Денсаулық сақтау технологиялары «Айбөбек» бөбекжайында
Бөбекжайымыздың басты мақсаты – мектепке дейінгі балалардың денсаулық сақтау технологияларын тиімді жүзеге асыру. Бала бойындағы салауатты өмірді қалыптастыру, дене шынықтыру сабақтарымен үйлесімділікті арттыру – біздің үдерісіміздің негізгі негізі. Әр бала – бұл жеке тұлға, сондықтан біз әрқайсысының денсаулығына және дамуына ерекше назар аударамыз.
Денсаулық сақтау технологияларының жетістігі үшін ұжымдық жұмыс, ата-аналардың қатысуы өте маңызды. Балалар сергек, қуанышты болып, әртүрлі іс-шараларға қатысу арқылы жаңа білім мен дағдыларды игереді. Олар үшін денсаулық – бұл тек физикалық тұрғыдан мықты болу емес, сонымен қатар психологиялық, эмоциялық және әлеуметтік тепе-теңдікті сақтау. Мектеп жасына дейінгі балалардың психоэмоционалды дамуында ата-аналардың рөлі зор.
Біздің балабақшада ұйымдастырылған серуендер мен ойындар баланың денсаулығына оң әсер етеді. Таза ауадағы серуендер, спорттық ойындар, ұлттық ойындар мен жаттығулар арқылы балалардың шынығуы, сергектігі қамтамасыз етіледі. Бала үшін ойын – оқу мен дамудың негізі. Сондықтан біз ойын элементтерін оқу процесіне енгіземіз, бұл балалардың қызығушыларын арттырады.
Денсаулықты нығайту үшін төрт негізгі шартқа баса назар аударылуы тиіс: еңбек, жүйелі тамақтану, салмақтың тұрақтылығы және шынығу. Балалардың денсаулығының негізі – салауатты өмір салты. Біз ата-аналармен бірге балалардың денсаулығын нығайтуға арналған іс-шараларды ұйымдастырамыз, оларға арналған спорттық және мәдени шараларды өткізетін боламыз.
Сондай-ақ, біз ата-аналардың белсенділігін арттыруға мүмкіндік береміз. ата-аналар балаларымен бірге іс-шараларға қатысып, олардың жетістіктерін бөлісіп, балабақшаның өміріне белсенді қатысуға ынталандырылады. Денсаулық сақтау тек мектеп жасына дейінгі кезеңде ғана емес, сонымен қатар отбасы ішінде де жүзеге асырылуы қажет. Біздің басты мақсатымыз – болашақ ұрпақтардың денсаулығын сақтау, оларға жауапкершілікті сезіндіру.
МКҚК «Айбөбек» бөбекжай балабақшасы
Мектепке дейінгі балалардың денсаулық сақтау технологиясы
Тәрбиеші: Ибрашева В. Б.
2016-2017 оқу жылы
“Дұрыс жолға қойылған дене шынықтыру ойындары оқу-білім алуға бөгет емес, қайта бойды сергітіп, ойыңа жәрдем ететін нәрсе”.
Ғабит Мүсірепов
Қазіргі кезде қоғамның өміріндегі түбірлі өзгерістерге байланысты білім жүйесінде оның мазмұны мен оқыту технологиясында да өзгерістер болып жатыр. Елбасы Н.Ә. Назарбаевтың еліміздің халқына жолдауында рухани байлықтың, денсаулықтың қажеттілігін айтқанындай, жас ұрпақтың бойына тазалық пен сергектікті, салауатты өмір құндылықтарын енгізу − біздің міндетіміз. Сондықтан бала денсаулығын нығайтып, психологиялық сақтандыруды жүзеге асыру және оның насихаттау шараларын белсендірек жүргізу балабақшадан басталғаны абзал.
Денсаулық болу үшін төрт бірдей шарт қажет:
1 шарт: Еңбек
2 шарт: Жүйелі тамақтану
3 шарт:Салмақтың тұрақтылығы
4 шарт: Шынығу
Жеке тұлғаның дамуы үшін мектепке дейінгі кезең ең қолайлы кезеңі болып саналады, себебі оқу-тәрбие үрдісін салауаттандыру мақсатын жүзеге асыруда, балалардың жеке психологиялық, физиологиялық денсаулықтарын сақтауды ескеру аса маңызды. Мықты денсаулықтың, дененің дұрыс жетілуінің, жоғары жұмыс қабілетінің негізі нақ осы мектеп жасына дейінгі балалық шақта қаланады, қозғалыс қызметінің қалыптасуы, сондай-ақ дене қасиеттерінің бастапқы тәрбиесі де осы жылдарда өтеді.
Дені сау бала тіпті қарап отыра алмайды. Бірақ, бала не істеуді, қалай істеуді білмейді. Сондықтан ол ересек адамдардан өнеге алады. Баланы өз күшіне сендіріп үйрету керек. “Қолыңнан түк келмейді” дей берсең, бала жасқаншақ, жасық болып қалады. Бала еш уақытта іссіз отыра алмайтын болғандықтан оған ылғи пайдалы іс беріп отыру керек. Пайдалы іспен айналысқан бала өз бетімен жат қылықтарға әдеттенбейді. Қимыл-қозғалысын дамытып, қозғалмалы ойындар ойнатып, күн тәртібінде көрсетілген серуен, ойын, тамақ, оқу іс-әрекет, ұйқы кезеңдерін мүлтіксіз орындау керек.
Сонымен қатар бала тамағының жақсы болуы, құндылығының артуы міндеттердің бірі болып есептеледі. Бала ағзасының таза әрі денсаулығының жақсы болуы тамақтануға, күнделікті қолданатын тамақ құрамында қажетті дәрумендердің көп болуына, тамақ түрлеріне байланысты. Бала ағзасы өскен сайын өз қажетінше дәрумендер алуы қажет. Балаларымыздың дені сау болып өссін десек, біз бала тәрбиесінде серуенге аса мән беруіміз керек. Таза ауадағы серуен баланың денсаулығын жақсартып, денесін шынықтырады. Даладағы серуен баланың ширақ қимылдап, жан-жақты дамуына көмектеседі. Жаз айларында барлық сауықтыру шараларын далада таза ауада өткізген жөн. Баланы жылдың қандай ауа райы болсын серуенге шығарған абзал. Ауладағы құрал-жабдықтар, ойын әрекетіне арналған ойыншықтар баланың жасына сай болуы керек. Дені сау ішкі жан дүниесі сау адам − бақытты адам, ол өзін өте жақсы сезінеді, өзін-өзі одан әрі жетілддіруге, дамыта түсуге тырысады, жан дүниесінің сұлулығын аша біледі.
Біздің балабақшада кез-келген іс-шаралар ата-аналардың қатысуымен жүзеге асады. Мектеп жасына дейінгі балалар өздерінің іс-әрекеттеріне ата-аналарының қатысқанын ұнатады. Ойын − баланың еңбегі, сондықтан өз еңбегінің жемісіне ата-аналарының қатысып, бірге бөліскені бала үшін үлкен қуаныш. Сонымен қатар жазғы сауықтыру кезеңдегі ұйымдастырылған серуен, саяхаттарға бірге барып, өз көмектерін береді.
Әрбір ата-ана өз баласының денсаулығы мықты, қайратты азамат болып өсуін қалайды. Сондықтан мектеп жасына дейінгі бала денсаулықтарын нығайтып, психологиялық сақтандыруды жүзеге асыруда балабақша мен отбасы бірлесіп жұмыстану қажет.
Күтілетін нәтиже:
- Балалардың дене сымбаты сақталады
- Денсаулық ең басты құндылық екенін түсінеді
- Баланың бағдарламаны игеру деңгейі өседі
- Көңіл-күйлері көтеріліп, қызығушылық қабілеттері артады
- Санасында өмірге деген құлшыныс, өзгені сыйлау сияқты адамгершілік қасиеттері дамиды
- Үлкендер және өз қатарындағы құрбылармен іскерліктері шыңдалады
- «Өз денсаулығым өз қолымда» түсінігі қалыптасады.
