Берекелі Алтын Күз
«Берекелі Алтын Күз» атты мерекелік іс-шара күз мезгілінің әсемдігінің символы. Бұл шараның басты мақсаты – балалардың күз туралы білімін кеңейтіп, табиғаттың сұлулығы мен молшылығын, сонымен қатар оларды қорғау қажеттілігін түсіндіру. Әрбір бала күзгі табиғатпен танысып, көкөністер мен жемістердің артықшылықтарын білетін болады.
Оқу іс-шарасы барысында балалар күз мезгіліне арналған шығармашылық жұмыстарын көрсетеді. Олар ән салып, би билейді, тақпақтар мен жұмбақтар айтады. Күз – мерекелі, берекелі мезгіл, және осы уақыттың ерекше екенін айта отырып, олар қиындықсыз уақытша қиындықтарды жеңу жолдарын айтып өтеді. Күздің сары, қызыл және жасыл түстері әрбір шараны әсемдейді.
Шара мейрамханалық атмосферада өтеді, мұнда балалар күзгі дастарханға дайындалып, өзінің өнерлерін көрсетеді. Олар «көкөніс айтысы» ұйымдастырып, әр көкөністің пайдасын айтып, өз өнерлерімен бөліседі. Ал балалардың өнер көрсетуі шынымен де тамаша болып, көрермендерді таңдандырады.
Сондай-ақ, бұл іс-шара балалардың үйлесімді дамуына, олардың патриоттық сезімдерін оятуға, табиғатпен байланыстыруға маңызды рөл атқарады. «Берекелі Алтын Күз» – бұл тек мереке емес, сонымен қатар балалар үшін үлкен тәрбиелік сабақ, табиғатқа мейіріммен қарауды үйрететін ерекше кезең.
Сабақтың тақырыбы: Берекелі Алтын күз
Оқу іс-әрекетінің мақсаты: 1.Балалардың күз туралы білімін қалыптастыру.Күзгі табиғат ерекшеліктерімен таныстыру. Көкөністер мен жемістерді ажырата білуге үйрету. Табиғатқа қамқор болуға, оны аялауға тәрбиелеу.
Сөздік жұмысы: сары алтындай жайқалған, жиын-терін, берекелі күз, жомарт күз.
Оқу іс-әрекетінің көрнекіліктері: күз мезгілінің суреттері,бақшадағы көкөністер,баудағы жемістер суреттері.
Әдіс-тәсілдер:сұрақ-жауап,әңгімелеу, тыңдау.
Жүргізуші : Құрметті қонақтар,ұзтаздар және оқушылар. Бүгінгі «Берекелі алтын күз» атты ертеңгілігімізге хош келдіңіздер. Күз жыл мезгілінің бірі. Күз мерекелі,берекелі ай. Бүлдіршіндеріміз бұл мезгілде алғаш рет білім ордасына қадамдарын басады. Әрбір шаңырақта той тойланып, көңілдері қуанышқа толы болады. Олай болса күздеріңіз мерекелі де берекелі болсын.
Армысыздар көпшілік өнер сүйер.
Тамашаға тоярлық болар бір ел,
Біздің топтың балалары көрерменге,
Құрметпенен сәлем беріп басын иер.
Алтын күзді қарсы алып,
Би билейміз ән салып
Ұлы тойдай ұлы есім,
Жаралған ел жыр үшін- деп кезекті балаларымыздың тақпақтарына береміз.
Жүргізуші :Құлақтан кіріп бойды алар
Әсем ән мен,тәтті күй.
Көңілге түрлі ой салар,
Әнді сүйсең,менше сүй-деп
Ән: «Күз»
Жүргізуші: Ал кімнің өнері бар қаншалықты
Би билеп,ал біреулер ән салыпты
Бүгінгі «Алтын күз» мерекеге
Бүлдіршіндер аямай жан салыпты.- деп кезекті « Көкөністер айтысына» береміз
Қызылша: Көкөністің ішінде
Менің атым қызылша
Денсаулығын нығайтып
Қызмет етем адамға
Қызанақ: Қызара піскен бақшада
Қызанақты білерсің
Шырыныммен етіме
Тояттап-ақ жүрерсің
Сәбіз: Қызыл-сары сәбізбін
Жер бетінде бұрымым
Көзге берер күш қуат
Дәруменнің бірімін
Қияр: Бақшада көп өсетін
Мен кәдімгі қиярмын
Жұлып алып жесеңіз
Қырт-қырт етіп тұрамын.
Жүргізуші : Жоғары шық кел төрлет
Абыройың, бағың бұл
Көңілдерді ән тербеп
Арнадық саған бұл кешті
жүргізуші: Қазақтың түрлі-түрлі дәстүрі бар
Оның сырын ашқанға жұрт қызығар
Жауаптарын табар ма екен бүлдіршіндер
Сол себептен қоятын жұмбақтар бар.
Ойын: «Шар жару» шардағы жұмбақтарды шешу
жүргізуші: Сәл демалып тынығып ал,
Тақпақ тыңдап ұғып ал-деп кезекті балаларымыздың тақпақтарына береміз. Мектепалды даярлық сынып
жүргізуші: Баршаға өнер сүйер жар саламыз
Би билейтін бүлдіршіндерді қарсы аламыз
Күйге енейік баршамыз ерекше бір
Сіздер үшін би билеп, ән саламыз.
Би: «бидай биі»
1-жүргізуші: Қазір біз сіздермен « Күз мезгілі неде?» деген ойын ойнаймыз. Мен күз мезгіліне қатысты сөздер айтамын, сіздер аяқтайсыздар.
- Күзде жапырақтар (сарғаяды)
- Күзде күн (суытып, жаңбыр жауады)
- Күзде құстар (жылы жаққа ұшып кетеді)
Күзде көкөністер мен жемістер ( піседі)
жүргізуші: Жандары жақсылыққа тұнып дәйім
Жол берсін қақ жарылып қырық қайың
Құрметпен ортаға шақырайық
Бір топ өнерлі бишілерді.
Би:тиіндер
Жүргізуш і:Алтын нұрдай тамшылап
Жапырақтар төгілді
Біздің өмір таң шуақ
Біздің өмір көңілді
Жүргізуші: Табиғат әсемдіктің төркінісің
Ән саламыз бір сенің көркің үшін
Жан-жануар табынып бір өзіңе
Сенен алып тұрғандай бар тынысын
Хор: «Жау-жаңбыр»
жүргізуші: Табиғат алтын күнім, асыл айым,
Шашылған жұлдыз меруерт жастайынан
Үңілем таңнан тұрып терезеге
Ашық па жабық па деп қас-қабағың.
Егемендік нышаны жарқын жастық
Болашаққа сеніммен қадам бастық
Көркейтейік туған жер табиғатын
Кең даламда жайқалсын алтын астық
Табиғаттан нәр алған ғой жанымыз
Жер бетінің ажары ол сәніміз
Туған жер табиғатын аялап
Ұсынайық жүрек нұрын бәріміз.-деп бүгінгі «Алтын күз» атты ертеңгілігімізді аяқтаймыз. Мереке құтты болсын. Күз молшылық алып келсін. Қатысқандарыңыз үшін көп-көп рахмет. Хош сау болыңыздар.
Ойын .
Шарты:Балалардың көздерін байлап, қандай нәрсе екенін, сипау арқылы немесе иіскеу,дөңгелекпе, сопақпа ,қандай жеміс екенін сұрау.(3-4 балаға ажыратқан баланы мақтап мадақтау.)
(Би аяқталғанда үнтаспадан желдің дыбысы естіліп жапырақтар ұшады)
Тәрбиеші: Тентек жел шашып кетіпті
Жапырақтарды сан алуан
Тезірек жинап алайық
Қане, қане кім жылдам?!
Ойын «Кім жылдам?»
Тәрбиеші: Жарнамаға құлақ түріңіздер
Жаңалықтарды біле жүріңіздер...
- Әп - сәтте ақ қағазға күзгі табиғатты, күз кереметтерін бейнелеген ата - анаға үлкен сыйлығымыз бар. Асығыңыздар, асығыңыздар, асығыңыздар! (Бірнеше ата - аналар мальбертте сурет сала береді)
