Сценарий для мини центра "Аналайын ақ мамам"

Ертеңгіліктің тақырыбы:  «Айналайын ақ мамам!»
Мақсаты: аналар мерекесіне орай аналар, ұстаздар мен қыздарға
                  құрмет көрсету, қазақ қыздарына тән адамгершілік пен
                  эстетикалық рухта тәрбие отырып инабаттылыққа,
                  парасаттылыққа баулу, мейірімділік пен
                  қайырымдылықты саналарына сіңіруге жағдай жасау.
                  Сөйлеу мәнерін, жұртшылық алдында сөйлеу мәдениетін
                  қалыптастыру.
                  Аналарды құрметтеуге, қыздарды сыйлауға тәрбиелеу.
Көрнекілігі: Қабырға газеттері, нақыл сөздер, шарлар, аналардың фото суреттері.
Тәрбиеші: Құрметті асыл аналар, қадірлі ұстаздар, кішкентай бүлдіршіндер!
  Көгімізде бейбітшілік нұрындай болып көктем шуағы төгілгенде адамзатты қуанышқа бөлеп, адам баласына Өмір, Жылылық, Әсемдік сыйлайтын Аналар мерекесі келеді. Ана, осы бір қасиетті сөзде қаншама мол мейірім, асып төгілер мол қуаныш бар!
  Мынау жарық дүниедегі өрнекті, өркендеген өмір құрметті күннің нұрынан, ананың ақ сүтінен жаралған. Ұлы ақынды да, ойшыл данышпанды да, ел басқарған елағасын  да, ғалымды да өмірге әкеліп, әлпештеп өсіріп, ақ сүтімен нәр берген – Ана.
  Құрметті асыл аналар, ұстаздар, бүлдіршіндер! Сіздерді 8-наурыз Халықаралық әйелдер мерекесімен құттықтаймыз. Көктем бәйшешегіндей құлпырып, күндей күліп жүре беріңіздер! Дендеріңізге саулық, отбасыларыңызға амандық, балаларыңызбен бақытқа бөленіп, ұзақ өмір сүрулеріңізге тілектеспіз.
                      Бұл күнді тойлап жатыр барша халық,
                       Әйелдер күні бүгін халықаралық!
                       Жарыққа бізді әкелген аналарды,
                       Бүгінгі мерекемен құттықтайық!
 
                       Ұйтқысы жанұяның берекеміз,
                        Аналар, құтты болсын мерекеміз!
                        Әрқашан аналарым аман болса
                         Алаңсыз бақытты өмір біз кешеміз!
 
Сондықтан құрметті асыл аналар бүгінгі «Айналайын ақ мамам!» атты ертеңгілігіміз сіздердің құрметтеріңізге арналады. Ертеңгілігімізді бастауға рұқсат етіңіздер.
Залға музыка әуенімен балалар кіреді.
Аягөз: Тойға шашу шашайық
Аналарды құрметтеп
Ән маржанын шашайық
Балауса: Ана дейміз бәрімізде аңқылдап
Ана дейді жас сәби де жарқылдап
Ана деген бәйтерегі өмірдің
Ана деген алтын қазық алтын бақ
Назерке: Әлпештеген аялаған
Ақ сүт берген апатайым
Сәлем салып бүгін саған
Мейрамымен құттықтаймын
Анель: Менің әжем әліде,
                Ұқсамайды кәріге.
                Шай қайнатып береді,
                Біздің үйдің бәріне.
Әділ: Мені жақсы көреді
Күндей күліп келеді
Көп ертегі біледі
Маған айтып береді
 Дамира: Менің әжем әдемі
Тойға барса келеді
Кәмпит акеп береді
Мені жақсы көреді
Анель:  Бақытты ғой шынында
                Анасымен балалар.
                Құтты болсын мереке,
                Аман болсын аналар!
Тәрбиеші: әсем әніміз, көңілді күйіміз,  демалыс кешіміз сіздерге арналады.
 Ән: «Апам үшін». (Назерке мен Дамира)
 Тәрбиеші: Біз ғана емес,
                  Қадір тұтқан балалар
                  Аналардан туған небір аналар.
                  Ана деген – тіршіліктің тірегі.
                  Армысыздар қасиетті аналар.
Ән: «Анашым қартаймашы» (хормен)
Балалар ата -аналарына арналған орысша тақпақтарын айтады.
Назерке: Нет роднее в мире этом
Человека для меня
Ты мне ближе всех на свете
И живу я для тебя
Аягоз: Прими, в день 8марта
Все подарки и цветы
Счастья, радости, веселья
Исполнения мечты
Балауса: Будь примером на пути
И с него не дай сойти
Я люблю тебя, родная!
Мама — лучше не найти
Дамира: Вот пришла восьмое марта
Распирает счастье груд
Подарит мне маме надо
В этот праздник что нибудь
Адил: Встану утром рано
Поцелую маму
Подарю цветок букет
Лучше мамы в мире нет
Би: «Қуыршақ биі»
Ойын: Ата – аналарға (4ана және 4баласын ортаға шақырамыз. Аналардың көзін байлаулы күйде балаларын иіскеп табу керек.)
Тәрбиеші: Анам менің сүйіктім
Тек өзіңе табынам
Қасымда жүрсең биікпін
Алыстасаң сағынам
Ән: «Ақ мамам» (Дамира)
Би: Флешмоб
Ойын: «Анаңды тап».
Аналарға сыйлық тапсыру.
Мерекеңмен құттықтап,
Қуанамыз, құлпырып.
Анаға арнап ән салып,
Берейік сыйлық ұсынып.
Ән: «Ана» (Сыдықова Ләззат).
Қорытынды.
Тәрбиеші: әйел-Ана, Әйел-Өмір, Әйел тіршілік өзегі. Өмір бесігінде іңгә тербетіп, адамзат баласына ұрпақ сыйлар ұлы құдірет иесінің есімі әрқашанда қастерлі, сөзі-өсиет, тұғыры-биік. Көңіл шуағына мейірім төгілген аяулы жанның өмірден алар несібе жемісі-алтын босағасы мен сүйкімді перзент болар. «Аналар адамды бесіктен бастап баулиды, өмірдің ірге тасы солардың қолымен қаланады» деген ұлы ғұламалардың сөзі бар. Адамзат жүріп өткен небір ауыр жол, алмағайып заманнан ұрпағын аман-есен бүгінгі күнге жеткізген әйел-ана құдіретін жырмен өрнектеп, әнмен әлпештеп, сөзбен айтып тауысу мүмкін емес. Сондықтан да өз сөзімді ақын Баязиевтің «Ана туралы ой» деген өлеңімен аяқтағым келеді.
Халқымызға билік айтар даналар,
Даналардың өзі анадан жаралар.
Жүрегінің бір бөлшегі бала үшін
Сізден жақын адам бар ма аналар?!
Балаға ең жақыны сіз ғой ана,
Сіздің ыстық құшағыңыз бізге пана.
Сіздерге теңестірер еш нәрсе жоқ,
 Теңесе алар бір-ақ нәрсе Отан ғана! - деп ертеңгілігімізді аяқтаймыз.

Т.Г.Шевченко атындағы орта мектеп

«Айналайын Ақ мамам»
ертеңгілігі «Қарлығаш» шағын орталығы

Дайндағандар: Дүйсенбаева Ж.
Сыдықова Л.

2016ж