Балалар шығармашылығы: ЭКСПО 2017 көрмесіне дайындық

Қызылорда облысы,
Қазалы ауданы
Әйтеке би кенті, № 4 «Шұғыла» бөбекжай-балабақшасы
ІІ кіші «Ақбота» тобы
Тәрбиеші: Жақыпова Айгерім
Білім беру саласы: Шығармашылық. Коммуникация
Бөлімі: Сурет салу
Тақырыбы: «ЭКСПО 2017» – балалар көзімен
Мақсаты: Балалардың Отанға, туған жерге, елге деген сүйіспеншілік сезімін арттыру. Рәміздерді білуге үйретуді жалғастыру, сөздік қорларын,
ой - өрісін дамытып, дұрыс сөйлеуге жаттықтыру. Өз Отанын сүйе білуге тәрбиелеу. Сурет салу арқылы балалардың эстетикалық сезімін, шығармашылық қиялын дамыту. Табиғатты аялай білуге , қамқор болуға тәрбиелеу.
Әдіс-тәсілдері: түсіндіру, сұрақ-жауап, көрсету, ғажайып сәт.
Мнемокесте, картоп бастырмасы, алақанмен сурет салу, граттаж әдісі
Көрнекілігі: слайд, видеоролик, гуашь, ақ плакат. Сүрткіш, қылқалам, тұз, картоп., жасанды қар,
Сөздік жұмыс: көрме, хат, Отан
Билингвиальді компонент: көрме-выставка, хат-письмо, Отан-Родина
Шаттық шеңбері.
* Балалар, далада күн суық, алайда біздің жүрегіміз жылы. Ендеше, шаттық шеңберіне тұрып, бір-бірімізге жылы сөздер айтайықшы.
* Армысың, қайырымды Аспан Ата!
* Армысың, мейірімді Жер-Ана!
* Армысың, шұғылалы Алтын күн!
* Армысың, тәуелсіз елім менің!
* Жарайсыңдар, балалар.
* Балалар, қазір жылдың қай мезгілі?
* Қыс мезгілі.
* Далада ауа-райы қандай?
* Күн салқын, аяз.
1-слайд. Балалар тақтаға қарайықшы. Суретке қарап өлең шығарып көрейікші
Мнемокесте арқылы «Қыс» тақырыбында бір шумақ өлең шығару.
Қандай қызық қыс деген,
Бәрін шебер істеген.
Бақша-бауды, тауды да.
Бояған ақ түспенен.
* Балалар, осы сендер қыста қандай ойын ойнағанды ұнатасыңдар?
Қармен аққала жасаймыз, шанамен сырғанаймыз
* Балалар, сендерге қармен ойнаған ұнай ма?
* Қарды осы топ бөлмесіне әкеліп ойнасақ қалай болады?
* Еріп кетеді. Су болады.
* Ендеше, мен сендерге бір қызық көрсетейін. Өзіміз ерімейтін қар жасап алайық.
Қар жасау. Қажетті заттар: нан содасы, крахмал, көбік (пена).
Балалар қарды ұстап көріп, ойнайды.
Осы кезде музыка әуені шығады.
-Балалар, музыка әуені естілді.Қай жерден шығып жатыр ?
-Компьютерден.
-Біздің электронды поштамызға хат келген сияқты. Оқиықшы.
( Хатты ашу).
-Кімнің суретін көріп тұрмыз?
Президентіміз Нұрсұлтан Назарбаев.
Балалар, елбасы бізге хат жолдапты. Сендерге оқып берейін.
«Құрметті «Шұғыла» бөбекжай- балабақшасының «Ақбота» тобының бүлдіршіндері! Биыл елордамыз Астана қаласында «ЭКСПО 2017» халықаралық көрмесі өткелі жатыр. Осы көрмеге шығармашылық жұмыстарыңды жіберіңдер. Сендердің шығармашылық жұмыстарыңды дүниежүзінен келген қонақтар көретін болады»
Ізгі ниетпен Нұрсұлтан Назарбаев
* «ЭКСПО» көрмесі дегеніміз ол не, балалар?
Ендеше, «ЭКСПО-2017» көрмесі жайлы бізге «Айжұлдыз» айтып берсінші.
«Айжұлдыз» мультфильмі.
(Балалар ЭКСПО көрмесі турал мағлұмат алады)
* Балалар, сендер айтыңдаршы, біз тұратын мемлекет қалай аталады?
* Қазақстан Республикасы.
* Ал астанамыз қай қала?
* Астана қаласы
* Дұрыс айтасыңдар,балалар. Астана –Қазақстан Республикасының бас қаласы. Осы Астанада қандай ғимараттарды білесіңдер?
* Хан шатыр, Ақ орда, Бәйтерек.
* Балалар, біздің Отанымыз Қазақстан. Біз тәуелсіз, дербес, егемен . Отанымыздың Әнұраны, елтаңбасы, туы бар.
* Сендер, туған жер, Отан туралы мақал-мәтел, тақпақ білесіңдер ме? Айтып беріңдерші.
Мақал- мәтел.
Отан оттан да ыстық
Отан үшін отқа түс күймейсің.
Туған жердің түтіні де ыстық.
Туған жердей жер болмас,
Туған елдей ел болмас.
Туған жер- тұғырың
Мадияр: Елінде күн нұрын төккен,
Жерінде гүл жұпар сепкен.
Неткен сұлу, неткен көркем.
Осы менің туған өлкем!
Нариман: Отанды біз атамекен,
Деп аялап атаймыз.
Өйткені, оны мекен еткен
Бабамыз бен атамыз.
Кәусар: Жайдарлы жерім бар,
Өрісті елім бар.
Ерлікке баулитын,
Егемен елім бар.
Ардақ: Отан-сенің ата-анаң,
Отан-досың, бауырың.
Отан-өлкең, астанаң.
Отан- аудан, ауылың.
Сезім: Кең жазық Отан мекенім
Сенде өсіп көктедім
Сені қорғау парызым
Мұны біліп өтемін.
Н.Нұрислам: Астанама қарашы,
Елімнің жас қаласы.
Неткен ұлы, неткен кең
Қазағымның даласы
Камалиа: туған елім-гүл елім
Қасиетіңді білемін
Өзіңе деп жүремін
Лүпілдеген жүрегім
Мирас: Отан-тарих, Отан-тіл,
Жасаған елің, ер халқың.
Отан-өлең, Отан-жер,
Көтерген көкке ел даңқың.
Балалар, біз көрмеге шығармашылық жұмыстарымызды жіберейік. Бүгін сурет салу оқу қызметімізде суреттер салайық. Сендерге сурет салған ұнай ма?
«Сиқырлы бояулар» . Тосын сый.
Қажетті құралдар: май, су, бояу, аспирин.стакан
Енді, балалар, біз жұмысқа кірісейік. Сендер үш топқа бөлініп отырыңдар.
І топ. Ақ қағаз бетіне желім мен түрлі-түсті тұзды пайдалана
отырып, сурет салады.
ІІ топ. Граттаж әдісімен сурет салу.
ІІІ топ. Бастыру және картопты таңбалау арқылы сурет салу
Сергіту жаттығулары.
Музыка әуенімен, видеороликке қарай отырып
«Мен қазақпын» сергіту жаттығуларын жасау.
Рефлексиялық-түзетуші.
Балалардың жасаған жұмыстарына баға беру, көрме ұйымдастыру.
Сұрақ- жауап арқылы оқу қызметін қорытындылау.
-Балалар, біз қай жыл мезгілі туралы өлең шығардық?
-Қыс мезгілі туралы.
-Бізге кімнен хат келді?
-Елбасымыз Нұрсұлтан Назарбаевтан
-Біз қандай жұмыстар жасадық?
* Сурет салдық, боядық.
* Бұл щығармашылық жұмысты қайда жібереміз?
* ЭКСПО 2017 көрмесіне
* Жарайсыңдар, балалар. Сендер бүгін өте керемет жұмыс жасадыңдар.
* Тәуелсіз Қазақстан мәңгі жасасын. Көк туымыз желбіреп, еліміз тыныш болсын.
* Мына майлы бояуға алақандарыңды батырып, жақсы тілектер айтып плакатқа алақан іздеріңді түсіріңдер.
Балалар алақан іздерімен шуағын шашқан күн бейнесін жасайды.