Шынықсан – шымыр боласың
«Шынықсан – шымыр боласың» тақырыбы мектеп жасына дейінгі балалардың салауатты өмір салтын қалыптастыруға арналған қызықты бағдарлама болып табылады. Бұл материалда дене шынықтыру жаттығуларының негізгі әдістері мен ойын элементтерін жүзеге асыру арқылы балалардың қызығушылығын, ынтасын арттыру мақсатымен көптеген қызықты ақпараттар қамтылған.
Ойын және спорт балалардың түйсігін, көзқарасын дамытып, олардың денсаулығына қолдау көрсетеді. Мектеп жасына дейінгі балалар үшін арнайы ұйымдастырылған жаттығулар мен эстафеталық жарыстарды өткізу барысында олар топта жұмыс істеу, бір-бірімен бәсекелесуді үйренеді. Бүгінде салауатты өмір сүру ұстанымдарын қалыптастыру жана ұрпақ үшін маңызды, сондықтан діттеген мақсатына жету үшін мүмкіндігінше әсерлі әдістер қажет.
Эстафеталық жарыс пен ойындардың әрбір бөлімінде балалар өздерінің күш-жігерін салып, шеберліктерін көрсету мүмкіндіктеріне ие болады. Мұнда тек физикалық белсенділікті ғана емес, сонымен қатар командалық жұмыс дағдыларын дамыту да маңызды. Тәрбиешінің жетекшілігімен балалар жарыстың түрлі түрлерін өткізіп, бір-біріне қолдау көрсетіп, достық қатынастарды нығайтады.
Бақылаушы және бағыттаушы іспеттес тәрбиеші барлық процесс барысында балалардың қауіпсіздігін қамтамасыз етіп, жарыс ережелерінің сақталуын бақылап отырады. Бұл сәби мен балалардың өнімді еңбек етуі мен жарыс барысында көтеріңкі көңіл-күй қалыптастыруына көмектеседі. «Шынықсан – шымыр боласың» сабағы, сонымен қатар, салауатты өмір сүру жолындағы алғашқы қадамдарды меңгерудің тиімді тәсілі болып табылады.
Тақырыбы: «Шынықсан – шымыр боласың»
Мақсаты: Мектеп жасына дейінгі балаларды салауатты өмір сүруге қызығушылығын арттыру.
Міндеттері:
Спортпен айналасудағы әртүрлі дене шынықтыру жаттығуларының әдістерін үйрену, оларды қолдану.
Салыстыру арқылы балалардың ой-өрісін дамыту.
Салауатты өмір салтын сақтау, дені сау, рухы таза ұрпақ тәрбилеу.
Қажетті құралдар мен жабдықтар: Кегли, жалау, доп, текшелер, ыдыс, кесе, су, орамал, арқан.
Әдіс-тәсілдері: Ойын.
Марш сазымен балалар екі қатарға бір-біріне қарама-қарсы тізіліп тұрды.
Тәрбиеші: Бүгінгі эстафеталық жарысымызды бастайық. Бүгін екі топ жарысқа түседі. «Мергендер», «Жүйріктер».
Эстафеталық жарысымыз 3 бөлімнен тұрады:
1 бөлім – «Таныстыру»
2 бөлім – «Жарыс түрлері»
3 бөлім – «Қимылды ойындар»
1 бөлім: «Таныстыру»
«Мергендер»
Мерген, мерген, мергенбіз,
Бәрін көздеп жеңгенбіз.
«Жүйріктер»
Топты бастап жүретін,
Жүйріктерміз біз алды.
Жеңісті қолдан бермейтін
Жүйріктерміз біз мықты.
Тәрбиеші: Ал, қане бір-бірімізді қостаймыз
Бүгінгі жарысымызды бастаймыз.
2 бөлім: «Жарыс түрлері»
1. «Жалауды тез жеткіз»
Әр топтан 4 баладан шығады. Балалар жалауды ұстап кеглилердің арасынан жүгіреді, содан соң барып қайтады.
2. «Әтештер сайысы»
Әр командадан 2ұл, 2қыз баладан шығады. 2 кіші шеңбердегі балалар бір-бірімен күш сынасады.
3. «Жүйрік ат»
Әр командадан 5 баладан шығады. Балалар үлкен доппен секіріп барып, жүгіріп қайтады.
3 бөлім: «Қимылды ойындар»
1. «Құрылысшылар»
Залда текшелер шашылып жатыр. Тәрбиешінің дабылы бойынша ойыншылар жылдамдыққа үй тұрғызады.
2. «Арқан тарту»
Ойыншылар екі командаға 5 - 6 адамнан бөлінеді. Ортасында орамал байланған арқан алынады. Ойын міндеті - арқанды өз жағына тартып жеңу.
3.«Тасымақ»
Бұл ойында 2 жерге ыдысқа су құйып қояды, сол суды қарсы бетке қойылған бос ыдысқа кесемен 2 адам тасиды. Бұнда команда құрып ойнайды, әр командада үш адам болады.
Ойынның шарты: су таситын адам суды төкпей шашпай, тез тасуы керек, қай команда жеңіске жетсе, сол команда бірінші болады.
Тәрбиеші: Бүгін міне оң болып бәріміз жоғары боп күш – жігер намысымыз осылайша қуанышпен думандатып аяқталды халайық жарысымыз.
Осылайша жарыс жолын тартамыз
Барлығымыз көңілді қайтамыз
Балаларды шынықтырған, жаттықтырған
Жаттықтырушы ағайға рахметімізді айтамыз!