«Ыы дыбысы және әрпі»
«Ыы дыбысы және әрпі» - бұл тақырып білім алушылардың сауаттылығын арттыру үшін маңызды. Оқу барысында оқушылар жаңа Ы дыбысымен танысады, оның айтылуын, жазылуын және қолдануын меңгереді. Ы дыбысы қазақ тілінде жуан дауысты дыбыс болып табылады, сондықтан оның ерекшеліктері мен ережелеріне көңіл бөлінеді.
Сабақ барысында оқушылар «Алма жинау» ойынын ойнай отырып, дыбыстарды талдай алады. Олар сөздердің фонетикалық құрылымын түсініп, өздерінің сөйлеу дағдыларын дамытады. Ы дыбысы бар сөздерді қалыптастыра отырып, оқушылар таза қазақ тілінде сөйлеуге және жазуға дағдыланады.
Сабақтың құрылымы тиімді әдіс-тәсілдерді қамтиды, соның ішінде сұрақ-жауап әдісі, ойындар, көрнекіліктер мен үлестірмелі суреттер. Оқушылардың сергек әрі қызығушылығын арттыру мақсатында сергектік сәттері де ұйымдастырылады, оларға қазақ ұлттық мәдениетімен танысуға мүмкіндік беріледі.
«Ыдыс» сөзі арқылы дыбыстық талдау жасау, оған байланысты сөйлемдер құрау - сабақтың соңғы кезеңдерінде орындалады. Оқушылар меңгерген ақпаратты тәжірибе жүзінде қолданып, шығармашылық қабілеттерін дамытады. Мәліметтер мен тапсырмалар арқылы балалардың білім деңгейі мен құзіреттіліктері тексеріледі, нәтижесінде олардың білімге деген құштарлығы артады.
Білім көздері: Сауат ашу және жазу.
Тақырыбы: «Ыы дыбысы және әрпі».
Мақсаты:
Жаңа Ы дыбысы және оның әріп таңбасымен таныстыру. Ы дыбысы бар сөздерді талдай алуға үйрету.Оқушылардың сөйлем, сөз ұғымдарын кеңейту.
Ы дыбысын дұрыс және анық айтуға дағдыландыру.
Балаларды тазалыққа, еңбексүйгіштікке тәрбиелеу.
Әдіс-тәсілдер:түсіндіру, сұрақ-жауап, ойын.
Көрнекілігі:кеспе әріптер, текшелер, сюжетті суреттер, үлестірмелі суреттер.
Билингвизм: ыдыс-посуда-posuda
Іс-әрекет кезеңдері:
І. Ұйымдастыру кезеңі:
Шаттық шеңбері. «Қайырлы таң!» әнін шырқау.
Қайырлы күн ұстазым!
Қайырлы күн, достарым!
Шеңберге тұрайық,
Жылулық сыйлайық!
Доброе утро, учитель!
Доброе утро, друзья!
Посмотрите друг на друга
Пожелайте добра!
Good morning, good morning,
Good morning to you,
Good morning, good morning,
We are glad to see you!
ІІ. Өткен дыбыстарды қайталау.
Өте жақсы, балалар. Енді біз «Алма жинау» ойынын ойнайық. (Үлкен алма ағашының суреті, жемісімен)
Мына алма ағашында, алмалар пісіп тұр екен. Әр алманың артында дыбыс таңбасы (әріп) жазылған, дыбысты атап, сол дыбысқа байланысты сөз құрап, мына үлкен себетке саламыз. Аталған сөздерге буындық талдау жасатып отыру.
ІІІ. Жаңа сабақ. Оқу іс-әрекетін бейнелі сөзжұмбақ шешуден бастау.
қ | а | с | ы | қ | |||
д | о | п | |||||
қ | ы | с | |||||
к | е | с | е | ||||
Балалар, сөзжұмбақта қандай сөз шықты? Ыдыс
Сөздің басында қандай дыбыс естіледі?
Ы дыбысының үлкен, кіші әріп таңбасы көрсетіледі.
-Айтылуына қарай қандай дыбыс деп ойлайсыңдар ?
- Демек, ы дыбысы –жуан дауысты дыбыс. Ыдыс сөзіне дыбыстық талдау жасату.
-Алдарындағы текшелерге қарап, осы сөзде неше дауысты, неше дауыссыз дыбыс бар?
Кеспе әріптермен ыдыс сөзін буынға бөліп оқимыз.
Ы-дыс.
IV. Сергіту сәті.
Көтеріліп шанырақ,
Уықтары шаншылар.
Керегелер керілір,
Өрімдей боп өрілер.
Бәріміз жүрсек айналып,
Киіз үй боп көрінер.
V. Әліппе-дәптермен жұмыс.Ы әрпінің баспа, жазба түрлерін салыстыру. Қолдың еркін жазуына арналған жаттығу жасау. Ы әрпін үлгідегідей жол аяғына дейін жазу. сөздеріне дыбыстық талдау жасау. Ы дыбысының орнын табу. Ы дыбысын қосып, буын, сөз құрау.
VI.Тіл ұстарту жаттығуы.
Ық – ық – ық
Ас ішетін қасық
VII. Қорыту. Сабақты «Дүкен» ойыны арқылы бекіту. Балаларға өтілген әріптер таратылып беріледі. Олар сол әріпке байланысты затты сатушыдан сатып алады. Мысалы: қаламсауыт, сызғыш, қуыршақ, қонжық, ыдыс. Осы сөздерге сөйлем құрату.
VIII .Мадақтау .
