Спортық жарыс «Өсіп, шымыр боламыз!»
Спорттық жарыстар – бұл балалар арасында денсаулықты нығайту мен сүйіспеншілікті арттырудың ең тиімді жолдарының бірі. Бүгінде «Өсіп, шымыр боламыз!» атты спорттық жарыс балалардың шапшаңдығы мен ептілігін арттыру үшін ұйымдастырылған. Бұл шараға біз, құрметті ата-аналар мен балабақша тәрбиешілері, алдағы өткізілетін конкурстарда балаларымызды ынталандыру мақсатында жиналдық.
Жарыс барысында балалар ұлттық ойындар арқылы патриоттық сезімдер мен ұлттық құндылықтарды нығайтады. Әрбір қатысушы өз командасының жетістігі үшін жарысуда, бұл оларға достық, ынтымақтастық және өзара көмек көрсетуге үйретеді. Спорттық жарыстарды жүргізу барысында тек физикалық белсенділік қана емес, сонымен қатар, балалардың бір-бірімен араласуы, көңілді ортада уақыт өткізуі өте маңызды. Біз осы жарыс арқылы балалардың спортқа деген қызығушылығын арттыруды көздейміз.
Біздің жарысымыз алты түрлі бөлімнен тұрады, оған балалар қызығушылықпен қатысады. Мәселен, «Кім жылдам» ойыншыларының шапшаңдығын байқайды, ал «Арқан тарту» мен «Бәйге» ұлттық ойындарымыз достықты нығайтуға арналған. Ойын шарттары команда spirit-ін арттырып, әр баланың өміріне ерекше әсер етеді. Жарыстың барысында жақсы өзара байланыс және командадағы қатысушылардың ынтымақтастығы ерекше орын алады.
Жарыс балалардың қуанышымен, шаттықпен өтіп, олардың денсаулықтарын нығайтуға үлкен септігін тигізеді. Біз әр ата-ананың қызығушылығын ояту арқылы оларды спортқа тартамыз. Бұл шараның мақсаты – балалардың спортқа деген сүйіспеншілігін арттыру, олардың шапшаңдығын, ептілігін дамыту, сондай-ақ, ұлттық құндылықтарды дәріптеу. Біз барлық қатысушыларға сәттілік тілей отырып, спорттық жарысымызды бастаймыз!
Спортық жарыс.
Тақырыбы: «Өсіп , шымыр боламыз!»
Мақсаты: Спорттық эстафеталық жарысқа қызығушылықты арттыру. Спортқа деген сүйспеншіліктерін нығайту. Ептілікке,шапшаңдыққа жаттығу. Балаларға ұлттық ойындарды ойната отырып, ұлт жандылыққа тәрбиелеу, патриоттық сезімдерін қалыптастыру.Ата-аналардың қызығушылықтарын ояту.
Көрнекі құралдар: доп, секіргіш, доғал, гимнастикалық орындық, тығыз доп, асықтар, кеглилер,арқан.
Жүргізуші: Сәлеметсіздер ме,құрметті ата-аналар, балабақша тәрбиешілері, қонақтар. «Қарлығаш »тобында өткелі отырған «Өсіп, шымыр боламыз!» атты спорттық жарысқа қош келдіңіздер.Біздің қатысушыларымызды қошеметтеп отырыңыздар.
Спорт деген азанда,
Алады да тұрғызып.
Еріншектік аз онда,
Бастайды ойын бір қызық.
Аязда да тоңбайсың,
Ыстыққа да күймейсің,
Сергектікті қолдайсың,
Жалқаулықты сүймейсің,
Бақыт сенен қашпайды,
Өнер білген пайдалы,
Спорт соның айғағы дей тұрып,
Жарысымызды бастамас бұрын әділ-қазылар алқасымен танысып алайық:
1. Балабақша әдіскері: Мамбеталиева Ғалия
2.Тәрбиеші: Бердибекова Жазира
3.Медбике: Қорабаева Жанар
Жүргізуші:
Уа халқым,назар аудар денсаулыққа,
Өмірде бақыттысың денің сауда
«Денсаулық – терең бақыт» деген сөзді
Құр айтпаған ұлы Абай данамыз да.
Денің сауда күштісің бұл әлемде,
Денің сауда сұлусың жер бетінде.
Сол мықты денсаулықтың арқасында
Жетерсің әлі талай бақыттарға.деп, - ортаға спортшыларымызды шақырайын.
1. «Жауқазын» II кіші тобын шақырамыз.
Ұраны: «Біз бүлдіршін Жауқазын
Шаршамаймыз талмаймыз
Алға қарай самғаймыз»
Жарысымыз 6 бөлімнен тұрады.
1. «Кім жылдам»
Ойын шарты: Бірінші ойыншы қолына кубикті алып , жүгіру арқылы белгіленген орыннан айналып келіп, екінші ойыншыға кубикті береді.Ойын ары қарай жалғасады, қай топ бірінші аяқтаса, сол топ жеңіске жетеді.
2. «Арқан тартыс»
Ойын шарты: Ойыншылар белгіленген орыннан екі топ арқанды ортаға керіп тұрады,берілген сызықтан тартып шыққан топ жеңіске жетеді.
3. «Бәйге»
Ойын шарты: Ойыншылар белгіленген межеден атпен айналып келіп , аттарын келесі ойыншыға береді,бірінші болып аяқтаған топ жеңіске жетеді.
Тобымыздың әнін тамашалайық
Ән «Қыс қызығы»
4. «Асық ату»
Ойын шарты: 2-3 метр қашықтықтағы асықты қай топта көп асық болса сол топ жеңіске жетеді.
5. «Орамал тастамақ»
Топ балалары шеңбер айналып тұрып бірігіп ойнайды. Бір ойыншы шеңбер сыртына шығып орамал алып шеңбер айнала жүгіреді,бір ойыншының артына орамалын тастап кетеді,сол ойыншы қарама қарсы жүгіреді қайсысы бірінші жетсе сол жеңіске жетеді.
6. «Допты жалғастыр»
Ойын шарты: балалар бір қатарға тұрып допты жоғарыдан жалғастырып, соңғы ойыншы аяқтың арасымен алға қарай береді, қай топ допты жоғарыға бірінші көтерсе сол топ жеңіске жетеді.
Балаларымыздың сайысына баға беру үшін сөз кезегін балабақша әдіскері Мамбеталиева Ғалияға береміз.
(ойынға қатысқан ойыншылар марапатталды).
Жүргізуші: Осымен балабақшамызда «Жауқазын» II кіші тобы балалары арасында өткен «Өсіп, шымыр боламыз!» атты жарысымыз аяқталды.
Жарқын,шаттық заман болсын,
Бүлдіршіндер аман болсын.
Сыйластық пен бірлік болып,
Әрқашан орта толсын.
Балалар саппен жүріп залдан шығып кетеді.
