Ғажайып білім әлемі
Бұл құжатта балаларға арналған «Ғажайып білім әлемі» атты танымдық саяхат туралы баяндаймыз. Саяхат барысында балалар сандарды санау, геометриялық формаларды танып білу, сондай-ақ достық және бірлік құндылықтарын меңгереді. Әрбір аялдамада олар қызықты тапсырмалар орындап, жаңа білімдер алады. Балалардың қуанышпен білім алуы үшін әйгілі Буратино оларға көмектеседі, осылайша оқу процесі қызықты әрі нәтижелі болады.
Саяхаттың алғашқы бөлімі «Математика» аялдамасы болып табылады. Онда балалар 1-ден 5-ке дейінгі сандарды санап, геометриялық пішіндерді ажыратады. Бұл кезең балалардың зейінін дамытып, математикаға қызығушылықтарын арттырады. Бұдан кейінгі аялдамада олар жұмбақтарды шешеді, бұл қабілеттерін шыңдайды және логикалық ойлау дағдыларын қалыптастырады.
«Бау-бақша» аялдамасында балаларға көкөністер мен жемістерді тану, оларды ажырату үшін тапсырмалар беріледі. Бұл дәстүрлі білім беру әдістерінен тыс, балаларды табиғатпен таныстырады. Соңғы аялдама – «Мақал-мәтел» аялдамасы. Мұнда балалар мақалдарды толықтыру арқылы ұлттық мәдениетті, тілдің байлығын бағалайды. Буратиноның алтын кілтін тауып, «Ғажайып білім әлеміне» жету үшін барлық ойындарын бірлесіп ойнау арқылы балалардың достығы бекітіледі.
Сіздің сүйікті ертегілеріңізге параллель келетін бұл бағдарламада достық, бірлік, және білімге деген қызығушылық балалардың күніне нұрын шашып, жүректеріне жылулық сыйлайды. Балалар осылайша қызықты тапсырмаларды орындап, мейірімділік пен достықтың маңыздылығын түсінеді. Саяхат соңында олар Буратиноның алғыстарына ие болады, бұл олардың еңбегін бағалайтын ерекше сәт болады.
Білім беру саласы: Таным
Бөлімі: Қарапайым математика
Тақырыбы: Ғажайып білім әлемі .
Мақсаты:Сандарды санау, салыстыру ,геометриялық пішіндер туралы білімдерін бекіту,ойлау қабілеттерін,қиялын,есте сақтап тусіну,сұрақтарға толық жауап беру дағдысын қалыптастыру.Балалардың білімге деген қызығушылығын арттыру,бірлікке,татулыққа тәрбиелеу.
Көрнекіліктер:Буратино,математика,жұмбақтар,мақал-мәтел,жаңылтпаштар аялдамасы,геометриялық пішіндер,үйшіктер.
Балалар қараңдаршы ,бізге қонақтар келіпті,қане алдымен сәлемдесіп алайық.
Балалар шаттық шеңбер құрып амандасады
Бәріміз енді тұрайық,
Улкен шеңбер құрайық
Жақсы-жақсы сөздерді,
Қонақтарға сыйлайық!
Табиғатқа баламыз.
Иіліп сәлем береміз,
Біз әдепті баламыз.
Тәрбиеші : Жарайсыңдар балалар ,менің қолымнан не көріп тұрсыңдар?
Балалар: Жүрек
Тәрбиеші:Қане,балалар жүрегімізден шығарып жылы сөздер айтайықшы.
Балалар:Аспанымыз ашық болсын
Күніміз жарқын болсын
Еліміз тыныш болсын
Ата-анамыз аман болсын
Нанымыз көп болсын
Ауырмайық ,денсаулық болсын
Қане балалар,осы айтқан жылы лебіздерімізді апайларға сыйлайықшы.
Тәрбиеші :Балалар сендер бір-біріңнің қолдарыінан ұстағанда нені сезінесіңдер?
Балалар:Жылулықты ,мейірімділікті,достықты.
Тәрбиеші:Жақсы балалар бүгінгі күнімізді мейіріммен,қуанышпен бастайық.
Тәрбиеші: Балалар қазір жылдың қай мезгілі?
Балалар:Күз мезгілі.
Тәрбиеші:Күздің қай айы?
Балалар: Қараша айы.
Тәрбиеші: Балалар күз мезгілінде табиғатта қандай өзгерістер болады?
Балалар: Күз мезгілінде күн суытып салқындайды ,кейде жаңбыр жауады,жел соғады,жер балшық болады ,құстар жылы жаққа ұшып кетеді, адамдар жылы киіне бастайды.
Тәрбиеші: балалар біздер күзді неге алтын күз, жомарт күз деп атаймыз?
Балалар: күзде өсімдіктер, астықтар піседі, көкөніс пен жемістер кқп болады.
Жарайсыңдар балалар, ал қараша айын неге қоңыр күз дейміз?
Жаңбыр жиі жауады, ауа-райы салқындайды, жапырақтар жерге түсіп, қурайды.
Тәрбиеші: Жарайсыңдар балалар, енді «Қай ойыншық жоқ» ойынын ойнап жіберейік.
Ойынның тәртібі: ойыншықтар үстел үстінде тұрады, балалар көздерін жұмады.1,2,3 дегенде көздерін ашып қай ойыншықтың жоқ екенін тауып айтады.
Осы кезде есік қағылады. Балалар есік қағылған сияқты кім екен бұл?
Буратино: Саламатсыздар ма балалар!
Балалар: Саламатсызба!
Буратино: балалар осы жер «Ғажайып білім әлемі ме?»
Тәрбиеші: Жоқ Буратино, бұл жер балабақша.
Буратино: балалар мен алтын кілтімді жоғалтып алдым, кім алып кеткенін білмеймін. Маған көмектесіңдерші. Кілтімді іздеп келе жатып, жолда ақ тиінді көріп едім, кілтіңді «Ғажайып білім әлеміне» барсаң табасың деді. Мен «Ғажайып білім әлеміне» қалай барсам екен баратын жолды таба алмай адасып, осы топқа кіріп кетіппін. Маған баратын жолды көрсетіп жібересіңдер ме?
Тәрбиеші: Еш уайымдама, Буратино
Қане балалар Буратиноға көмектесемізбе?
Балалар: Иә көмектесеміз
Тәрбиеші: Олай болса балалар Буратиноны ертіп, жол көрсетіп, «Ғажайып білім әлеміне» бізде саяхатқа шығып қайтайық.
Тәрбиеші: балалар саяхат кезінде бізге әртүрлі қиындықтар кездеседі, сол қиындықтарды бірге жеңе білейік. Ол үшін бір-бірімізді сыйлап, тыңдауымыз керек. Балалар қане енді паровозға мініп, жолға шығайық.
Тәрбиеші: балалар міне біз 1-ші аялдамаға да келіп қалыппыз. Бұл «Математика» аялдамасы екен.
Бұл аялдамада бізге мынадай тапсрыма беріпті.1-5 ге дейін санауды.
Геометриялық фигуралардың пішіндерін ажыратып түстерін ата.
Үйшіктің терезелерін тауып жабыңдар.
2-ші аялдама бізге жұмбақтар жасырыпты.
2-ші аялдама «Жұмбақтар» аялдамасы екен.
Бой жаза алмай, ойнай алмай,
Денең мұздап тоңады,
Бөбектерім айтыңдаршы,
Бұл ай кезде болады? (Күз)
Таңмен көзін ашады,
Әлемге нұрын шашады. (Күн)
Тырс-тырс тамады
Сайға қарай ағады. (Жаңбыр)
Дидактикалық ойын: «Топтап жина»
Мақсаты: Балаларды топтай білуге және оларды санай білуге үйрету. Балаларды екі топқа бөліп суреттерді топтап жинауға үйрету.
Сергіту сәті:
Орнымыздан тұрамыз,
Дөңгелекті құрамыз,
Қолымызбен шапалақтап,
Аяқпен ұрамыз.
3-ші аялдама «Бау-бақша» аялдамасы.
Бау-бақша аялдамасы көкөніс пен жемістерді араластырып қойыпты. Бақшаға барып жемістер мен көкөністер ді ажыратыңдар депті.
Қане балалар бақшаға барайық. Ой балалар алдымызда көлшік жатырғой, одан қалай өтеміз? Аяғымызды ластамай, батпаққа батпай, көлшіктен ақырындап, абайлап өту үшін не істеу керек?
Балалар: Көпір керек
Тәрбиеші: Балалар мына жерде таяқшалар жатыр екен, енді осы таяқшалардан көпір жасайық. Қане балалар мына таяқшалардың түсі қандай? Міне балалар бау-бақшағада келіп қалдық.
Балалар жемістерді талға іледі, көкөністерді жерге отырғызады.
4-ші аялдама «Мақал-мәтел» аялдамасы
Бізге мақалдарды толықтыр депті. Қане кім айтады?
Аққуды атпа,..... (досыңды сатпа)
Жүз теңгең болғанша,... (жүз досың болсын)
Оқусыз білім жоқ,... (білімсіз күнің жоқ)
Жақсыдан үйрен,...(жаманнан жирен)
5- ші аялдама Дидактикалық ойын:
«Кім жылдам, дұрыс құрастырады?»
Буратиноның кілтін құрастыру.
Буратино: Алақай, алақай! Менің кілтім табылды. (Қақпаның аузында, Буратиноның алтын кілті тұрады.) Қақпаның үстіңгі жағында «Ғажайып білім әлемі» деген жазуы бар.
Тәрбиеші:Балалар қараңдаршы біз алтын қақпаға да келіп қалыппыз. «Ғажайып білім әлемі» деген осы жер. «Ғажайып білім әлемі» бізге ең бастысы білім сыйлады. Біз бәріміз бірігіп, қызықты тапсырмалар орындадық, Буратиноға кілтін табуға көмектестік.
Буратино: Балалар сендерге көп-көп рахмет. Сендер маған «Ғажайып білім әлеміне» баратын жолды көрсетіп, алтын кілтімді табуға көмектестіңдер, көптеген тапсырмалар орындадыңдар. Өмірде тек білімді емес, қайырымды балалар екендеріңді көрсеттіңдер. Мен осындай тапқыр, ақылды білімді балалардың барына қуанып тұрмын. Мен сендерге және қонақ апайларға арнап гүл ала келдім. Ол жай гүл емес әрқайсысының ішінде сіздерге арналған өлең шумақтарым бар.
(Буратино сыйлықтарын таратып кетіп қалады)
Тәрбиеші: Міне балалар Буратиноға көп көмек көрсеттіңдер. Кілтін табуға көмектестіңдер. Өздеріңнің ұшқыр ойларыңды,тапқырлықтарыңды, қиындықтан қорықпайтындықтарыңды көрсеттіңдер. Осымен «Ғажайып білім әлеміне» саяхатымыз аяқталды, енді өзіміздің тобымызға оралайық.
Қорытындылау: Балалар сендерге саяхат ұнадыма?Сендер саяхатқа қайда бардыңдар? Біздер кімге көмектестік?
Балалар жауап береді.
Өте жақсы балалар енді қол ұстасып бір-біріміздің жүрек жылуымызды сезініп , бүгінгі саяхатымызды аяқтай отырып қонақтармен қоштасайық
Қол ұстасып тұрайық,
Шеңберді біз құрайық,
Көріскенше күн жақсы
Сау-саламат болайық.
Сау болыңыздар!
