Публикации воспитателей детских садов
О проекте

Музыка пәні бойынша "Отан отбасынан басталады" тақырыбына Сабақ жоспары (Мектепалды даярлық сынып)

Жунусова Жулдыз Жомартовна Жунусова Жулдыз Жомартовна
DOCX
1
0
Предпросмотр

 
 
«Ақжар жалпы орта білім беретін мектеп»ММ
 
 
 
 
 
 
 
 
 
 
Музыка
 
 
 
 
 
 
 
 
 
 
 
 
 
 
 
 
 
 
 
 
Тақырыбы: Отан отбасынан басталады.
Сынып:мектепалды даярлық
Тәрбиеші:Жунусова Жулдыз Жомартовн
 
Сабақтың тақырыбы:Отан отбасынан басталады.
Сабақтың мақсаты:
      Әнді жеке, қосылып, еркін, көңілді орындауға төселдіру. Ән мәтініне сәйкес үйлесімді қимыл-қозғалыс жасауға талпындыру. Балалардың бойында патриоттық сезім қалыптастыру.
      Пайдаланатын құралдар: Отбасы мүшелерінің мамандықтары туралы суреттер. «Менің отбасым» атты газет, фотокөрме ұйымдастыру. Отбасы туралы әңгіме, өлең, тақпақ, мақал-мәтел сайысын жариялау.
      Сабақтың барысы:
      Отбасы мүшелерінің суреті, олардың мамандықтары, отбасындағы дәстүрлі мерекелер туралы әңгімелеу. Өлең, тақпақ жаттау, сыйлықтар дайындау. Мақал-мәтел мағынасын түсіндіру.
      Іс-әрекет кезеңі:
                                    Біздің отбасы
                          Алақаны аялы,
                          Анам бар жаны саялы.
                          Кешіре білген кінәмді,
                          Әкем бар менің шыдамды.
                          Шалғы тартқан шалғында,
                          Ағам бар менің алдымда,
                          Жақсылыққа талпынған
                          Інім бар ерген артымнан.
                                    Сен бақытты ұлансың
                          Анаң – күнің, жүрегің,
                          Әкең - өмір тірегің,
                          Сен – бақытты ұлансың,
                          Бәрі саған қуансын.
                          Әжең – асыл ардағың,
                          Атаң – дана қорғаның,
                          Сен – бақытты ұлансың,
                          Бәрі саған қуансын.
                          Інің – мөлдір аспаның,
                          Қарыңдасың – қанатың,
                          Ел-Отаның жаннатың,
                          Сен – бақытты ұлансың,
                          Бәрі саған қуансын.
      Ән тыңдау. «Менің Отаным». Ө. Байділдаев.
-      Отан деген немене?
-              Естеріңе түсіріңдерші, Отан туралы қандай ән тыңдадық және қандай ән орындадық?
-              Отан туралы қандай мақал-мәтел, қанатты сөздер білесіңдер?
-              Ән жігерлі, қайратты, мақтаныш сезімде орындалған. Отанға, туған жерге деген сүйіспеншілікті бала жастан қалыптастыру қажет.
      Отан отбасынан басталады деп бекер айтылмаған. Отбасында бірін-бірі сыйлап, ата-анасын қастерлеген ұл-қыз ержеткенде Отанын сүйетін үлкен жүректі азамат болып өседі.
      Ән айту. «Аман болшы, анашым». Т. Зиядин.
      «Әрқашан күн сөнбесін». А. Островский.
      Әнді айтар алдында әннің сипатын ажыратып, әуеніне мән беріп, таза орындау қажет. Ән айту кезінде дауысты қатты шығармай, бір-бірін тыңдап орындау.
-        Ән қандай көңіл күйде жазылған?
-        Сендер үшін ең аяулы жан кім?
-        «Әрқашан күн сөнбесін» әнін қалай түсінесіңдер?
-        Сендер бақытты болуы үшін, өмірлерің жарқын болуы үшін барлық жағдай жасалған. Сендер ержеткенде ата-аналарыңа қамқор болып, елімізді қорғайтын үлкен азамат боласыңдар.
Сергіту сәті:
                          Ұзын мұртты құмырсқа,
                          Бара жатыр жұмысқа.
                          Допты алды қолына,
                          Допты қойды жолына.
                          Оңға қарады, солға қарады,
                          Үлкен тау деп ойлады.
Әуенді қимыл-қозғалыс. «Ақ қайың» биі.
Би өте жай, әсем, созылмалы түрде орындалады. Ақ қайың – сұлу, биік ағаш. Әуеніне аяқтың ұшымен, жұптасып билеуге болады. Қыз балалар қолына қолорамал ұстап, жоғары көтеріп, оңға, солға бұлғап қимыл жасайды.
Қорытынды:
Бүгін қандай ән тыңдадыңдар, қандай ән айттық? Қай іс-әрекет ұнады?
Белсенді балаларды атап өту, мадақтау.