Достық мерекесі: 1 Мамыр Қазақстан халықтар бірлігі күні
Мерекелер – бұл балалардың көңіл-күйін көтеретін, олардың достық, ынтымақтастық туралы түсініктерін кеңейтетін маңызды іс-шаралар. 1 – мамыр Қазақстан халықтар бірлігі күніның мақсаты – балалардың әр ұлт өкілдеріне, олардың мәдениетіне және дәстүрлеріне деген құрметін арттыру. Бұл мереке – ынтымақ пен достықтың символы. Біздің еліміз – көп ұлтты мемлекет. Қазақстанда қазақтармен қатар, өзбектер, орыстар, қырғыздар, татарлар және басқа да ұлттар тұрады. Бәрі бір елдің азаматы ретінде, ортақ мақсатта, елін, жерін қорғайды.
Көктем мезгілінің соңында тойланатын 1 – мамыр мейрамы жыл сайын балалар мен ересектерге қуаныш сыйлайды. Бүгінде өткізілетін түрлі шаралар, концерттер мен салтанатты шеру – бұл мерекенің көрінісі. Балалар ұлттық киімдерімен шеруге шығып, түрлі ұлттық тағамды, өнерді көрсетеді. Ұлттық киімдер мен жалаушалардың бейнесін салып, бір-біріне көмек көрсету, топпен жұмыс істей білу – мерекенің маңызды бөліктері. Біздің классикалық білім беру жүйесінде бұл мерекелер маңызға ие, өйткені олар балаларымызды бір-бірімен байланыстырады.
Бұл күні балаларға достық, ынтымақ, бірлік туралы көптеген әңгімелер мен ұлттық мақал-мәтелдер айтылатын болады. «Бірлік барда, тірлік бар» деген сөздер әрбір қазақтың жүрегінде терең орын алады. Мерекенің өткізілуі балаларымыздың бойында елге, туған жерге деген сүйіспеншілікті арттырады. Мерекелік көңіл-күй көтеріліп, тәрбие жұмысымыз одан әрі жалғасын табады. 1 – мамыр мерекесі, қуаныш пен бақыттың, бірлік пен достықтың күні болып табылады.
Тақырыбы: «Достық мерекесі!»
Мақсаты: Балаларға 1 – мамыр Қазақстан халықтар бірлігі күні мерекесі екенін жеткізу. Ынтымақтыққа, достыққа, өз Отанын сүюге, қорғауға, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу. Балалардың бірлік, ынтымақтастық туралы түсініктерін кеңейту. Мерекелік көңіл күйлерін көтеріп, өздеріне ұнайтын шар, жалаушаның суретін салдыру. Ойын арқылы әр ұлттың киімдерін ажырата білуге үйрету.
Көрнекілігі: Әр ұлт өкілдерінің суреттері, слайдпен ұлт өкілдерін көрсету.
- Балалар қазір жылдың қай мезгілі?
- Көктем мезгілі.
- Дұрыс айтасыңдар, қазір көктем мезгілі, көктем мезгілінде біз қандай мерекелерді тойладық, қане есімізге түсірейікші.
- 8 наурыз аналар мерекесі, 22 наурыз, наурыз мерекесі.
Жарайсыңдар, сендер жақсы біледі екенсіңдер, естеріңе жақсы сақтап қалыпсыңдар. Осы көктем мезгілінің соңғы мамыр айында тойланатын тағы бір мереке бар екен. Ол мереке 1 мамыр «Қазақстан Халықтарының ынтымағы мен бірлігі күні» мерекесі.
- Балалар біздің ұлтымыз қандай?
- Қазақ
- Біз қай тілде сөйлесеміз?
- Қазақ тілінде.
Қазақстан халқының өзінің қазақ тілі, ұлттық киіміміз, салт – дәстүріміз бар. Сол сияқты біздің Қазақстанда басқада ұлттар тұрады. Өзбек, орыс, қырғыз, татар және тағы басқа да ұлт өкілдері тұрады.
Қане балалар бәріміз экранға қарайық.
1 – слайд: Сурет арқылы әр ұлттардың киімдерімен таныстыру.
Балалар, осы ұлттардың барлығы да Қазақстанда тұрады. Қазақстан көп ұлтты мемлекет. Олар өз елдерінде болмасада, Қазақтардың елін – елім деп, жерін – жерім деп, құрметтеп, үлкен үлгілі, бақытты, өнегелі отбасы болып өмір сүруде. Әлем халықтарының тату – тәтті бейбітшілікте, ынтымақтастықта өмір сүріп отырғаны біздің қазақ елінің арқасы және олар мұны түсініп, жақсы біледі. Сол себепті біздің елімізді қадір тұтып, құрметтейді.
2 – слайд: Экраннан Елбасы құттықтауы мен Астана қаласы орталық алаңда өткізіліп жатқан шеруді тамашалау. (түсіндірме беру)
Ертең 1 мамыр мерекесі. Біздің де Қазалы халқы орталық алаңға осындай салтанатты шеруге шығады. Әр ұлт өкілдері өздерінің ұлттық киімдерін киіп, өнерлерін көрсетеді.
Балалар, ертең біз мерекеге барғанда қолымызға не ұстап шығуға болады деп ойлайсыңдар?
- Шар, жалауша.
- Дұрыс айтасыңдар, біз мерекеге шар, жалаушалар ұстап шығуымыз керек. Олай болса осы мерекеге арналған шарымыз бен жалаушаларымыздың суретін салайықшы.
- Жалауша қандай пішінге ұқсайды?
- Тіктөртбұрышқа
- Түсі қандай болады?
- Көк болады.
- Ал шар қандай пішінге ұқсайды?
- Домалақ, сопақша.
- Түстері қандай болады?
- Қызыл, көк, жасыл, т. б. Жарайсыңдар балалар, жалаушамыздың түсі көк, пішіні тіктөртбұрышты, ал шарларымыздың түстері әр түрлі, пішіндері домалақ, сопақша болады екен. Қане алдарыңдағы қағазға өздеріңе ұнайтын шар мен жалаушаның суретін салайық.(Балалар өз қалаулары бойынша ұнайтын суреттерін салады)
Ортақ мекен жер шары,
Төбемізде бір аспан.
Барлық ұлттың баласы,
Достығымыз жарасқан. (өлеңге сәйкес қимылдар жасайды)
Дидактикалық ойын: «Қай ұлттың бас киімі?»
Ойын шарты: Көрсетілген әр ұлт өкілдерінің суреттерінің бас киімін тауып кигізу.
Балалар сендер достық, ынтымақ туралы қандай мақал – мәтелдер білесіңдер?
Ырыс алды – ынтымақ.
Бірлік болмай, тірлік болмас.
Ұрыс, ырысты қашырар
Ынтымақ, халықты асырар.
Балалардан бүгінгі өтілген тақырып бойынша сұрақ – жауап арқылы қорытынды жасау.
Жарайсыңдар балалар, бүгінгі оқу іс - әрекетіне жақсы қатыстыңдар. Бір – біріңе деген достықтарың мәңгі болсын, ата – аналарың аман болсын. Ал мен сендерге ертең 1 мамыр мерекесіне барғанда қолдарыңа ұстап баратын жалауша мен гүл берейін. Ертеңгі мерекеде әдемі болып жүріңдер.
Біздің достығымызды білдіретін «Достықпен» әнін айтайық.
Балалар 1 мамыр мерекесі Қазақстан Халықтар бірлігі күні екенін ұмытпаңдар. Өз Отандарыңды сүюді, қорғауды, өзге ұлт өкілдерін құрметтеуді үйреніңдер. Әр ұлттардың киім ерекшеліктерін мән беріп жүріңдер.
