Педагогикалық ринг: балалардың танымдық белсенділігін арттыру
Бұл құжатта тәрбиешілермен өткізілетін педагогикалық рингтің мазмұны мен мақсаты туралы егжей-тегжейлі баяндалады. Педагогикалық ринг - бұл тәрбиешілердің коммуникативті-танымдық қызметін дамытудағы тың тәсілдердің бірі. Ринг барысында тәрбиешілер балалардың танымдық қабілеттерін дамытуға арналған түрлі жаттығулар мен тапсырмалар арқылы өз білімдерін жетілдіреді.
Педагогикалық рингтің басты мақсаты – тәрбиешілердің танымдық белсенділіктерін арттыру, жады мен сөйлеу қабілеттерін дамыту. Тәрбиешілер топтарға бөлініп, өзара ойындар ойнап, бір-бірімен тәжірибе алмасады. Бұл процесс олардың кәсіби дамуына үлкен әсер етеді, себебі бүгінгі күні балалармен жұмыс істеу жоғары біліктілікті талап етеді.
Рингтің ұйымдастырылу барысы мен әдістері де ерекше назарға алынады. Мысалы, көңіл-күйімізді жаттықтыру жаттығы тәрбиешілердің эмоцияларын жеткізуде, бір-біріне сенім артуға, топтық жұмысты ұйымдастыруға мүмкіндік береді. Тәрбиешілер актёрлық шеберліктерін көрсетіп, балалармен қарым-қатынаста қажетті дағдыларды дамыта алады.
Әр топ мүшелері үшін тапсырмалар мен сұрақтар әзірленеді, бұл өз кезегінде топаралық бәсекелестікті арттырады. Мазмұнды сұрақтар мен креативті тапсырмалар арқылы тәрбиешілердің логикалық ойлау қабілеттері мен танымдық белсенділігі күшейеді. Нәтижесінде, сабақта балалардың белсенділігін арттыру мақсатында жас мамандар мен тәжірибелі мамандар арасында біліктілік деңгейі теңестіріледі.
Кез келген педагогикалық рингтің қорытындысы рефлексиямен аяқталады. Тәрбиешілер бүгінгі күннің нәтижесіне үңіліп, алған білімдерін талдайды, тәжірибелерін бөліседі. Бұл процесс олардың бір-біріне деген құрметін арттырып, болашақта қайталанатын іс-шаралардың сапасын жақсартуға көмектеседі.
Тәрбиешілермен педагогикалық ринг.
Тақырыбы:
«Коммуникативті-танымдық қызметін дамыту барысында балалардың танымдық белсенділігін, ақыл-ой және тілдік қабілеттерін арттыру»
Мақсаты:
Пеадгогикалық ринг арқылы тәрбиешілердің коммуникативті-танымдық қызметті арқылы балалардың танымдық қабілетін,ақыл-ойын және тілін дамыту жолдары туралы білімдерін кеңейту. Тәрбиешілердің ұжымдастар арсында өз ойын ашық жеткізе білуге үйрету, бір – біріне сенім арту, бірлесіп жұмыс жасауға баулу, көңіл – күйлерін көтеру.
Қатысушылар: Тәрбиеші апайлар
Жұмыс түрі: Топтық жұмыс
Қажетті құралдар:
Гүлдер,алдын-ала дайындалған слайдтар.
Педагогикалық ринг барысы:
Тәрбиешілермен «Көңіл-күйімізді жаттықтыру» жаттығуын өткізу.
-Бүгін мен сендер актер боласыздар.Мен сендерге нені көрсетіңдер десем, соны бет-әлпеттеріңмен бейнелейсіңдер.
1.Қабағы түйілген, ашулы адамның кейіпі.
2.Қасқырдан қорыққан қоянның, ұядан түсіп қалған балапанның, мысықтан қорыққан баланың бет-әлпеті.
3.Жылап тұрған адамды көрсету.
4.Жәй күліп тұрған және қатты күліп тұрған адамды көрсету.
5.Өлең айтып тұрған адамның сезімін көрсете білу.
Әділ қазылар алқасын сайлау.
Тәрбиешілерді 2 топқа бөліну. Қатысушылар түрлі - түсті гүлдерден өздеріне ұнайтын бір түсті таңдайды, сол таңдаған түстері бойынша топ құрып, үстелдерге жайғасып отырады.
Екі топқа мына аттар ұсынылады.
І – топ. Қатынас
ІІ топ Таным
1. Әр топ мүшелері өз топтарының атауларын,ұранын шығарып, қорғап шығуы керек.
2.Тапсырма. «Ой жинақтау»
Әр топқа өз атауларына байланысты 3 сұрақтан беріледі. Ойлануға 5 минут уақыт.
І топ сұрақтары.
1.Қатынас білім беру саласының мақсатын ата?
2. Қатынас білім беру базалық мазмұны бойынша қандай ұйымдастырылған оқу іс-әрекет түрлері арқылы жүзеге асады?
ІІ топ сұрақтары.
1.Таным білім беру саласында балаларға не үйретеміз?
2. Өз тобыңызда балалардың жас шамасына сай «таным» білім беру саласына неше сағат бөлінген.
3.Жұмбақтар шешу
4.Жаңылтпашты жалғастыр
5.Ребустар шешу.
6.Суреттерге қарап әңгіме құрастыр.
7.Ертегілер бойынша сұрақтар
8.Жартысын тап
9.Сияның сұрағына жауап бер.
Педагогикалық рингті қорытындылау әділ қазылар алқасына сөз беру
Рефлексия.
Рингке қатысушыларға күннің шуақтары таратылады әр тәрбиеші бүгінгі өткен рингтен үйренген әсерлері туралы ақ қағаз бетіне жазып, шумақтар жинақталып, күннің бейнесі құрастырылады .
