Разработка выпускного утренника "Қош бол, балабақша"

ҚР ШҚО Ұлан аудандық білім бөлімі
«Айгөлек» балабақшасы КМҚК

«ҚОШ БОЛ, БАЛАБАҚША!»
атты «Айналайын» және «Болашақ»
мектепалды даярлық топтарының біріккен ертеңгілігінің бағдарламасы.

Тәрбиеші:
Ержомарт М.А.

Бозанбай ауылы, 19 мамыр 2016 жыл.
Мақсаттары:
Жыл бойындағы алған білімдерінжүйелеу, қорытындылау. Балаларға көтеріңкі көңіл-күй сыйлау, көпшілік алдында өздерін ұстай білуге үйрету, шығармашылық қабілеттерін, ой-өрістерін, тіл байлықтарын дамыту. Эстетикалық, адамгершілік, ұйымшылдық, өзара ынтымақтастық сезімдерін тәрбиелеу. Үлкенді сыйлауға, ұлттық дәстүрлерді қадірлей білуге тәрбиелеу.
Алдын-ала атқарылған жұмыстар:

• Ата-аналар жиналысы.

• Балаларға ән, би, өлеңдерін үйрету

• Қажетті құрал-жабдықтарын дайындау

• Қадірменді қонақтарды шақыру

• Қоштасу вальсін үйрету.

Көрнекіліктері мен қажетті құрал-жабдықтары:

• Ұлттық оюлар

• Шарлар.

• Пойыз вагондарына жазылған «Мектеп» сөзі.

• Интерактивті тақта, ноутбук

• Слайдтары.

• «Ақ жол»

• «Мектеп» атты босаға

КӨРІНІС: Залда ұл мен қыз отырады. «Құлыншақ» ортаңғы тобы.
Ұл: Қуанышты көңілді
Нағыз жақсы мереке
Шығарып салмақ мектепке!
Қыз: Біз де мектепке барамыз,
Үлгілі оқушы бізде ертең боламыз!
Ұл: Мен мектепке баруға қазір-ақ дайынмын!
Қыз: (басын шайқайды):
Ой, қой бізге әлі ерте, біз келер жылы барамыз!
Ұл: Кешір! (Қызға жақындап келіп)
Қыз: Қош келіпсіз, қасиетті ата-аналар!
Жүздеріңнен мейірім мен нұр тамар!
Алдарыңда жауқазындай құлпырған!
Бүгінгі түлектерді қарсы алыңыздар!
№1. БАЛАЛАРДЫҢКІРУІ:
«Балдәурен» әуенімен балалар кіріп,залды айналып, жартылай шеңбер болып тұрады.
Залда терезесі бар 6 вагон тіркелген паровоз тұрады балалар, сол паровоздың терезелерін ашып «МЕКТЕП» деген сөзді оқиды.
Жүргізуші:
Өтті қызық көп күндер,
Алты жасқа жеттіңдер
Барасыңдар мектепке,
Бір белестен өттіңдер.
Айналайын,балалар,
Алда мектеп- ана ,
Өнерпаздар даналар!
№2. « БҮГІН БІЗДЕ МЕРЕКЕ» әнін бірге орындайды.
Жүргізуші:
Өсті міне бойларың,
Өсті ақыл –ойларың .
Қуанышқа ортақпын,
Құтты болсын тойларың!
Айзере:
Ойыншықтарды жинаймыз,
Бөбектерге сыйлаймыз.
Өнер-білім үйреткен
Бақшамызды қимаймыз!
Нұрболат:
Қызықты күндер өткіздік
Балабаша бағында.
Көп ойландық, көп білдік
Ел мен Отан жайында
Нұрдана:
Тоқтаңыздаршы, тоқташы
Бір сәтке болса да, балабақшадағы қызықты сәттерге, оралайықшы.....( деп тәрбиешіге жақындап барады.
Әуен ойналып тұрады
Жүргізуші:
- Балалар, қалай ойлайсыңдар, не істеуге болады? Кімді көмекке шақырамыз?
- Сиқыршыны шақырайық! – дейді.
Сиқыршы:
Мұндай мереке құрметіне сиқырлап көрейік.
Сим-салабим, ақалай-мақалай, ақалай-мақалай.
№3. І - сәбилер тобы ЖҮРІП ӨТЕДІ
№4. ІІ - сәбилер тобы «ҚУЫР,ҚУЫР,ҚУЫРМАШ» биін билейді.
Жүргізуші:
Жақсы білім-көрімдік
Болсын бірге, халайық!
Не үйреніп, не білдік,
Кәне, ортаға салайық!
№5. «БОЛАШАҚ» МДТ «ОСЕНЬ» әнін орындайды.
Күз ханшайымы:
Алтын, сары, қызыл, көк,
Алуан, алуан, жапырақ.
Күзгі бақта күлімдеп,
Көз тартады атырап.
Жатыр еді атырап,
Ағаштардан жамырап
Ұшты кенет жапырақ.
О, алақай тамаша!
Шашу шашты жапырақ
Бақтың іші - алаша
Аунар ма еді жатып-ап!
КХ: Сәлеметсіңдер ме, балалар! Сендер мені естеріне алдыңдар ма?
- Иә! – деп жауап береді.
№6. «ҚОЛШАТЫР» биі. «Болашақ» МДТ
Залда боранның дауысы естіледі, залға «Аяз ата» кіреді.

Аяз ата:
Балабақша көрінді,
Келіп қалдым, міне, мен.
Құтты болсын мереке,
Жалынды сәлем беремін!
Қуанып қарсы ала біл
Келе жатыр Жаңа жыл!
№7. БАЛАЛАРДЫҢ ТАҚПАҚТАРЫ:
Ералы:
Скоро, скоро Новый год!
Он торопится идет.
Постучится в двери к нам
Дети,здравствуйте, я к вам!
Нұрдана:
Нью е дей,
Нью е дей!
Лет ас син,
Энд лет ас плэй.
Айсері:
Армысың,қонақ қыс!
Қонақ болсаң, аттан түс.
Әуелет әнін елімнің
Дала мен қырға жүгіргін!
Балалар хормен айтады:
Аяз ата, біз сенің аязыңнан қорықпаймыз,
Біз жайдары жазды күтіп жүрміз.
№8. СЕРГІТУ СӘТІ: «Көңілді күн»
Аяз ата: Ыстықтап барамын, ыстықтап барамын, - деп шығып кетеді.
№9. «АЙНАЛАЙЫН» тобының қыздары биді хабарлайды:
«МІНЕ, БІЗДІҢ ЖІГІТТЕР!» биі. «Болашақ» МДТ.
Аяужан: Айсері, бері келші, мен саған бір нәрсе көрсетейін!
Айсері: Кәне, көрсетші! – деп жүгіріп келеді.
Аяужан: Қарашы, қандай әдемі сақина! Білесің бе кім сыйлағанын?
Айсері: Дархан ба? - деп жақындап сұрайды.
Аяужан: Дәл таптың!
Айсері: ТуҺ, сақина сыйлағанша би сыйламай ма?
Аяужан: Әрине, билері де бар!
Екеуі бірге: Ендеше, жігіттердің биін қабыл алыңыздар!
№10. «НАУРЫЗ БІЗДІҢ ЖАҢА ЖЫЛ» әні. «Айналайын» мдт.
Ән орындалып жатқанда «Наурызгүл» атты кейіпкер кіреді
Наурызгүл:
-Балалар, бұл жерде қандай мереке болып жатыр?
Балалар:
- Балабақшамен қоштасу мерекесі, - деп жауап береді.
Наурызгүл:
-Сендердің мектепке қандай дайындықтарың бар?
Нені білдіңдер, нені үйрендіңдер?
№11. «ӘЛІППЕ ӘНІ»
интерактивті тақтада көрсетіліп, музыкасы қосылады. Барлық балалар қосылып орындайды.
№12. «КӨҢІЛДІ ПІШІНДЕР»
атты қимылды дидактикалық ойын .
Мақсаты: Балалардың ҚМТҚ пәні бойынша білімдерін көрсету, көтеріңкі көңіл-күй сыйлау.
Барысы:Ойын ережесі түсіндіріледі.
а /.Алдымен пішіндерді көрсетіп, атаулары мен түстерін сұрау.
ә/. Жай сөздер айтылған кезде қолдарын шапалақтайды, ал пішіндердің атаулары айтылса, аяқтарын топылдатады.
№13. «ТӘРБИЕШІ МҰҒАЛІМ» әнін бірігіп орындайды.
Осы кезде «Попурри» билейтін балаларды киіндіруге әкету керек.
№14. «ПОПУРРИ» биі.
Екі топтан жұптасып шығып әр ұлттың билерін билейді:
Өзбек биі: Нұрдана, Аяужан. «Айналайын».
Грузин биі: Әбілсейіт, Жанель. «Болашақ».
Үнді биі: Қайрат, Карина. «Болашақ».
«Летка-енка»: Райымбек, Ералы. «Айналайын».
«Қара жорға»: Айша, Барысбай. «Болашақ».
Жүргізуші:
Алты жасар баласын,
Алпыста ата жетектеп,
Келе жатыр көшеде,
Қайда әлгі мектеп? – деп.
Алпыс келеді алқынып,
Алты келеді аптығып.
№15. « А Т А Ш Ы М Н Ы Ң Б А Т А С Ы » :
Райымбек батырдың атасы Қадеш ақсақалды үлкен құрметпен ортаға шақырып, бата тілейміз.
Бойыңа, күшіңе,
Ойыңа, ісіңе
Сеніп тұр, аташың
Беріп тұр батасын!
Шырағым, зейінді
Бол,кішіпейілді,
Оқуда, еңбекте,
Үлгі бол, сен, көпке!
Жүргізуші:
Ажырамай халқыңнан бір елі Сіз,
Жақсылыққа жаралған жүрегіңіз.
Сөз береміз құрметпен біз сіздерге,
Балаларға арналсын тілегіңіз! – дей келе,
№16. Ортаға тілектерін айтып, балаларды мектепалды даярлықтан өткендіктері туралыдипломдармен марапаттау үшін мерекеміздің құрметті қонақтарын шақырамыз:
- Аудан әкімінің орынбасары Роза Ұзаққызы Мамырбаева
- Ұлан аудандық білім бөлімінің меңгерушісі Қуат Барысұлы Оқасов
- Бөлім әдіскері Алмагүл Жақыпқызы Нұрпейісова
- Бөлім маманы Әсем Ақылбекқызы Аубакирова, т.б.
Жүргізуші:
Бүгінгі күн әр үйдің тойбасы деп саналар.
Балалардың есімі әулеттерге таралар.
Ырым етіп сондықтан ертеңгілік соңында
Ақ тілекпен баршаға шашу шашпақ аналар!
№17. Ш А Ш У Р Ә С І М І:
Аяулы ана, Әбілсейіттей талантты жігіттің ақ әжесі
Қарлығаш апайды шашу рәсіміне шақырамыз!

№18. ЕРТЕҢГІЛІК СОҢЫ:
1. Баяу әуеннің ырғағымен балаларды АҚЖОЛ-мен жүргізу
2. Балаларды МЕКТЕП деген жазуы бар есіктің босағасынан өткізіп, мектептің 1-сыныпты қабылдайтын мұғаліміне табыс ету.
3. Балаларды ұйымдасқан түрде далаға шығару.
4. Балалардың «ҚОШТАСУ ВАЛЬСІ»
5. Балалар аспанға түрлі-түсті шарларын ұшырады.