Ана - біздің гүліміз
Бұл сабақ мектеп жасындағы балаларға арналған, оның мақсаты анаға деген құрметті ояту болып табылады. Балалар тапсырмаларды орындау барысында ананың рөлі мен отбасындағы қадір-қасиетін түсінеді. Ананы құрметтеу, оның еңбегін бағалау сияқты құндылықтарды меңгеру – әрбір бала үшін өте маңызды. Әр бала өз анасы жайлы жылы сөздер айтып, олардың өмірдегі мән-мағынасы туралы пікірлерімен бөліседі.
Сабақ барысында балалар түрлі ойындар мен тапсырмаларды орындау арқылы ана туралы мәліметтерді меңгеріп, олардың маңыздылығын ұғынып, ұлылардың бойынан аналарға деген сүйіспеншілікті сіңіре алады. «Көрікті көктем» ойындары арқылы балалар табиғаттың әсемдігінен, ананың нәзік жүрегінің жылуынан сабақ алады. Анасымен бірге, оның түсіндірмелері мен шеберлігіне сүйене отырып, балалар ананың сұлулығы мен күшін сезінеді.
Жаңа материалды қызықты түрде жеткізу үшін ән тыңдатып, балалармен талқылау өткізіледі. Тәрбиеші ананың жүрек жылуын, қамқорлығын өнегелі әңгімені баяндау арқылы көрсетеді. 'Ана мен бала' тақырыбында диалог жүргізу, мақал-мәтелдер мен жұмбақтарды шығару арқылы балалар ананың тұлғасына тереңдей үңіле алады. Осылайша, сабақ барысында ана сезімін нығайту және ұлттық тәрбие негізінде балалардың ой-өрісін дамыту мақсаты көзделеді.
Сонымен қатар, балалардың шығармашылық қабілеттерін арттыру үшін сурет салу, хат жазу секілді іс-шаралар өткізіліп, аналарға арналған құттықтау хаттары ұйымдастырылады. Сабақтың қорытындысында, ананың еңбегін сыйлау, оны бағалау мен көмек көрсету маңызы туралы әңгіме өткізіледі. Балалар аналарымен бөлісу арқылы, оларға деген құрметінің негізінде әлемді жақсы көруге, сұлулықты бағалауға үйренеді.
Білім беру саласы: Әлеуметтік орта
Ұйымдастырылған оқу іс-әрекет түрі: Қоршаған орта
Сабақтың тақырыбы: Ана - біздің гүліміз
Сабақтың мақсаты:
1. Балалардың анаға деген құрметін ояту. Отбасындағы ананың рөлі туралы түсінік беру.
2. Сөйлеу мәдениетін қалыптастыру, балалардың өздеріне аналары жайлы әңгімелету арқылы отбасы мүшелерінің арасындағы сыйластық туралы түсіндіру.
3. Ананы құрметтеуге, ана еңбегін қадірлеуге тәрбиелеу.
Сөздік жұмыс: құттықтау, тілек.
Сабақтың көрнекілігі: суреттер, ойындар суреттері, плакаттар, мақал-мәтел жазылган парақша.
Ынталандыру. Сезімді ояту.
Тәрбиеші: Амандасу. Балаларды шаттық шеңберіне тұрғызып, аналары туралы жылы сөздер айтқызу.
Балалар: Әр бала анасы туралы қысқаша айтады. Мысалы: Менің анам-Күн сияқты жып-жылы. Менің анам-ең әдемі адам т.б.
Іздену. Ұйымдастыру.
I. Өткен сабақты еске түсіру мақсатында ойындар ойнату. "Көрікті көктем" атты суретке сөйлем құрау. "Көктемгі табиғат құбылыстарын ата?"
II. Жаңа сабақ:
Тәрбиеші: Ана туралы ән тыңдату. Әннің кімге арналғаны туралы сұрау. Балалар: Әннің мазмұны туралы әңгімелейді.
а) Тақырыппен таныстыру
Наурыз айында көп мерекелер бар. Көктемнің алғашқы мерекесі – аналар мерекесі. Олай болса, бүгінгі сабағымыз ардақты аналарға арналмақ.
Тәрбиеші: Кез-келген адамның әдептілігі мен жан дүниенің сұлулығы, ең алдымен балаға ақ сүтін беріп, әлпештеп өсірген ана жүрегінің жылуынан басталады. Бала бойындағы ең жақсы қасиеттер бізге алдымен анадан тарайды. Ананың нәзік үні, жұмсақ аялы алақаны, жан-жылуымен аялауы бізді әлдилеп жұбатады. Өз баласын бағып қағуда, ол ана өзін-өзі ұмытып барлық күш жігерін сарқа жұмсайды, бұдан оның жаны байи, нәрлене түседі. Ананы барынша құрметтеп, сыйлау-әрбір баланың парызы.
ә) Суретпен жұмыс.
Сурет бойынша әңгіме құра.
Балалар: суретке ангіме құрайды.
б) Әліппе – дәптермен жұмыс.
Аналар мерекесі белгіленген суретті тап?
Анамызға арнап құттықтау хаттың суретін саламыз.
в) Сергіту сәті.
"Анашым-ана жаным" өлеңін айту.
д) Өлеңді бірге жаттайық.
Үлкенмін ғой мен енді,
Жудым бүгін еденді.
Аналарға арналған,
Жаттап алдым өлеңді.
С. Оспанов.
III. Аяулы аналарға арналған мақал-мәтелдерде бар екен балалар! Тыңдайық.
а) Ана туралы мақал-мәтелдің мағынасын ашу.
1. Ананың сүті-бал,
Баланың тілі-бал.
2. Ана көркі алдындағы баласы,
Қала көркі үйі, орман-ағашы.
3. Баланың білегі ауырса,
Ананың жүрегі ауырады.
б) Ойын: "Ана". Шарты: Ананы теңеулер арқылы айту. Мысалы: Менің анамның тағамдары- аспазшының тағамындай дәмді. Менің анам-аққудай көрікті, сұлу.
в) Ғажайып сәт: Табиғат Ананың келуі.
Сәлеметсіздер ме балалар! Мен сендердің дауыстарыңды естіп келдім. Сендерді қуанышқа бөлегім келді. Мен кіммін?
Балалар: Табиғат Ана!
- Жарайсыңдар! Мен көктемнің хабаршысы бәйшешек гүлін жинап әкелдім. Көктем мезгілінің алғашқы мерекесі 8-наурыз аналар-қыздар мерекесіне сыйларсыңдар. Балаларға таратып шығады.
Балалар: Бәйшешек гүлін келген мұғалімдерге де тілек айтып береді.
IV. Қорытындылау.
Аналарымыз да осы гүлдей нәзік, сұлу, көрікті. Аналарымызды аялап, құрметтейік. Үнемі көңілді, күндей жарқырап, гүлдей жайнап жүруі үшін, аналарымызды ренжітпейік. Мадақтау.
Күтілетін нәтиже: ананың аялы алақаны, жан жылуын сезіне білуі.
Білуі тиіс: Халықаралық әйелдер мерекесі туралы түсінігі болуы.
Түсінігі: отбасындағы ананың рөлі туралы білу.
Көрсете білуі: ойын жеткізіп айту.
