Публикации воспитателей детских садов
О проекте

Логикалық ойын және 7 саны мен цифры.

Беркимбаева Айман Зейнабиловна Беркимбаева Айман Зейнабиловна
DOCX
14
0
Предпросмотр

Қарапйым математикалық ұғымдарды қалыптастыру.
Сабақтың тақырыбы: Логикалық ойын және 7 саны мен цифры
Сабақтың мақсаты:
Білімділігі: 7-ге дейінгі сандарды тура және кері ретімен санай білуге, сандардың таңбаларын танып ажыратуды, геометриялық пішіндер мен денелерді, олардың түстерін ажыратуды ойын арқылы жетілдіре түсу.
Дамытушылық: Олардың логикалық ойлау қабілеттерін дамыту, қосу, азайтуды меңгерту Ойлау, көріп - тану, зейін, есте сақтау қабілеттерін дамыту.
Көрнекілігі: Ертегі кейіпкерлері, магнитті тақта, құрастырмалы сандар,санау таяқшалары.
Сабақтың барысы:
Ұйымдастыру кезеңі: Қуанамын мен де,
Қуанасың сен де.
Қуанайық достарым,
Арайлап атқан әр күнге.
I.Өткен сабақты қайталау:
- Қазір жылдың қай мезгілі?
- Бір аптада неше күн бар?
- Балалар бізде қазір математика сабағы.
- Өткен сабақта біздер қандай сандармен таныстық?
0,1,2,3,4,5,6

- Балалар біз 0 ден 6 ға дейінгі сандарды санай да аламыз, жаза да аламыз олай болса

«Көршісін тап» ойынын ойнайық.
Енді балалар 6 санының көршісін табайық.


3



5


III.Жаңа сабақ:
- Балалар біреу есік қағып тұрған сияқты ғой, кім екен?
Picture 13
- Бұл қандай ертегіден екен?
- Бауырсақ ертегісі.
- Балалар бізге ертегілер елінен бауырсақ қонаққа келді. Бізден көмек сұрай келіпті. Атасынан , әжесінен қашып жолға шыққан екен, алдынан кенет қоян кездесті. Балалар қоян аш екен. Қоян бауырсақты жемекші егер біз қоянның шартын орындасақ бауырсақты босатады.
Қоянның тапсырмасы:


- Бүгін біз 7 санымен танысамыз.
- 7 саны және 7 санының құрамы.
+
6 қозыға 1 қозыны қосқанда қанша қозы болады?
6+1=7
- Балалар қоянның тапсырмаларын жақсы орындадыңдар. Ол сендерге риза болып бауырсақты босатты. Бауырсақ әрі қарай домалап жүре бергенде алдынан аю кездеседі. Олда аш екен бауырсақты жемекші. Аюдыңда бізге қояр шарты бар. Аюдың шартын орындасақ бауырсақты босатады. Не істейміз, балалар көмектесеміз бе?

Аюдың тапсырмасы:
- Балалар аю сан білмейді екен. Маған санды,санауды үйретіңдерші дейді.
- Үйретеміз бе?
а)Дидактикалық ойын «Кім жылдам»
Сандарды тура және кері санау.
0,1,2,3,4,5,6,7
7,6,5,4,3,2,1,0
-Аю нені жақсы көреді?
- Аю балықты жақсы көреді екен,судан балық аулап алу үшін есептерді шығара алмай отыр ендеше аюға көмектесіп жіберейік.
ә)Логикалық ойын: «Балық аулау»
Шарты: 1-7 сандарының құрамына байланысты есептер шығару
1+2 2-1 5-2 4-1
Shape1 3-2 3-0
Аюдың тапсырмасын өте жақсы орындадық. Аю бауырсаққа тиіспеді.
Алдынан қасқыр шығады. Ол да бауырсақты жемекші. Балалар қасқырдың бізге қояр шарты бар екен, бәріміз бірге орындап жіберейік.
Қасқырдың тапсырмасы :

IV.Сергіту сәті:
Баққа біздер барамыз
Алманы жұлып аламыз
Хош исімен тыныстап
Мәз- мәйрам боламыз
б)Дидактикалық ойын:
Shape2
Shape4Shape3

- Жақсы балалар, біз қасқырдың да тапсырмаларын орындап тастадық.
- Бауырсақ әрмен қарай жүріп келе жатырса алдынан қу түлкі кездеседі. Ендеше түлкінің тапсырмасын орындап бауырсақты түлкіден құтқарып алайық.

Түлкінің шарты.
в)Дидактикалық ойын: «Аққалаға көмектесейік»
Шарты: Геометриялық пішіндерді орналастыру.

- Балалар біз түлкінің тапсырмасын орындасақта, қу түлкі қулығын асырып, бауырсақты жібермей тұр.
- Мен 7 саны туралы көп білгім келіп тұр дейді. Олай болса 7 саны қандай сан екенін, бұл санның қасиетін келген қонақтарға да айта кетейік.
- 7 саны бұрынғы заманнан бері құпияға толы қасиетті сан.
-Жеті ата. Ата, әке, бала, немере, шөбере, шөпшек, немене.
-Жеті қазына. Ер жігіт, сұлу әйел, ақыл білім, қыран бүркіт, құмай тазы, жүйрік ат,берен мылтық.
-Жеті шелпек. Жеті апта.
- Мінекей балалар қу түлкі де 7 саны туралы көп білгесін бауырсаққа тиіспеді.
- Ал бауырсақ болса келген ізімен домалап орманды аралап ата – әжесіне аман – есен қауышады.
- Балалар, тапсырмаларды орындау барысында қай санды көбірек естідік?
7 санын.
7 саны сандық қатарда алтыдан кейін тұрады.
1,2,3,4,5,6,7,
7 саны жеті бірліктен тұрады.
1+1+1+1+1+1+1
Сандар туралы санамақ айтқызу.
1 – дегенім бесік, шықтым содан өсіп,
2 – дегенім елім, далам, тауым көгім.
3 – дегенім үміт, үміт артар жігіт.
4 – дегенім төзім, төзе білем өзім.
5 – дегенім бақыт, бағалайтын уақыт.
6 – дегенім ақыл, тыңдағаның мақұл.
7 – дегенім жалау, жүректегі алау.
V.Бекіту:Әліппе-дәптермен жұмыс.
VI.Қорытындылау:
- Кемірқосақта неше түс бар?
- Бір аптада неше күн бар?
- Мысықта неше аяқ бар?
- Қолымызда неше саусақ бар?
- Аю үлкен бе, қоян үлкен бе?
Бүгінгі сабағымыз аяқталды. Балалар біз сандар туралы көп білетіндігіміздің арқасында,мейірімділігіміздің арқасында бауырсақты да құтқардық. Бауырсаққа ақылды бол дейміз. Бауырсақ тарату.
Күтілетін нәтиже:
Білуі: Тура және кері санауды, геометриялық пішіндер мен денелерді ажыратып,сұраққа толық және нақты жауап бере біледі.
Меңгеруі: Жеті санының қасиетін ұғынып, жеті санына қатысты ұғымдарды тереңірек меңгереді.
Жасай алуы: Әртүрлі геометриялық пішіндерден танграммалық бейне құрастырып, не жасағандарын түсіндіріп айтып бере алады.