Тіл-тірегіміз, соғып тұрған жүрегіміз!
Бүгінгі тәрбиелік сағатымыздың негізгі тақырыбы - «Тіл-тірегіміз, соғып тұрған жүрегіміз». Шараның мақсаты балаларға ана тілінің құдіреті мен қадірін түсініп, оның қасиетін бағалауды үйрету. Тіл арқылы біз өзімізді, айналамызды танимыз, содан кейін ғана қоғамдық қатынастарды дұрыс құра аламыз. Бүгінгі сабақта балалар әнмен екеу-екеуден топқа бөлініп, достық көңіл-күймен басталатындығына куә боламыз.
Сабақ барысында біз шет елден келген қонақпен танысып, Қазақстанның әсем табиғаты мен мәдениеті жайлы айтамыз. Неміс қонағымызды қарсы алып, оған өз еліміз, төл мәдениетіміз, тілдің мәні мен маңыздылығы жайында білімімізді көрсету керектігін түсіндіреміз. Осылайша, балалардың ынтасы мен белсенділігі артып, өз ана тілдерін құрметтеуге, тілдік мәдениетке деген сүйіспеншілігі артады.
Барлық оқу процесі ойын түрінде өтеді, бұл балалардың білімін қызықты әрі танымды етеді. Мақал-мәтелдер мен жұмбақтар шешу арқылы балалардың тіл байлығын дамытуға, сөздік қорларын молайтуға бағытталған әртүрлі жаттығулар өткізіледі. Сабақтың барлық кезеңі балалардың қызығушылығын арттыруға, тілге деген құрмет сезімдерін қалыптастыруға арналатын болады.
Сабақтың соңында балалар бір-біріне тілек айтып, достықты нығайтуға, тіліміздің қадірін білуге, ана тілінде сөйлесуге дайындықтарын көрсетеді. Елбасымыз Н.Ә.Назарбаевтың «Қазақстанның болашағы - қазақ тілінде» деген сөздерін ескере отырып, бүгінгі балаларымыз елімізді дамытуға, тіліміз бен мәдениетімізді көтеруге өз үлестерін қосуы тиіс. Сабақтың негізгі түйіні - бауырластық, сыйластық, тілге құштар болу.
Тақырыбы:Тіл-тірегіміз,соғып тұрған жүрегіміз!
Мақсаты: Балаларды ана тілінің қасиетін сезінуге,мәртебесін көтеруге баулып,танымдылық қабілетін арттыру.Тілді құрметтей білуге тәрбиелеу.
Көрнекілігі: плакаттар, слайд
Пәнаралық байланыс:Тіл дамыту,көркем әдебиет,музыка
Әдіс-тәсілдер:аралас, түсіндіру, сұрақ-жауап.
Сабақтың барысы: Барысы: Балалар әнмен екеу-екеу болып топқа кіреді.
Тәрбиеші: Балалар,бүгін ерекше күн екен.Біздің сабағымызға көптеген қонақтар келіп отыр.Олай болса,балалар,қонақтармен амандасып алайық.
Сәлеметсіздер ме балалар!
Здраствуйте дети!
Good moorning childring!
Балалар біз бәріміз бір үйдің балаларындай тату-тәтті доспыз.Қане,бір-бірімізге деген достығымызды нығайту үшін жақсы тілектер айтайықшы.
Балалар: Күніміз жарық болсын. Аспанымыз ашық болсын. Деніміз сау болсын. Еліміз тыныш болсын. Досымыз көп болсын. Балабақшамыз жайнап тұрсын. Нанымыз көп болсын.
Тәрбиеші: Ия,балалар,осындай жақсы көңіл-күйімізбен орындарымызға жайғасайық.
Тәрбиеші: Жарайсыңдар,балалар.Олай болса ерекше күн деп есептеп,тақырыбымызды «Тіл-тірегіміз,соғып тұрған жүрегіміз»,-деп бастайық. Мақсатым балаларды ана тілінің қасиетін сезінуге, мәртебесін көтеруге баулып,танымдылық қабілетін арттыру.Тілді құрметтей білуге тәрбиелеу.
І Ғажайып сәт.
Есік қағылып,ішке шет мемлекеттен қонақ келді.Ол біздің елімізге ұшақпен жетіпті.Оның арманы біздің еліміз туралы көп білгісі келеді екен.
Қонақ (Германиядан келген)
- Гутэн таг! Мен Германиядан келдім! Кешіріңіз мен қазақша сөйлей алмаймын. Қазақша үйренуге келдім.
Тәрбиеші:Балалар, амандасайық қонақпен!
Тәрбиеші:Сіз бізге өзіңіздің туған жеріңіз туралы айтып беріңізші?
Қонақ: Германия өте әдемі, шағын мемлекет. Бас қала – Берлин деп аталады.
Табиғаты өте әдемі. Мен өзімнің туған жерімді сүйемін.
Тәрбиеші:Рахмет, Сіз қазақ тілін үйреніп жүрсеңіз бізде тіл мерекесі өтіп жатыр. Қонақ болыңыз! Біздің балалар Қазақстан туралы сізге айтып береді.
-Балалар,бұл қай мемлекет?
-Қазақстан Республикасы
-Бұл мемлекеттің бас қаласы қай қала?
-Астана қаласы
-Мен сендердің мемлекеттерің туралы толығырақ білсем деп отырмын.Сендер маған көмектесесіңдер ме?
-Ия, көмектесеміз.
-ҚР Елбасы кім?
-Нұрсұлтан Әбішұлы Назарбаев
-ҚРның мемлекеттік тілі қай тіл?
-Қазақ тілі
Тәрбиеші: Қәне,балалар,біз қонағымызға мемлекетіміздің әнұранын айтып берейік.
Балалар әнұранды орындайды.
-Ана тілі туралы қандай тақпақ білесіңдер?
Балаалрдың тақпақтары.
Шет ел азаматы:
- Жарайсыңдар,балалар,рахмет сендерге.Мен сендерден көп нәрсе біліп алдым,көп нәрсе біледі екенсіңдер.Енді маған рұқсат мен кетейін.Сау болыңдар!
ІІ Тәрбиеші: «Мақал-сөздің мәйегі» демекші туған тілімізге қатысты тіл өнеріне байланысты мақал мәтелдер айтайық.
1.Тілтасжарады,
Тасжармаса бас жарады.
2.Ойнап сөйлесең де
Ойлап сөйле.
3.Сөз сүйектен өтеді,
Таяқ еттен өтеді.
4.Өнер алды қызыл тіл.
5.Жақсы сөз – жарым ырыс.
ІV Жұмбақ шешу
Тілден ұшып, құлаққа қонады.
(Сөз)
Қабат-қабат қаттама,
Ақылың болса, аттама
(Кітап)
Жағалай-жағалай тас қойдым,
Жирен атты бос қойдым.
(Тіл,тіс)
Оттан да ыстық, ол не..?
(Отан)
V Құрастыру ойыны.
Балалар Ту злементтерін құрастырады.
Қорытынды.Сұрақ-жауап
Тәрбиеші:Балалар,бүгін бәрің сабаққа жақсы қатыстыңдар. Рахмет сендерге. Елбасымыз Н.Ә.Назарбаев «Қазақстанның болашағы-қазақ тілінде» деп айтқаныдай сендер осы ана тіліміздің мәртебесін биікке ұшыратын сұңқары, бәйгенің алдын бермес тұлпары болуларыңа тілектеспін.
Балалар:
Қол ұстасып тұрайық,
Шеңберді біз құрайық.
Көріскенше күн жақсы,
Сау саламат болайық.
МКҚК «Жұпар» балабақшасы
Тіл-тірегіміз,соғып тұрған жүрегіміз!
Тәрбие сағаты
Дайындаған: «Ертөстік» тобының тәрбиешілері
Амангелді ауданы 2017-2018 оқу жылы
