Сана Дьылаа5ы сценарий

Ыытааччы: Үтүө дьоро күнүнэн күндү оҕолор уонна ыалдьыттар. Биһиги сылы быhа кэтэспит күндү күммүт, күлүмүрдүүр харыйалаах Саңа Дьылбыт тиийэн кэллэ.
Симэх оhуор баайыммыт
Харыйабыт бырааhынньыгар
Ытыс тыаhынан оҕолорбутун көрсүөҕүн!
Бэhиэлэй музыканнан (иитээччи кэнниттэн) доҕуhуоллатан маскараадтаах оҕолор киирэллэр.Оҕолор киирэн харыйа аттыгар тураллар.
- Оҕолоор, бүгүн биhиэхэ бырааhынньык – Саңа Дьыл! Көрүң эрэ, заалбыт хайдах курдук киэргэйбитин. Харыйабыт тугун бэрдэй, араас оонньуурунан киэргэммит, симэммит.
- Оҕолоор, онтон харыйабыт уоттара тоҕо күлүмнүү умайбаттар? Харыйаттан көрдөhүөххэйиң эрэ – «Биир, икки, үс, харыйабыт уота чаҕылый!»
Оҕолор хатылыыллар, харыйа уота умайар.
Харыйабытын көрүҥ даа,
Хайдах курдук мааныный.
Кини араас уотунан
Заалбыт иһэ сырдаата.
(Ырыа “Утулукчээн”)
Ыытааччы:Маладьыастар, оҕолоор!
Оҕолор миэстэлэригэр баран олороллор.
Музыка тыаһыыр, коридорга ким эрэ ытыыра иһиллэр.
Ыытааччы: Оҕолоор, истиҥ эрэ, ким эрэ ытыыр дии. Ким эрэ кэлэн иһэн мунан хаалбыт быһылаах.
Музыка тыаһыыр.
Хаар киһи киирэн кэлэр, кини ытыыр, муннун үтүлүгүнэн бүөлүүр.
Ыытааччы: Кини ытыыр дии о5олоор. Оҕолоор, биллигит дуо? Бу кимий?
Оҕолор: Хаар киһи! Снеговик!
Ыытааччы: Дорообо, Хаар киһи! Эн туохтан хомойдуҥ, санаарҕаатыҥ?Тоҕо ытаатыҥ?
Хаар киһи: - Мин иэдээҥҥэ түбэстим, бу…бэйэҕит да көрүҥ!
Үтүлүгүн сирэйиттэн ылбыта муннута суоҕа көстөр.
Ыытааччы: Хаар киһи, онтон муннун ханна баарый?!
Хаар киҺи: Хараҕын уутун сотто-сотто этэр.
- Мин ыраас хаарга оонньуу, мэниктии сылдьаммын моркуоп муннубун сүтэрэн кэбистим. Муннута суох хайдах буолабын?
Ытыыр.
Ыытааччы: Санаарҕаама, биһиги эйиэхэ көмөлөһүөхпүт, муннугун көрдүөхпүт.
- Оҕолоор, сиэпкитин көрүнүҥ эрэ, баҕар онно киирэн хаалбыта буолуо Хаар киьи муннута. Онтон олоппосторгут анныгар көрүҥ эрэ, баар дуо?
Оҕолор көрдүүллэр.
Ыытааччы: Хаар киһи, санаарҕаама, хата оҕолору кытта оонньоо, сынньана түс.
Хаар киһи: Мин олус сөбүлээн хаарынан оонньуубун. О5олоор хаарынан бырахса оонньуубут дуо?!
Оонньуу “Хаарынан бырахсыы”
Хаар киһи оҕолору кытта хаарынан бырахса оонньуур.
Хаар киһи: Эһигини кытта оонньуу сылдьар олус үчүгэй, тиритэммин ууллары гынным дии.
Ыытааччы: Хаар киьи, эйиэхэ билигин биьиги кыргыттарбыт хаар ункуутун бэлэхтиэхтэрэ.
(Хаар ункуутэ)
Хаар киьи: Олус да учугэй!
Ыытааччы: Хаар киһи, арай моркуоп оннугар хаар мунну уурдахха? Кырасыабай баҕайы маҥан муннуланыаҥ дии.
Хаар киһи:Тутан көрөр.

• Суох, хаар муннуну баҕарбаппын, моркуоппун көрдүөм.

Ыытааччы: Мин биллим! Манна, тыаҕа, кыыллар бааллар, кинилэри ыңырыахха. Кинилэр көмөлөһүөхтэрэ. Биһиэхэ тииҥ, ежик, куобахтар бааллар.

Тииҥ, ежик, куобахтар үҥкүүлэрэ.

Ыытааччы: Хаар киһи, тииҥ эйиэхэ эриэхэ аҕалбыт, баҕар эриэхэттэн мунну сөп тубэһиэ.
Хаар киһи:Тутан көрөр.

• Суох, эриэхэ муннуну баҕарбаппын, моркуоппун көрдүөм.

Ытыыр.
Ыытааччы:Ытаама-ытаама, баҕар тэллэйтэн мунну сөп түбэһиэ.
Ежик тэллэй биэрэр.
Хаар киһи: Тутан көрөр.

• Суох, тэллэй муннуну баҕарбаппын, моркуоппун көрдүөм.

Ытыыр.
Ыытааччы: Онтон манна биьиэхэ оссо куобпхтар бааллар дии Куобахтар моркуоптарын биирдии-биирдии биэрэллэр.
Хаар киһи: Бу баар, бу баар...мин муннум! Саамай кырасыабай мунну! Баһыыба куобахчааннар.
Музыка тыаһыыр. Муннун кэтэр,үөрэр, үҥкүүлүүр.

Эмискэ кыһыҥҥы силлиэ буурҕа тыаһа иһиллэр.
Хаар киһи: Ити Тымныы О5онньор ырыа ыллыыр, чугаһаан эрэр быһылаах.
Оҕолоор, бары тэҥҥэ Тымныы О5онньору ынырыахайын эрэ!
Оҕолор ыңыраллар.

Музыка тыаһыыр.Тымныы Моруос Хаарчааналыын тиийэн кэлэллэр.
Моруос оҕонньор: Дорооболоруҥ оҕолоор! Дорооболоруҥ ытык-мааны ыалдьыттар!

• Саргылаах Саңа Дьыл салаллан кэлбитинэн эһигини эҕэрдэлиибин!

Хаарчаана: Саҥа Дьылынан! Саҥа Дьолунан эҕэрдэ буолуохтун!
Моруосоҕонньор: Чэйиң эрэ, оҕолоор, бырааhынньыктааҕы хоробуокка туруоҕуң!
Хоровод (Ырыа “Сана Дьыл”)
Моруос оҕонньор: Олус үчүгэйдик ыллаатыгыт! Маладьыастар!
Ыытааччы:Тымныы Моруос, ыраахтан кэлэн сылайбытын буолуо, олорон сынньан, оҕолор эйиэхэ анаан хоhоон ааҕан иһитиннэриэхтэрэ(Тымныы Моруос олорор).
Хоһоон
Моруос оҕонньор:Наһаа да үчүгэйдик ыллаатыгыт, хоһоон аахтыгыт. Маладьыастар! Мин оҕолорбор кэһиилээх кэллим.

• Хайа(Соһуйар). Кэһиилээх мөһөөччүгүм суох дии. Ханна барбытый? эмиэ куоппут!

• Ээ, бу сылдьар дии!!!

Мөһөөччүгүн кыйдыыр, эккирэтэр. Мөһөөччүгэ киниттэн куотар. Куотан заалтан тахсан барар. Тымныы Моруос кэнниттэн кыйдаһан тахсар. Онтон Тымныы Моруос төттөрү заалга мөһөөччүгүн тутан киирэр.
Моруос оҕонньор:Һуу! Нэһиилэ туттаҕым буоллаа. Түргэнэ сүрдээх. Дьэ, оҕолорбор минньигэс кэһиибин туттарыам иннинэ ункулуохэйин эрэ о5олоор!
Дракон киирэр
(бары туран ункуулууллэр)
Подарок туттарыы
Ыытааччы: Манан биһиги бырааһынньыкпыт түмүктэнэр.
Дьоллоох Соргулаах олоҕу Сана сылга!
Саргылаах Сана Дьылынан! (бары бииргэ)
Көрсүөххэ диэри!