Ашық сабақ: Үй құстары
Бұл құнды материалда облыстық № 3 арнайы мектеп-интернатта ұйымдастырылған «Үй құстары» тақырыбындағы ашық сабақтың жоспары баяндайды. Сынып жетекшісі У.К. Косжанова оқушыларға үй құстарының өмірі мен олардың адам өміріндегі rolін ашып көрсету мақсатында ерекше әдіс-тәсілдерді қолданды. Сабақ барысында балалар құстар туралы білімдерін жүйелендіріп, олардың әрқайсысының ерекшеліктерін тереңірек таныды.
Сабақтың басталуы сырласып, сәлемдесумен өрнектелді. Оқушылар күз мезгілінің ерекшеліктерін талдап, тақпақтар оқи отырып, өздерінің білім деңгейлерін көрсетті. Сонымен қатар, сабақ барысында үй құстарына қатысты жұмбақтар шешіліп, балалардың білгірлігі мен тапқырлығы байқалды. Бұл жұмыстардың барлығы үй құстарына деген қызығушылықты арттырумен қатар, табиғат туралы білімді кеңейтуге мүмкіндік берді.
Көрнекіліктердің маңызды рөлі атқарылған сабақта балалар үй құстарын сурет арқылы танып, олардың аттарын иеленді. Соның арқасында олар үй құстарының адам өміріндегі маңызына үлкен назар аударды. Сабақ барысында мультимедиялық құралдар мен ойыншықтар қолданылып, балаларға бүгінгі білім ошағында өткен сабақтың әсерлілігі артты. Сондай-ақ, мұғалім балаларға үй құстарына қамқорлық жасауды үйретіп, оларға деген сүйіспеншілікті дамытуға бағыт алды.
Нәтижесінде, балалар үй құстарының әрқайсысы туралы білімдерін толықтырып, өз пікірлерін ашық білдіруге үйренді. Сабақта алға қойылған мақсаттарға қол жеткізіп, балалардың ой-өрісін кеңейту және экологиялық мәдениет қалыптастыру негізінде қорытынды ойлар айтылды. Мұндай сабақтар әдістемелік жағынан маңызды, себебі олар балалардың танымын кеңейтіп, қызығушылықтарын арттырады.
Облыстық № 3 арнайы мектеп-интернат
Ашық сабақ
(Бастауыш сыныптары декадасында өткізілген)
Пәні: Тіл дамыту
Тақырыбы: «Үй құстары»
Өткізген: 0 «в» сынып жетекшісі
У.К.Косжанова
А Т Ы Р А У
Бекітемін_____________ күні:26.10.
Оқу ісінің меңгерушісі Хасанова С.С. сыныбы: 0 в
Тақырыбы: «Үй құстары».
Мақсаты: Балалардың құстар туралы білімдерін тиянақтау. Үй құстарының әрқайсысының өзіне тән қасиеттері туралы әңгімелеу. Үй құстарына қамқор болуға, оларды күте білуге, құстарды қорғау тәрбиелеу.
Көрнекіігі: Үй құстарының суреттері, ойыншықтар, жұмыртқа, мультимедия, үнтаспа.
Әдісі: Түсіндіру, әңгімелеу, сұрақ - жауап.
«Сәлемдесу - Амандасу»
Сәлематсыздар ма? Здравствуйте! Гуд монинг!
Жақсы оқып сабақты,
Әдеп сақтау сәніміз.
Сәлем бердік, сіздерге,
Басты иіп бәріміз.
- Өте жақсы балалар, енді орнымызға отырайық. Балалар, қазір жылдың қай мезгілі?
Балалар: - Күз мезгілі
- Күз мезгілінде қандай табиғат құбылыстары болады?
Балалар: - Күн суытады, жаңбыр жауады, жапырақтар сарғайып жерге түседі.
- Ендеше, күз туралы кім тақпақ біледі?
Расул: Жемісі мол, теретін,
Күз дос екен бізбенен.
Бәрін тауып беретін,
Жомарт екен күз деген.
Мәди: Сарғайды тоғай,
Сап-сары маңай.
Соңғы әнін айтып,
Құс кетті қайтып.
Исламбек: Өрік, алма, жидек, жүзім піседі,
Қауын-қарбыз, қияр-сәбіз,
Дүкендерге түседі.
Бөбектерім айтыңдаршы,
Бұл қай кезде болады.
Сергіту сәті: «Ақ бидай»
Үнтаспадан «Құстар үні» тыңдалады.
Балалар, енді айналамен танысу оқу іс - әрекетінде өткен құстар туралы тақпақтарды есімізге түсірейік.
Алихан: Қазым, қазым, қаңқылда,
Көлде жүзіп салқында,
Жем шашайын жейсің бе?
Кәмпит берші дейсің бе?
Жоқ, жоқ, жоқ
Кәмпит тәтті, болмайды ас.
Арпа менен бидай шаш.
Расул: Ауыл маңы саз – саз - саз,
Жайылады қаз - қаз - қаз
Жем шашсаң мәз - мәз - мәз
Тоймай қалса қаз – қаз – қаз
Шашқан дәннің аз – аз – аз.
Исламбек: Тауық тары жинапты,
Оны ешкімге қимапты.
Бөтекесін толтырып,
Қамбасына құймапты.
Қыста тауық қақылдап,
Тары іздеп жүр тақылдап.
Мәди: Таң әлі атқан жоқ,
Маңай әлі қараңғы.
Әтеш ерте оянып,
Жан жағына қарады.
Шынықтырып денесін,
Қанаттарын қағады.
Ку-ка-ре-ку тұр-тұрлап,
Оятады баланы.
1-слайд: суреттер.
- Суреттен нені көріп тұрсыңдар?
- Үй құстарының атауларын атаңдар?
- Неге үй құстары деп атаймыз?
- Үй құстарының қандай пайдасы бар?
Үй құстары
Әтеш, тауық, балапандар, қаздар.
Себебі, адамдар осы құстарға қамқор көрсетіп, қоректендіріп қарайды.
Жұмыртқасын, етін адамдар жейді. Мамығынан жастық көрпе жасайды.
Қандай қамқор көрсетеміз?
Енді, балалар, тақтадағы бейнебаянға назарымызды аударайық.
Ал, үй құстары туралы жұмбақ шешейік.
2-слайд: жұмбақтар.
Жұмбақ шешу.
1. Алшаң - алшаң басады,
Бірін - бірі көрсе қаңқылдасады. (қаз.)
2. Қық - қық етеді,
Кезіп жүріп көшені.
Жата қалса орнына,
Ақ доп тастап кетеді. (тауық.)
3. Бұрап қойған сағаттай,
Айқайлайды таң атпай. (әтеш.)
4. Барқыттай жүні құлпырған,
Жем тілеп ылғи ұмтылған.
Тауық емес, тегі ұқсас,
Сақалы бар салпиған. (күркетауық.)
5. Судан шықса баладай,
Тәй - тәй басып қаладай. (үйрек.)
3-слайд: «Анасын тап»
4-слайд: Дыбыстық талдау. Қаз, үйрек, тауық, әтеш.
Озат балаларға смайлик беру.
Қорытынды:
Сонымен, балалар, үй құстары әтеш, тауық, қаз үйрек, балапан.
Жұмыртқасын, етін адамдар жейді. Мамығынан жастық көрпе жасайды.
Жем шашып, су береміз, ұя салып, маңын тазалаймыз.
Күтілетін нәтиже:
Нені біледі: Үй құстарымен, үй жануарларының тіршілігі туралы баяндап, балалардың үй құстары, үй жануарлары туралы білімдерін толықтыру.
Қандай түсініктерді игерді: Үй құстары мен үй жануарларының әрқайсысының өзіне тән қасиеттері туралы пікірлерін айтқызу арқылы кез келген тақырып бойынша ойларын еркін жеткізе білуге баулу.
Меңгерген дағдылары мен іскерліктері: Үй құстары мен үй жануарларына қамқор болуға, оларды күте білуге баулу және құстарды қорғауға тәрбиелеу.
