Жол белгісін білеміз бе?
Бұл материал балалардың жол жүру ережелері туралы білімдерін жетілдіру мақсатында дайындалған. Оқыту барысында балаларға жол белгісінің түрлері мен оның маңыздылығы жайында ақпарат беріледі. Жол жүру ережелерін ұғыну және оның қайталанбас динамикасын көрсету үшін пьесса ойыны ұйымдастырылады. Әрбір бала өз рөлінде шығармашылық қабілетін пайдалануды үйреніп, әлеуметтік жауапкершілікті сезінеді.
Сабақ барысында балалар қатыстырып, олардың қызығушылығын арттыру мақсатында әртүрлі көрнекілік құралдар, соның ішінде бағдаршам және жол белгілері қолданылып, рөлдік ойындар ойналады. Милиционер ханым мен Айболит ханымның қатысуы балаларға жол қауіпсіздігіне қатысты маңызды сабақтар береді. Бұл сабақ балаларды жолда жүру ережелерімен таныстырудың қызықты әдісі болып табылады.
Сабақтың бір бөлігі - балалардың қызығушылығын ояту үшін күлкілі элементтер мен анимациялық кейіпкерлердің ортаға қатысуы. Олар қиын жағдайларда жол тәртібін бұзушылардың мысалында тәртібінің маңыздылығына назар аудартуға көмектеседі. Пьесадағы кейіпкерлердің әрекеттері арқылы, балалар жол қозғалысындағы қауіпсіздік пен жауапкершілікті жақсырақ түсінеді.
Сабақтың соңында, балалардың есінде қалатындай пікірталас жүргізіліп, әрқайсысы өз ойларын ортаға салады. Осындай тиімді әдіс балалардың жол тәртібі жолында абай болуына, денсаулығын сақтауға және қауіпсіз жүруге үйретуге мүмкіндік береді. Бұл материал балалардың жол белігілерін білуге және оларды тәжірибеде пайдалану дағдыларын қалыптастыруға бағытталған.
Тақырыбы: «Жол белгісін білеміз бе?»
Сабақтың мақсаты:
Балаларға жол жүру белгісінің неше түрі бар, оны білу не үшін қажет, белгінің атқаратын қызметі қандай, бұл белгілерді қалай түсініп пайдалануға болатынын үйрету. Сондай ақ пьесса ойыны арқылы жол жүру ережесін есте сақтау қабілеттерін, қызығушылықтарын арттыру.
Сабақтың көрнекілігі: бағдаршам, жол белгілері, жолда жүру ережелері туралысуреттер.
Ұйымдастыру сәтінде балалар ортада шеңбер жасап отырады, милиционер ханым келіп, амандасады.
Милиционер ханым: Саламатсыңдар ма балалар! Мені таныдыңдар ма?
Балалар: Я, таныдық милиционер ханым.
Милиционер ханым:Рахмет сендерге, балалар ұмытпаған екенсіңдер. Мен сендерге келе жатқанымда жолда почташы апайды кездестірдім, ол сендерге хат беріп жіберді. Ал, хатта не бар екені маған әзірге белгісіз. Хатты мен сіздерге оқып берейін, тыңдаңыздар: «Мен балабақшаға келе жатқанымда жолда балалардың бағдаршамға қарамай жол ережесін бұзып, жол бойында ойнап жүргенін көрдім, олар жолда жүру ережесін, көпшілік жерде өздерін ұстауды білмейді екен. Мен білгім келіп тұр, сендердің балабақшаларыңда мұндай балалар бар ма? Мұны білу үшін мен сендерге бірнеше тапсырма беріп отырмын, егер орындай алсаңдар онда жол ережесін жақсы білгендерің.» (Осы мезетте Айболит ханым келіп балалар мен милиционер ханыммен амандасады.)
Айболит ханым: Саламатсыңдар ма, балалалар, милиционер ханым! Әзірге жол тәртібін бұзып, жараланып келген ешкім жоқ па? (Осы кезде музыка ойналып, қорбаңдап аю келеді.)
Аю:(жыламсырап) Басымды ауыртып алдым, көмектесіңдер!
Балалар: Айболит ханым, қараңыз, мына бір сұмдықты Маймаққа не болды, кім оны ренжетті екен.
Айболит ханым: Маймағым, айта ғой, жасымай, кім сені ренжеткен.
Аю:Бал таситын машинаға жармасам деп құлап қалдым.
Айболит: Ендеше жылап тұрғаның ұят, жол тәртібін өзің бұзыпсың маймағым! Балалар қараңдаршы, маймақ аю дұрыс істеді ме? Дұрыс жүру керек, жол тәртібін білу керек.
Балалар: Маймақ аю дұрыс істемеді, машинаға жармаспаса, ол құламас еді. Жолда дұрыс жүру керек, жол тәртібін білу керек.
Аю: Айболит ханым, милиционер ханым!
Мен енді ешқашан машинаға жармаспаймын, жол ережесін бұзбаймын! (Осы кезде почташы ағайдан келген тапсырмадағы ойынды Маймақ аю балалармен орындайды. Музыка ойналып, түлкі билеп шығады)
Түлкі: Мен түлкімін, қу түлкімін,
Бәріңді де қулығыммен алдаймын!(Велосипетке мініп қоян келеді.)
Қоян:Велосипед теуіп жүрмін.
Түлкі: Маған үйретші тебуді.
Қоян:Мақұл, кел отыр.(Екеуі велосипед тебеміз деп, құлап қалады. Қоян белін ұстап, түлкі аяғын әрең сүйретіп Айболит атаға келеді)
Айболит ханым: Сендерге не болған?
Түлкі(жымыңдап): Мен өзім, жүр едім серуендеп, Қоян келді де мақтанып, мінгізіп алды. Мінгізіп алды да, айдады еліріп, байқамай тасқа соғылып құладық.
Қоян:Сен осы қашан қоясың алдауды? Өзің ғой мінгіз деп, артымнан жармасқан.
Айболит ханым: Қане, екеуің айта қойыңдаршы. Мынау қандай белгі?
Қоян: Мынау менің велосипедіме ұқсайды екен.
Түлкі: Ия, ұқсайды.
Айболит ханым: Балалар, сендер мынадай белгіні көргендерің бар ма?
Балалар: Велосипедпен жүруге тиым салынады – деген белгі.
Айболит ханым: Демек, бұл жерде велосипедпен жүруге болмайды. Түлкі мен қоян қателік жіберді. Өздерің жол тәртібін білмейсіңдер, милиционер ханым сендерді сынақтан өткізбей велосипедке мінбейсіңдер.
Түлкі мен қоян: Жарайды Айболит ханым! (Түлкі мен қоянға қарап, почташының жол ережесіне байланысты беріп жіберген екінші тапсырмасын балалармен орындайды.)
Айболит ханым: Егер өмірлеріңді, денсаулықтарыңды сақтағыларың келсе, әрқашанда жол жүру ережесіне абай болыңдар! Демек, жаяу жүргіншілерге қойылатын талапты бұлжытпай орындайық!
Бәрі: Жол тәртібін білейік, аман- есен жүрейік!
Милиционер ханым: Балалар, жол жүру ережесін жақсы білетін болдыңдар. Ал аю, қоян, түлкінің бүгінгі қылықтары сендерге ұнады ма?
Балалар: Әрине, жоқ.
Милиционер ханым: Демек, жол жүру ережелерін жақсы біліп жүрсек көшеде қауіп- қатерден аман болады екенбіз. Осыны естеріңе жақсы ұстаңдар.
