Алтын күз мерекесінің ерекшеліктері
«Алтын күз» атты мерекелік ертеңгілікті өткізу арқылы балаларды күз мезгілінің ерекшеліктерімен таныстыру, танымдық қабілеттерін арттыру және табиғаттың сұлулығын сезіндіру - бұл іс-шараның басты мақсаттары. Күз - табиғаттың жаңаруын, өнімнің молшылығын, сондай-ақ балалардың шығармашылық әлеуетін дамыту үшін тамаша мүмкіндік. Сондықтан, біз кішкентай бүлдіршіндермен бірге осы мерекені тойлап, оларды мерекелік көңіл-күйге бөлеуді жоспарлап отырмыз.
Ертеңгіліктің бағдарламасында балалар күз мерекесінің символы - «Күз ханшайымын» қарсы алып, оны гүлдер мен көкөністермен қарсы алуды, ән мен би арқылы күздің керемет жаратылысына деген сүйіспеншіліктерін білдіруді үйренеді. Күздің бай сый-сыяпаттарын, табиғаттың өзгешеліктерін балалармен бірге үйрену - бұл біздің басты міндетіміз. Дарынды балалар арасында «Жемістер мен көгөністер» атты ойындардың өткізілуі күзді неғұрлым жағымды әрі ерекше етеді.
Сонымен қатар, «Алтын күз» мерекесінде балалар өздерінің таланттарын көрсету үшін тақпақтар мен өлеңдер дайындайды. Олар бұл арқылы күзгі өнімдердің әртүрлілігін, оның дәмділігін және денсаулыққа пайдасын баса айтады. Күз ханшайымы балаларға өздерінің ерекше сыйларымен қатар, әсем поэзиясы арқылы да келмек. Ертеңгіліктің маңызды кезеңі - күзгі дәмдеріңізбен, ата-аналардың дайындаған түрлі салаттары мен тағамдарымен танысу.
Күз ханшайымының балаларға берген бағалаулары мен сыйлықтары олардың шығармашылық әлеуетін арттырып, мерекенің әсерін одан ары күшейтеді. Ата-аналар мен балалардың бірлескен еңбектерімен дайындалған көрмелер, сән үлгісінің көрсетілімдері - мерекенің тағы бір көрікті бөлігін құрайды. «Алтын күз» фестивалі - бұл тек мерекелік іс-шара емес, сонымен қатар баланың көзқарасын кеңейту, табиғатпен байланысын нығайту, әлеуметтік ортада өзін-өзі таныту мүмкіндігін ашатын керемет алаң.
Тақырыбы: «Алтын күз»
Мақсаты: Балаларды күз ерекесіне тән белгілерді тауып, табиғатты қорғауға, жемістер мен көгқністерді бір-бірінен ажырата білуге, оның сұлулығын тамашалауға тәрбиелеу. Берекелі күз туралы мағлұмат беріп, тақпақтары мен ән билері арқылы мерекелік көңіл күй сыйлау.
Жүргізуші:Сәлеметсіздерме құрметті қонақтар, ата-аналар! Табиғаттың әсем мезгілі «Алтын күз» мерекесіне қош келдіңіздер! Ел байлығын арттырған берекелі де мерекелі күз мерекесі құтты болсын. Сары алтындай сары күз себетке толы жемісін, қамбаға толы егінін сыйлайды. Ендеше «Алтын күз» атты мерекелік ертеңгілігімізді бастаймыз. «Айгөлек» тобының бүлдіршіндерін қарсы алыңыздар! (Балалар вальс билеп, залға кіреді, орындарына отырады.)
Шыңғыс:
Қуаныштың ағайын,
Қоңырауын қағайын,
Қуандырып біздерді,
Өлкемізге күз келді.
Темірлан:
Астық жеміс жиылды,
Қамбамызға құйылды.
Ардақты күз мың алғыс,
Алдық өнім сыйынды.
Жасұлан:
Өнім үйіп тастадық,
Оқуды да бастадық.
Берекелі алтын күз,
Ашық болсын аспаның.
Айзере:
Көбейді құт- береке,
Астық толы қоймамыз.
Құтты болсын мереке,
Алтын күзді тойлаймыз.
Гауһар:
Ходит осень в нашем парке,
Дарит осень всем подарки:
Бусы красные-Рябине,
Фартук розовый-Осине,
Зонтик желтый-Тополям,
Фрукты осень дарит нам.
Әлимансұр:
Қазан айы болыпты,
Қамбаға астық толыпты.
Сары даланы сәндетіп,
Думандатып, әндетіп,
Жаңбырлы ғажап айы,
Бұл мен қазан айы.
Хор «Күз келді»
Жүргізуші:
Енді бері қараңдар.
Бізге қонақ келмекші,
Сендерді бір көрмекші.
Әуелі жұмбақ жасырам,
Қулығымды асырам,
Таба алсаңдар шешімін,
Қонағымды дәл ортаға шақырам.
Жұмбақ:
Жиып-теріп болатын,
Қамбаға астық толатын.
Қызыл қырман ойнайтын,
Қай мезгіл деп ойлйсың?
Балалар:-Күзде.
Жүргізуші:Ал, күзде табиғатта қандай өзгерістер болады?
(балалардың жауабы) Өте жақсы. Ендеше, уәде еткенімдей ортаға қонағымыз «Күз ханшайымын» шақырайық!
(Музыка ойнап, ішке «Күз ханшайымын» себетке толы жемістерімен билеп кіреді)
Күз ханшайымы:
Сәлеметсіздер ме, балалалар! Сәлеметсіздер ме,қонақтар!
Өрік, алша,шие, алма,
Жидек,жүзім піседі.
Қауын, қарбыз, қияр, сәбіз,
Дүкендерге түседі. Айтыңдаршы балалар бұл қай мезгілде болады?
Балалар:-Күзде.
Күз ханшайымы:
Бұлттар төніп, жерге шөгіп,
Дымқыл тұман болады.
Шөп сарғайып, өңі тайып,
Дала сұры қашады.
Бой жаза алмай, ойнай алмай,
Денең мұздап тоңады.
Бөбектерім айтыңдаршы,
Бұл қай кезде болады?
Балалар:-Күзде.
Күз ханшайымы:
Жарайсыңдар балдырғандарым менің өлең-жұмбағымды бірден таптыңдар. Сендерге өз жемістерімді ала келдім!
Жүргізуші:
Рахмет, күз ханшайымы сіздің жемістеріңізбен ойын ойнайықшы. Балаларды екі командаға бөліп себеттегі көгөніс пен жемістерді бір-бірінен ажыратып себетке салу керек.
Ойын: «Жемістер мен көгөністер»
Жүргізуші: Көрдіңізбе, күз ханшайымы біздің балалар қандай епті, әрі тапқыр. Олар сізге көгөністер мен жемістер туралы тақпақтарын да айтып бермекші.
Меруерт:
Мен алмамын, алмамын,
Таңдандырар бал дәмім.
Пісіп толдым мінекей!
Баптап ерек бағбаным.
Мәншүк:
Мен өрікпін, өрікпін,
Дәміммен тәтті еліттім.
Сүйіктімін сәбилерге,
Айтпасамда бөліп тым.
Кәусар:
Менің атым қызанақ,
Тұзды сеуіп молырақ,
Банкілерге салыңыз,
Аузын мықтап жабыңыз.
Тағамға дәм қосамын,
Қыста тәбет ашамын.
Ізтұр Мирас:
Мен- шиемін, шиемін,
Күннің көзін сүйемін.
Қажеттімін адамға,
Оны жақсы білемін.!
Өміржан:
Мен-қиярмын, сәндімін,
Салаттардың сәнімін.
Дәруменім мол менің,
Жегенге қуат сыйлаймын!
Мансұр:
Кім білмейді шалқанды?
Талайлар маған таң қалды.
Бәріне сый боламын,
Тауып көр мендей шалқанды.
Сұңғат:
Өсіретін бойынды,
Дамытатын ойыңды.
Қоянға да азықпыз,
Сәбіздерміз жазықсыз.
Нұрғиса:
Жүзім, алма жинаймыз,
Алтын маұта тереміз,
Үлкендерді сыйлаймыз,
Көмектесе береміз.
Күз ханшайымы: Жарайсыңдар, балалар! Адам ағзасына қажетті дәрумендер жемістер мен көгөністерде көптеп табылады. Сондықтан да күнделікті жеп тұрыңдар.
Жүргізуші:-Күз ханшайымы біздің аналарымыз күз мерекесіне арнап, жемістер мен көгөністерден дайындаған күзгі дәмі бар екен, таныстырып өтсін.(Ортаға шығып ата-аналар үйден дайындап әкелген салаттарымен таныстырады.Сән үлгісін көрсететін қыздарды сыртқа шығару.)
Хор: «Жаңбырлар»
Жүргізуші: Келесі кезекті тағы да балаларымыздың тақпақтарына берейік.
Зинура:
Жайдары күз, жарқын күз.
Аяулы күз, алтын күз,
Дәнге толы кең далам,
Дариядай шалқар күз.
Ибраһимжан:
Наступила осень,
Пожелтел наш сад.
Листья на березе,
Золотом горят.
Аслан:
Сары теңге жапырақ,
Бояған ба көл бетін.
Тоңазыпты топырақ,
Ызғарлы екен жел де тым.
Мыңжас:
Кездескен соң күзімен,
Бұтағынан үзілген.
Ай жапырақ-сары алтын,
Айналанын бәрі алтын.
Б. Мирас:
Қуандырып біздерді,
Өлкемізг күз келді.
Кел жемісті алтын күз,
Кемелденсін халқымыз.
Фархад:
Күзде жауын, бұлт, тұман,
Сары жапырақ жауады.
Сары құйын ұйытқыған,
Сапырады ауаны.
Ақпейіл:
Берекелі, мерекелі,
Келді жомарт алтын күз.
Қалада да, далада да,
Жанды бәрі жарқын күз.
Ғазиза:
Айнала сары ала,
Қырманға дән тола.
Жемістер пісіпті,
Қоймаға түсіпті.
Жүргізуші:-Күз ханшайымы біздің топтың балалары ғана емес аналарымызда шетінен өнерлі,шебер, әрі епті. Олар сізге және күз мерекесіне арнап өз қолдарынан мынадай керемет көрме ұйымдастырыпты тамашалаңыз.(көрмені тамашалау.)
Енді біздің қыздарымыз өз аналары тігіп берген сәнді киім үлгісін киіп, сізге көрсетпекші. Сіз қыздарымыздың сәнді киімдерін тамашалауға дайынсыз ба?
Күз ханшайымы: -Дайынмын.
Жүргізуші:-Ендеше «Алтын күз-2017» сән үлгісін қарсы алыңыздар. (Қыздар ортаға шығып киім үлгісін көрсетеді.)
Күз ханшайымы: -Айналайын балаларым өнерлерің көп екен риза болып отырмын. Маған сендердін өнерлерін қатты ұнады. Мен сендерге және аналарына арнап мақтау қағазын бергім келіп отыр және де сендерге әкелген сыйым бар, дәм татыңдар.(Мақтау қағазымен, себеттегі банандарын балаларға таратып береді.)
Жүргізуші: -Балалар күз ханшайымына рахмет айтайық! Келесі кездескенше аманшылық болсын.
Балалар:-Рахмет!
Күз ханшайымы: -Аман есен болыңдар. Еңбек етіп, ойнап-күліп,шырқап әнге салыңдар. Рахмет сендерге, қош болыңдар!
Балалар:-Сау болыңыз! (Музыка ойнап, күз ханшайымы балаларға қолын бұлғап шығып кетеді.)
Жүргізуші:-Құрметті қонақтар, ата-аналар бүгінгі «Алтын күз» атты ертеңгілігімізді аяқтай отырып, күз берекелі, астықты болсын демекпіз.
«Берекелі бақ дәулет,
Арта түссін тойланып,
Сау болыңдар қонақтар,
Келгенше жыл айналып», -дей отырып, бүгінгі ертеңгілігімізді аяқтаймыз.
«Ай-нұры» балабақшасы және оку орталыгы
ЕРТЕҢГІЛІК
«АЛТЫН КҮЗ»
«Айгөлек» ортаңғы тобы
Өткізген тәрбиеші: Калиева М.Ж.
Ақшұқыр ауылы, 2017жыл.
