«Қош келдің, Жаңа жыл!»

Тақырыбы:«Қош келдің, Жаңа жыл!»
Мақсаты: Балаларға мерекелік көңіл-күй сыйлау. Көңілді, бірлескен ойындар ойнатып, достық қарым-қатынас орнату.

Жүргізуші:
Жаңа жылдың таңы неткен арайлы
Ақ мамыққа бөлеп алды маңайды
Жаңа жылмен құттықтаймын бәріңді
Бақыт, шаттық, молшылық әкелсін
Бәрімізге мына жыл арайлы!
Құтты болсын ағайын!
Жаңа жылың тағы да.
Қол соғып қарсы алайық,
Шақырайық ортаға.
Ертеңгілік басталсын
«Ақжелкен» тобында!
(балалар келіп шыршаны айналып тұрады)

Жүргізуші: Бәрекелді, жарайсыңдар! Қараңдаршы, айнала неткен керемет, Мына шыршамыздағы ойыншықтар сияқты, бәріңізде әп - әдемі болып жаңа жылға жиналып қалыпсыңдар. Ендеше шыршамызға арнап әнімізді айтайық.
Жүргізуші: Алдарыңызда әнші қыздарыңыз Айзеренің орындауында «Жаңа жыл» әнімен.
Жеке ән: «Жаңа жыл»
( Музыка әуенімен ішке тауық кіреді де, шыршаны бір айналып шығады)
Тауық:(Айсезім) Сәлеметсіңдер ме,балалар, сендер мені танисыңдар ма?
Балалар: Ия, тауық.
Жүргізуші: Дұрыс айтасыңдар бұл бізбен бір жыл бойы бірге болған тауық жылымыз ғой. Сәлеметсің бе, тауықжан? Біздің шырша кешімізге қош келдіңіз. Балалармен бірге ән айтып, тақпақтарын тыңдап, көңілінді көтер. Қане, балалар жаңа жылға тақпақтарымызды айтайықшы.
Тақпақтар.
Ақпатша:
Жаңа жылмен, жаңа жылмен,
Құттықтаймыз әрине.
Әкемізді, анамызды
Қонақтардың бәрін де!
Әсет:
Жүзімізге күлкі ойнап
Қанаттанды жанымыз.
Жаңа жылды біз тойлап
Шаттанамыз бәріміз.

Аяулым:
Здравствуй, елочка лесная,
Серебристая, густая,
Ты под солнышком росла,
И на праздник к нам пришла!
Мадияр:
Той, мереке, салтанат
Думандатты шартарап
Келді, міне жаңа жыл
Тартуларын арқалап.
Батухан:
Новый год, новый год,
В двери постучится,
Будет праздник у нас.
Будем веселиться!
Жүргізуші: З. Аяулым мен Б. Аяулымның орындауындағы жаңа жыл әнің қабыл алыңыздар.
Жеке ән: «Жаңа жыл»
Жүргізуші: Ал, балалар, ескі жылымыз бізбен қоштасқысы келетін сияқты. Ескі жыл есіркесін, деп тауық жылын шығарып салайық.
Тауық:(Айсезім)
Бір жыл бойы сендермен,
Бірге жүрдім ойнадым.
Енді міне балалар,
Кезек келді қоштасар.
Жүргізуші: Сау болыңыз, тауық жылы, біз сізге ризамыз! Енді сізбен 12 жылдан сон қайта кездесетін боламыз.
Балалар: Қош бол, тауық жылы! (Тауық қолын бұлғап, шыршаны айналып шығып кетеді)
Жүргізуші: Балалар, айтыңдаршы жылда жаңа жылға бізге қонаққа кім келуші еді?
Балалар: Аяз ата, Ақшақар.
Жүргізуші: Кәнекей, ендеше бәріміз бірге Аяз ата мен Ақшақарды ортаға шақырайық.
Балалар: Аяз ата, Аяз ата, Аяз ата, Ақшақар Ау - у - у - у! 3 – рет.
(Маша мен аю мультфильмінің әуенімен ішке аю кіріп келеді)
Аю: (Исматолла) Сәлеметсіңдер ме балалар, қонақтар!
Мен қысқы ұйқыда болатынмын, қатты айқай – шудан шошып ояндым, не болып қалды деп сұрап едім, бәрінің айтатындары бір - ақ сөз: «Жаңа жыл келіп қалды, жаңа жыл» - дейді. Машаны да іздеп, осында болар деп келдім.
Жүргізуші: Мәссаған, балалар бұл кім?
Балалар: Аю.
Жүргізуші: - Иә, «Маша мен аю» мультфильмін сендер өте жақсы көресіңдер ғой. Бірақ біз Аяз атаны шақырдық қой, аюды емес...
Балалар: Иә.

Аю.( Исматолла) Осы кезде аю машаны тауып алып, әрең таптым - ау, сені қасқыр жеп қойған шығар деп едім. (Аю Машаның қолынан ұстап, кетіп бара жатады)
Жүргізуші: Тоқтаңыздар, кетпеңіздер, бізбен бірге болыңыздар, балалардың өнерін тамашалап, Аяз ата мен Ақшақарды бірге қарсы алайық.
Тақпақтар.
Д. Айзере:
Өлең де әзір, ән әзір,
Ойын да әзір, бәрі әзір.
Кел, жаңа жыл, біздерге,
Кел, жаңа жыл, жаңа жыл.

Оспан-Әди:
Жаңа жыл, жаңа жыл,
Сені күттім елеңдеп.
Өзіңменен ілесіп,
Аяз ата келер деп.
Жанерке:
Қалып едік сағынып,
Kүтіп алдық жабылып.
Жолын қойдық жарық қып,
Шыршаларға шам іліп.
Айдын:
Оралдың өлкеме,
Жаңа жыл армысың.
Оранды ақ көрпеге,
Асқартау, қарлы шың.
Ерасыл:
Жаңа жылды қарсы алдым
Мініп алып күймеге
Мен де бүгін ән салдым,
Араластым биге де.
Жүргізуші:
Айта берсек таусылмас,
Жаңа жылда жаңа жыр.
Кел одан да, балалар,
Ойын ойнайық жаңа бір.
Ойын. «Шыршаны безендір»

Шарты: Балалар екі командаға бөлініп, ортада тұрған шыршаны безендіреді.
Жүргізуші:Міне керемет шыршамыз қандай әдемі болды.
Жүргізуші: Балалар, жаңа жыл болса келіп қалды, ал шыршамызға Аяз Ата мен Ақшақар жетіспейді.
Қане бәріміз бірге тағы бір рет Аяз ата мен Ақшақарды ортамызға шақырып көрейікші.
Балалар:
Қоңырау үні сыңғырла,
Аяз ата, Ақшақар.
Біз сендерді сағындық,
Тез келіңдер ортаға.
Аяз ата, Ақшақар 3 – рет. (әуенмен ішке Аяз ата мен Ақшақар кіреді)

Аяз Ата:
Құтты болсын, балалар,
Келген Жаңа жылдарың.
Алаңдамай өсіңдер,
Еркелеп қыз, ұлдарым.
Өткен жылы келіп ем,
Бәріңді де көріп ем.
Жыл өткізіп келем деп,
Уәдемді де беріп ем.
Бірдей өсіп қалдыңдар ма?
Ойларың мен бойларың да.
Ал, мен кіммін айтыңдаршы, Мені тани алдыңдар ма?
Балалар: Аяз ата!
Ақшақар: Сәлеметсіңдер ме, балалар. Жаңа жылдарың құтты болсын!
Сүйсіңдірер маңайды,
Ақшақармын арайлы.
Жалт - жұлт еткен жүзімнен,
Күміс сәуле тарайды.
Ақшақармын аппақпын,
Қалай тыныш жатпақпын.
Жүргізуші:
Қош келдіңіздер, баршаңызда,
Аяз ата, Ақшақар. Біздің балалар өздерінді қатты сағынды. Аяз ата сіздің «Қатырмақ» деген ойыныңыз бар еді ғой қазір балалармен сол ойынды ойнасақ қайтеді?
Ойын: «Қатырмақ»
Жүргізуші: Ой, рахмет Аяз ата сіздің ойыныңыздан сон балаларымыздың көңіл-күйлері көтеріліп қалды. Ал біздің шыршамыз көңілсіз, сіз сиқырлы сөзіңіздің көмегімен біздің шыршамыздың шамын жағып бересіз бе?
Аяз Ата:
Ия, балалар, бәріңіз менімен бірге
Қуант, бізді, таңырқат.
Шамдарыңды жарқырат! деп 3 рет қайталаңыздар!
Бірге:
Қуант, бізді, таңырқат.
Шамдарыңды жарқырат! 3 рет қайталайды.
(Шырша шамы жанады, балалар «Алақайлап» қол соғады)
Жүргізуші:Келіңдер балалар Аяз атамен Ақшақарды ортаға алып, шыршаны айналып әнімізді айтайық.
Хор: «Ормандағы шырша»
Жүргізуші:Қане, балалар, Аяз атаға тақпақтарымызды айтып берейік.

Тақпақтар.
Аделина:
Будет елочка гореть,
Огоньками ярко.
Дед мороз, дед мороз,
Принесет подарки!
Мансұр:
Жаңа жылға сәніміз,
Біздің айтар әніміз.
Келдің бе аман алыстан,
Сәлем, Аяз атамыз.

Рахымжан:
Ақ қырауға малынған,
Сақалы да, мұрты да.
Аяз ата сағынған,
Сәлем берді жұртына.
Анар:
Аппақ тонға оранып,
Базарлықты мол алып.
Келді алыс сапардан,
Аяз ата оралып.

Амина:
Аспан жерге төгеді,
Ақ күмісін уыстап.
Жаңа жылда келеді,
Бізге қарай жылыстап.

Абылай:
Шыршамыз да керемет,
Ойыншықтар тағылған.
Алыс жақтан келіп тұр,
Аяз ата сағынған.
Жүргізуші:Аяз ата балаларымыздың биін қабыл алыңыз.
Би. «Санта клаус»
Аяз ата: Жарайсыңдар, өнерлі екенсіңдер!
Жүргізуші:Ақшақар, ал сен бізге қандай ойын әкелдің?
Ақшақар:
Мен білемін бір ойын: Үйретейін сендерге
Мен бастаймын, ал, сендер аяқтаңдар ойынды.
Хормен жауап айтыңдар!
Қарға мүлгіп дала тұр,
Келе жатыр....
Балалар: Жаңа жыл!
Ақшақар: Қызыл мұрын, ақ мұртты
Білсең атын тез ата,
Келеді бізге....
Балалар: Аяз ата!
Ақшақар: Шырша бүгін кәделі!
Сендер бәрін......
Балалар: Әдемі!
Ақшақар: Көңілсіз бір бала жоқ,
Ойын - күлкі таралсын
Құтты болсын..... (3 рет)
Балалар: Жаңа жыл!
Жүргізуші:
Әуеледі әніміз,
Жаңа кірді сәніміз.
Ақшақарды ортаға алып,
Би билейік бәріміз.
Би: «Шырша биі»
Жүргізуші: Әнші баламыз Әсетті «Жаңа жыл» әнімен қарсы алыңыздар!
Жеке ән: «Жаңа жыл»
Жүргізуші:Балалар енді Ақшақарға тақпақтарымызды айтып берейікші!
Тақпақтар.
Есенсейіт:
Жаңа жыл келгенде,
Қуанып қарсы аламыз.
Аяз ата келгенде,
Билейміз, ән саламыз.

Аружан:
Мұздан моншақ тағынып
Күміс қырау жамылып.
Ортада тұр Ақшақар
Көптен күтіп сағынып.
Б. Аяулым:
Аралайды бақшаны
Үзілмейді жақсы әні
Гүлденеді бақшалар
Жауса жаусын Ақшақар.
Әли:
Далада қар борайды,
Ақ мамыққа орайды.
Мұз болады, қатады.
Жып-жылтыр боп жатады.
Файезе:
Аяз келді қаһарлы,
Айналаны қар жапты.
Ақ тон киіп орман тұр,
Дәл атамдай салмақты.
Расул:
Аяз ата аппақ,
Кәмпиттері тәтті – ақ.
Маған кәмпит көп берсең,
Тағы айтамын тақпақ.
Түлкі: (Ж. Айзере) - о - о, мыналарды қара! Аяз атадан сыйлық алмақшы. Сендерден бұрын мен аламын. (Аяз атаға келіп) Хи - хи - хи, Аяз ата, мен сізге өлең айтып берейін бе?
Аяз ата: Айта ғой, түлкішек.
Түлкі: (Ж. Айзере)
Ананы да, алдадым
Мынаны да алдадым
Мен түлкімін айлакер
Аяз ата сыйлық бер. (қолын жаяды)
Қасқыр: (Мәулен) Ау, түлкі, сен жұрттың бәрін алдап, енді атаны да алдайсың ба? Кет әрі. Аяз атаға әнді мен айтып беремін. (қолында гитара)
Мен қасқырмын, қасқырмын,
Қозы ұрлаймын өрістен.
Ұйқым келмейді егерде,
Қозы етін жемесем. Ахо - хо. Охо - хо.
(осы кезде ит шыға келеді)
Ит: (Нұрдәулет)
Ей, қасеке, қасеке!
Сен де адал емессің.
Мен тұрғанда қозы, лақ
Оңайлықпен жемессің. (Ит шыршаны бір айналып, түлкі мен қасқырды қуып жібереді)
Ит: (Нұрдәулет)
Жеті қазына бірімін,
Қасқыр келсе үремін.
Жаңа жыл енді менмін!
Аф - аф – аф.
Аяз ата: Адамзаттың серігі,
Жаңа жылдың иесі.
Сен екенсің ғой.
Жүргізуші:Балалар, бұл жеті қазынамыздың бірі 2018 жылдың басты эмблемасы ит екен.Ал ит мырза біздің балабақшамызға қош келдіңіз! Келіңдер балалар, жаңа жыл жарылқасын деп, ит жылын ортамызға алып, шыршамызды айналып, әнімізді айтайық.
Хор: «Шырша жыры»
Аяз ата: Жарайсыңдар балаларым! Meнi бүгін бip қуантып, алыс жерден шаршап келгенде көңілімді көтердіңдер. Барлықтарың да ақылды, білімде де өнерлі екенсіңдер. Киген киімдерін қандай әдемі! Солай емес пе қызым?
Жүргізуші: Аяз ата Ақшақар сіздер біздердің балаларымыздың сыйлықтарын қашан бересіздер?
Аяз ата: Ой - буй, ұмытшақ басым ай, әрине қазір, қазір....
(барлығыңа сыйлық үлестіріледі)
Біздің сыйлығымызға риза болыңдар. Ал енді біз жолға шығайық. Басқа да балалардың өнерін тамашалайық. Ал, балаларым, сендер өсе беріңдер, өркендей беріңдер. Аспандарың ашық болсын! Қош болыңдар! (қолдарын бұлғап шығып кетеді)
Балалар: Қош бол, Аяз ата, келесі жылы қайта кездескенше!

Жүргізуші: Құрметті қонақтар, балалар! «Қош келдің, Жаңа жыл!» атты мерекелік ертеңгілігіміз аяқталды. Көріп тамашалағандарыңа рахмет. Жаңа жыл құтты болсын, отбастарыңызға тек бақыт пен қуаныш әкелсін!!! (Слайдтан от шашуды қосып қою)