Мотивациялық қозғаушы
Ұйымдыстыру – ізденушілік
Рефлексивті коррекциялаушы | Шаттық шеңбері.
Ән «Не деу керек?»
- Балалар, енді өздеріңнің есімдеріңнің бірінші әрпіне сәйкес келетіндей, әдептілік мінез – құлық көрсеткіштеріне байланысты өздеріңді таныстырып өтіңдер.
Мысалы: сыпайы Санжар, әдепті Әлихан т.б.
Балаларды үш түсті топқа бөліп отырғызу ( қызыл, көк, сары ).
- Өте жақсы, әдепті болу - әр баланың міндеті. Әдептілік адамның ең жақсы қасиеті. Әдепті бала болашақта өзінің жақсы азамат екенін дәлелдеп, аңсаған арманына жетеді.
Ертегі қойылымы «Аю мен қоян»
Ертегі мазмұны бойынша сұрақ - жауап
«Тыңда және қайтала!»
Видио – аудио ролик .
Слайдтағы суреттерді тамашалап, аудио записьтегі сөздерді бірге қайталайды.
- Бұл тамашалаған суреттерді сендер қалай түсінесіңдер?
- Бұлар қандай қасиеттерге жатады?
- «Әдептілік» сөзін қалай түсіндірер едіңдер?
Пікір – талас:
1 – бала: - Әдептілік - әдемілік. Әдепті адам әдемі. Ол өзінің дұрыс киінуі, сыпайы сәлемдесуі, өзін - өзі күте білуімен әдемі.
2 – бала: - Әдемі адамның бәрі әдепті бола ма? Әдептілік дегеніміз - өзін - өзі кез келген ортада ұстай білу. Ол әдемі болмаса да, өзін - өзі ұстай білсе - әдепті.
3 – бала: Үлкен кісілерге «Ассалаумағалейкүм» деп амандасып, амандығын, денсаулығын сұрау парыз. Дұрыс амандасудың адамгершілік,иимандылық мәні бар.
4 – бала: Дұрыс тамақтану, мезгілімен ұйықтау, әке мен ананы сыйлау – халықтық әдеп. Біз осы нәрселерді, ұлттық әдепті қорғай білуіміз керек.
5 – бала: Сәлемдескенде, сәлем бергенде, әркім дауыстың дабырламауына, үнінің үйлесімділігіне, яғни дауыс ырғағына ерекше көңіл аударып, салмақпен,иәдеппен сөйлеуге міндетті. Сөз басы сәлем дегеніміз осы.
«Қалпақтар» ойыны
Балаларға қалпақтарының түсіне қарай тапсырмалар беру ( қызыл, көк, сары).
Қызыл түсті қалпақтар - әдептілік туралы мақал-мәтелдер айтады:
1. Әдепті бала арлы бала
Әдепсіз бала сорлы бала
2. Әдепті бала ата-анасын мақтатар,
Әдепсіз бала ата-анасын қақсатар.
3. Әдептіліктің белгісі – иіліп сәлем бергені.
4. Сіз деген әдеп, біз деген көмек.
5. Әдептің не екенін әдепсіз адамды көргенде білесің.
6. Әдептілік-ар, ұят – адамдықтың белгісі.
7. Қадірлі кісі қартаймас
8. Ұят- адамгершіліктің бір жемісі
9. Аға әдепті болса, іні әдепті
Апа әдепті болса, сіңлі әдепті.
10. Мейірімділікті анадан үйрен,
Әдептілікті данадан үйрен.
11. Әдепсізге қарап, не істемеуді үйрен. ( Өзбек мақалы)
Көк түсті қалпақтар - әдептілік туралы тыйым сөздер айтады:
1.Үлкен кісімен сөйлескенде қолыңды қалтаға салып тұрма,
2.Үлкен кісімен сәлемдескенде қолыңды бұрын ұсынба,
3.Біреумен сөйлескенде бетіне қадала қарап, тақалып тұрма, ыржалақтап күле берме, немесе мөлиіп тұрма.
4. Біреудің дүниесіне таңдана қызығып, тесіле қарама.
5. Біреудің дүниесін өз бетіңмен аударыстырып, ақтарма.
6. Ата-анаңның бетінен алма.
7. Үйде отырып ысқырма.
8. Біреумен сөйлескенде керексіз нәрсені қазбалап сұрай берме
9. Әркімді бір кекетіп , мұқатпа.
10. Тамақ ішкенде ашкөзденіп, қомағайланып кетпе.
11. Бас киімді теппе, айналдырма, аяқ асты тастама.
12. Үйдің ішінде ысқырма.
13. Малды бастан ұрма.
14. Нанның үстіне зат қойма.
15. Жасы үлкеннің алдын кеспе, одан жоғары отырма, сөзін бөлме.
16. кемтар адамға күлме.
17. Кісіге сыртыңды берме.
Сары түсті қалпақтар – «Сөйлемді жалғастыр» ойыны: «Не істеу керек?»
- Үлкен кісіні.......................(сыйлау керек.)
- Үлкеннің тілін...................(алу керек..)
- Үлкендерге..........................(сәлем беру керек.)
- Кішілерді..............................(қамқорлау керек.)
- Оқу құралдарын.................. (күтіп ұстау керек.)
«Керісінше» ойыны
- Балалар, мынау сиқырлы гүл , бірақ абайсызда оның күлтелерін шашып алдым. Гүлдің күлтелерін жинау керек. Ол үшін мен жағымсыз сөздер айтам, ал сендер соған қарама – қайшы жағымды сөздерді айтуларың керек. Егер біз сөздерді дұрыс тапсақ, бізде әдемі сиқырлы гүл пайда болады.
әлсіз – күшті
жаман – жақсы
жалқау – еңбекқор
ұқыпсыз – ұқыпты
ақымақ – ақылды
көңілсіз – көңілді
әдепті - әдепсіз
Тәрбиеші гүлді оңға қаратып қояды, сонда схема пайда болады.
Шығармашылық жұмысы.
Балаларға «Әдептілік гүлін» салуға ұсыныс тастау.
Қорыту.
- Балалар, біз бүгінгі оқу іс - әрекетімізде әдептілік, сыпайылық жайлы сөйлестік. Әдепті, сыпайы балалар айналасындағыларға жағымды, сүйкімді екенін түсіндік. Әрдайым әдепті, сыпайы болуға, кездескен адамдармен амандасуды, кешірім сұрауды, өтінемін деген жылы сөздерді үнемі айтуға үйрендік. Жақсы мен жаман әдет қалыптарды ажыратуды, жақын адамдарға қамқорлық, оларға көмек көрсету дағдыларын үйрендік.
Дидактикалық ойын
«Әдепті сөздер»
- Балалар, оздеріңнің салған әдептілік гүлдеріңді келген қонақтарға сыпайы сөздерді айту арқылы сыйлайықшы.
Балаларды мақтап, мадақтау. | Балалар шеңберге тұрып, ән айтады. Өздерінің есімдерін бірінші әріптеріне сәйкес әдептілік мінез – құлықтарының көрсеткіштеріне байланысты таныстырып өтті.
Баллар үш түрлі түсті қалпақтарын киіп, орындарына отырды.
5 мин
Балалар ертегі қойылымын тамашалап, мазмұны бойынша сұрақтарға жауап берді.
Видио – аудио роликті қарап, қайталап, сұрақтарға жауап берді.
Балалар әдептілік туралы өз ой – пікірлерін айтып шықты.
Қызыл түсті қалпақтар киген топтың балалары әдептілік туралы мақал – мәтелдер айтып шықты.
Көк түсті қалпақтар киген топ әдептілік туралы тыйым сөздер айтып шықты.
Сары түсті қалпақтар киген топтың балалары «Сөйлемді жалғастыр» ойынына қатысты.
Жағымсыз сөздерге қарама – қайшы жағымды сөздерді дұрыс айтып, гүлдің күлтелерін құрастырып шықты.
Балалар ұсынысқа қуана келісіп, «Әдептілік гүлінің» суретін салды.
Салған суреттерін келген қонақтарға сыпайы сөздерді айту арқылы сыйлады.
|
