгіліндегі өзгерістерін бейнелеп, шығармашылықпен қиялдай отырып, өз ойларын білдіреді.
Рефлексивті коррекциялаушы бөлімде сабақтың нәтижелері қорытындыланып, балалардың білімі мен білім деңгейі анықталады. Үйренген тақыптарын қалай пайдалана алатынын түсінеді. Нәтижесінде, балалар ана тілі әрқашан олардың мақтанышына айналатынын сезініп, тіл мәдениетін мойындайды.
Білім беру саласы: Коммуникация.
Ұйымдастырылған оқу қызметі: Сөйлеуді дамыту .
Тақырыбы: Ана тілім - мақтанышым!
Мақсаты: Балаларға тіл туралы түсінік беру. Ана тілінің қасиетін сезінуге, мәртебесін көтеруге баулып,танымдылық қабілетін арттыру. Тілді құрметтей білуге тәрбиелеу.
Көрнекілігі: плакаттар, слайд.
Әдіс-тәсілдер: әңгімелеу, түсіндіру, сұрақ-жауап.
Балалардың іс-әрекеті
Мотивациялық
қозғаушы
Шаттық шеңбер.
Армысың, алтын Күн!
Армысың, көк Аспан!
Армысың, Жер-Ана!
Армысың, достарым!
Жылуға жылу қос, міне менің қолым.
Балалар шаттық шаттық шеңберінде тұрып бір-біріне жылы лебіздерін білдіреді.
-Күніміз жарық болсын!
-Аспанымыз ашық болсын!
-Деніміз сау болсын!
- Досымыз көп болсын!
Ізденушілік немесе қойылған тапсырманы орында
-Балалар, қазір жылдың қай мезгілі?
- Күз мезгілінде далада қандай өзгерістер болады?
-Дұрыс айтасыңдар, бұл күз мезгілінде болатын белгілер екен. Енді маған «Күз» туралы тақпақты кім айтып береді?
Муслим: Алтын, сары, қызыл, көк,
Алуан-алуан жапырақ.
Күзгі бақта күлімдеп,
Көз тартады атырап.
-Балалар, біз аспаны ашық, кең, байтақ елде тұрамыз. Ол ел қалай аталады?
-Біздің Елордамыз қай қала?
-Біздің елбасымыз, президентіміз кім?
Олай болса бүгінгі оқу қызметінде еліміз, тіліміз туралы айтатын боламыз.
Біз, Қазақстан Республикасында тұрамыз. Ұлтымыз қазақ. Ел басқарып отырған президентіміз Н.Ә. Назарбаев. Еліміздің рәміздері: туымыз, елтаңбамыз, әнұранымыз бар.
Біздің ана тіліміз, мемлекеттік тіліміз – қазақ тілі болып саналады. Бір-бірімізбен қазақша сөйлесеміз. Тіл - адамдардың бір-бірімен сөйлесуі үшін керек екен. Тілдер күнін елімізде қыркүйек айында атап өтеміз.
Сергіту сәті:
Орнымыздан тұрамыз,
Қолды белге қоямыз,
Бұрыламыз оңға бір,
Бұрыламыз солға бір
Бір отырып, бір тұрып
Жақсы сергіп қаламыз.
-Қане, балалар, Тіл туралы тақпақты кім айтады?
Медина: Даламыздың үні деп,
Ана тілін,
Ана тілін,
Ана тілін сүйеміз.
Санжар: Ана тілім – елдігім,
Ана тілім – ерлігім.
Ана тілім болмаса,
Бүтінделмес кемдігім.
- Ал, кім Тіл туралы мақал айтып береді?
Іңкәр: Тіл – достықтың алтын көпірі.
Бейбарыс: Өнер алды қызыл тіл.
Жансерік: Тіл – тас жарады,
Тас жармаса, бас жарады.
Дидактикалық ойын:«Суретті құрастыр». Шарты: балалар төрт бөлікке бөлінген суреттерді құрастырып білуі керек.
-Күз мезгілі.
- Күн суытады. Жапырақтар сарғайып, түсе бастайды. Құстар жылы жаққа ұшып кетеді.
-Балалар «Күз» туралы тақпақ айтып береді.
-Қазақстан.
-Астана қаласы.
-Н.Ә.Назарбаев.
-Балалар мұқият тыңдайды.
Балалар өлең жолдарына сәйкес қимыл жасайды.
-Балалар Тіл туралы тақпақтар айтады.
-Тіл туралы мақалдар айтады.
Балалар ойынға қызыға қатысып, суреттерді құрастырады.
Рефлексивті коррекциялаушы
Қорытынды.
-Балалар, біз қай мемлекетте тұрамыз?
- Қай тілде сөйлейміз?
-Қазақстан Республикасының рәміздеріне не
жатады ?
Балаларды мадақтау.
Балалардың жауаптары тыңдалады.
Күтілетін нәтиже:
Нені білу керек: өз тілі туралы ұғынады, тілдің маңызды екенін біледі.
Нені игереді: өз елінің ұлттық құндылықтары туралы білімді.
Нені біледі: тіл туралы тақпақ, мақал-мәтелдерді жатқа айтуды.
