Денсаулық - салауатты өмір салты
Сабақтың тақырыбы «Денсаулық - салауатты өмір салты» екенін ескерсек, бүгін біз денсаулықтың маңыздылығы мен салауатты өмір салтын насихаттау бағытында көптеген маңызды ақпараттар аламыз. Бұл сабақтың мақсаты балалардың денсаулығын қадірлеу, оның сақталу жолдарын және зиянды әдеттерден аулақ болуды үйрету болып табылады.
Денсаулық – бұл біздің ең басты құнды байлығымыз. Ол үшін әрбір адам өзінің өмірінде көптеген өзгерістер енгізуіне тура келеді. Сабақ барысында біз денсаулыққа пайдалы тамақтар мен зиянды заттардың қандай екенін түсінуге тырысамыз. Топтық жұмыстар мен ойындар арқылы балалар денсаулықтың не үшін қажет екенін, ол үшін өмірде қандай істер жасау керектігін біле алады.
Сабақ барысында өткізілетін түрлі тапсырмалар арқылы балалардың өзара әрекеттесуі, білімдерін көрсете білуі, әрі көңілді ортада үйренулері көзделеді. Сонымен қатар, сабақтың соңында оқушылардың денсаулық тақырыбындағы білімдерін тексеру үшін қызықты жұмбақтар мен ойындар өткізіледі. Бұл оларға денсаулық туралы ақпаратты қызықты формада игеруге көмектеседі.
Осы арқылы әрбір оқушы денсаулықтың қадірін түсінеді, саламатты өмір салтына деген қызығушылықтары артады. Әрі бұл сабақтың қорытындысы ретінде әр оқушы өзінің денсаулығына жауапкершілікпен қарауды үйренеді. Себебі, денсаулық – адам бақытын анықтайтын ең негізгі фактор.
Күні: 20.11.2017ж
Сынып: 3А
Машықкер: Разахберлі А. Р
Мұғалім: Рысқұл Ә.Қ
Әдіскер: Жахметова Б.К
Сабақтың тақырыбы: «Денсаулық - салауатты өмір салты».
Сабақтың мақсаты: оқушылардың бойына салауатты өмір салтын дарыта отырып, зиянды әдеттерден аулақ болуды түсіндіру, насихаттау.
Білімділігі: жаман әдеттерден туатын аурулар туралы білімдерін жетілдіру.
Дамытушылығы: өмірге, адамзат ұрпағына деген аяушылық сезімін ояту, аурудың алдын алуды үйрету. Мамандық иелері туралы түсініктерін кеңейтіп, олардың қызметіне байланысты сауаттарын дамыту.
Тәрбиелігі: тәні де, жаны да таза, әрі сау болашақ ұрпақты тәрбиелеу.
Көрнекілігі: нақыл сөздер, суреттер, видеоролик, шарлар.
Сәлеметсіңдер ме балалар. Көңіл күйлерін қалай? Бүгін сабақты сендерге мен беремін. Менің аты жөнім Разахберлі Арайлым. Мен сендерді көргеніме өте қуаныштымын.
Шаттық шеңбері:
Армысың, Әлем!
Армысың, Жарық күн! (Қолдарын жайып, көкке көтереді.)
Армысың, абзал Адам! (Қолдарын алға созады.)
Армысың, менің досым!
Біздің бүгінгі тақырыбымыз: «Денсаулық - салауатты өмір салты»
Балалар, денсаулық дегенде сендерге бірінші ойларына не келеді?
Денсаулық – баға жетпейтін жалғыз ғана асыл дүние. Ол жақсы болу үшін не уақытты, не күш – жігерді, не еңбекті, тіпті барлық дүниені аямай жұмсау керек. Денсаулық үшін өмірдің бір бөлімінде қиюға болады. «Денсаулық – зор байлық» дейді қазақ.
Бүгінгі сабағымызды топқа бөліп өткіземіз:
1-ші топ – Денсаулық
2-ші топ – Тазалық
3-ші топ – Дәрумен
І – бөлім: Сұрақ -жауап
ІІ - бөлім: Жұмбақтар шешу
ІІІ - бөлім: Ойын: Төрт құбылыс
IV – бөлім: Қорытынды
Ал, енді балалар біз сендердің білімдеріңді тексереміз. Сұрақ -жауап ойынын ойнайық.
1-ші топ: Денсаулыққа пайдалы тамақтар қандай?
2-ші топ: Денсаулыққа зиянды тамақтар барма?
3-ші топ: Денсаулық не үшін қажет?
Балалар сендердің білімдеріңді тексердім. Жарайсыңдар! Сендердің денсаулық туралы жақсы білетіндеріңді білдім.
Балалар үйге берген тақпақтарды жаттадыңдар ма?
Ал енді жұмбақ шешуге қалай қарайсыңдар?
1.Ертемен күнде сен,
Қолыңа сүйкесең,
Кетіп кір-ласың,
Тап-таза боласың
Сабын
2.Шомылған баланы,
Аймалап алады.
Сипайды қолында,
Сипайды жонында
Орамал
3.Иілсең , иіліп,
Түйілсең, түйіліп.
Қарайды кісіге,
Ұқыпты ісіне
Айна
4. Аузы жоқ, көзі жоқ,
Тілі жоқ, сөзі жоқ.
Бірақ та тісі бар,
Басыңмен ісі бар
Тарақ
Сергіту сәті:
Суда да біз жүземіз,
Тауға да біз шығамыз.
Шынығамыз жүгіріп,
Шынығамыз секіріп.
Шынығамыз адымдап,
Біз мезгілде дем аламыз, дамылдап.
Адам ұзақ өмір сүремін десе, «Ауырып ем іздегенше, ауырмайтын жол іздеу керек . Деніңіз сау болсын десеңіз не істеу керек?
1-ерте тұру,
2- орта тазалығын ұстау;
3-дене шынықтыру,
4-үнемі денені таза ұстау,
5-үнемі сергек жүру.
Ал енді балалар сендермен ойын ойнайық.
Ойынның аты: «Төрт құбылыс»
«Су», - десе қолдарын алдына созады, «ауа» десе жоғары көтереді, «от» дегенде екі қолын айналдырады, «жер» дегенде қолдарын түсіреді. Кім шатасса, сол орнына отырады.
Жарайсыңдар! Сендердің шапшандықтарынды көрдім.
Ал енді, балалар Денсаулық туралы видеоролик кореміз
Осы видеодан не түсіндіңдер? Өз ойларынды айтыңдар.
Қорытынды:
Ұлы ойшыл Сократқа кезіңде мынадай сұрақ қойылыпты: «Адамға өмірде не қымбаттырақ байлық па, әлде атақ па?» депті. Сонда Сократ «Байлық та, атақ та, даңқ та адамды шын бақытты ете алмайды. Дені сау кедей, ауру патшадан бақыттырақ» деп жауап беріпті. Яғни адам бақытты болу үшін оған денсаулық керек, ал денсаулықтың кепілі салауаттылық. «Тіршіліктің негізі – салауатты болашақ» деп бүгінгі тәрбие сағатымызды аяқтаймыз.
Баға:
Мұғалім:
Әдіскер:
