Алтын күз мерекесі
Алтын күз мерекесі - бұл балалар үшін ерекше әрі көңілді оқиға. Бұл күні балалар күздің кереметтерін атап өтеді. Мерекенің басты мақсаты - балаларға қуаныш пен шаттық сыйлау, олардың күз туралы түсініктерін кеңейту. Күз қаншалықты әдемі, сары, қызыл жапырақтармен, жемістермен және көңілді мерекелік көңіл-күймен толы. Мереке барысында балалар жапырақтардың түрлі-түсті суреттерімен залды безендіріп, өздерінің шығармашылық қабілеттерін көрсетеді.
Мерекеде «Шегіртке мен құмырсқа» ертегісі қойылып, балалар ансамблі бірігіп хор мен флешмоб билейді. Жігіттер мен қыздар үшін әртүрлі әндер, тақпақтар және билер жоспарланған. Тәрбиешілер балаларды қызықты ойындар мен жарқын сәттермен бөлісуге шақырады, олар мерекенің басты бөлігін құрайды.
Алтын күз мерекесінде көрнекіліктер көп, залдың іші күз мейрамына сай безендірілген. Музыкада әсем сазды әуендер ойналып, балалардың шыққан шашуы мен күлкісі, олардың өнерге деген махаббаты осы мерекенің басты сәттерінің бірі болып табылады. Күз күндері табиғаттың өзгешеліктерін танып, күзгі өнімдерді атап өтудің тамаша мүмкіндігі. Сіздермен бірге келер жылда да осындай қызықты және шаттықты мерекелерді өткізуге дайынбыз.
Тақырыбы: Алтын күз
Мақсаты: Алтын күз мерекесін өткізу. Күз туралы түсініктерін кеңейту. Балаларға мерекелік көңіл-күй сыйлау.
6Көрнекіліктер: Залдың іші күз мерекесіне сай безендірілген. Жапырақтардың суреттері, күз жармеңкесі, яғни жемістер мен көкөністер салынған себеттер.
Әдемі сазды әуен ойналады, балалар қолдарында жапырақтарымен шығып, флешмоб билейді.
Хор«Күздің күні тамаша »
Жүргізуші:Құрметті қонақтар, ұстаздар! «Алтын күз» атты ертеңгілігіне қош келдіңіздер! Әр жылда сіздер балаларымыздың өнерлерін тамашалап жүрсіздер, олардың әншілік, бишілік қабілеттерін көрдіңіздер. Ал бүгін біз ертеңгілігімізді әртістік қабілеттерін көрсетуден бастағымыз келіп отыр. Тамашалаңыздар, алдарыңызда «Шегіртке мен құмырсқа» ертегісі.
Ертегілік қойылым «Шегіртке мен құмырсқа»
(Назым, Асфандияр, Ақбердинов Ә., Алтынбай Ә., Әлия, Нұрай )
Тәрбиеші: Тырна көкте тыраулап
Қош қош айттым кеттім деп
Шөптің басы қыраулап,
Күзде келіп жеттім деп,-
Ендігі кезде тақпақтарға берейік
Санжар:Қарашы далаға
Реңі сары ала.
Пісті алма албырап,
Сарғайды бал құрақ.
Ернұр:Өрік, алма, шие, алша,
Жидек, жүзім піседі.
Қауын, қарбыз, қияр, сәбіз,
Дүкендерге түседі.
Айкүн:Алтын, сары, қызыл, көк,
Алуан, алуан жапырақ.
Күзгі бақта күлімдеп,
Көз тартады атырап.
Ой, алақай тамаша,
Шашу шашты жапырақ!
Бақтың іші алаша
Аунар ма еді жатып ап.
Балнұр:Ағаштардан жамырап,
Ұшты кенет жапырақ.
Күн шуаққа маужырап,
Жатыр еді атырап.
Тамерлан:Ерекше күз енді,
Айнала сары ала.
Комбайн жүзеді,
Толқыған далада.
Тәрбиеші:Қызыл, жасыл, сары алтындай
Жапырақтар күздің көркі
Ойланайық, толғанайық
Күз туралы әнге елтіп!
Жеке ән «Осенины - именины »
Орындайтындар:Злата, Назым, Жамал
Залға музыкамен Аю кіреді. Бір қолында кәрзенке, бір қолына банка киіліп қалған.
Тәрбиеші:Ой, балалар, қараңдаршы, аюдың қолына банка киіліп қапты. Жемістер жинауға қиналып тұр. Аюға көмекке «Кәрзенке» биімен биші қыздарымызды шақырайық.
Тәрбиеші: Аю, көрдің бе, біздің балалар ауызбіршілікпен сенің кәрзенкеңді толтырып берді. Енді мен сенің қолыңды босатып берейін (қолындағы банкасын алып тастау).
Аю сен жемістерді не үшін жинап жатырсың?
Аю: - Мен қысқа дайындалып жатырмын. Қыста көп ауырмау үшін жемістерден тосап қайнатамын.Ал жемістерде дәрумен өте көп. Бірақ балалар, жемістер мен көкөністер араласып кетіпті. Бұны енді қалай ажыратамын.
Тәрбиеші:- Жемістер мен көкөністерді ажыратуға біздің балалар көмектеседі. Көмектесеміз бе балалар?
Ойын.
Аю:Балалар сендерге рақмет, мені Маша күтіп қалған шығар, үйге қайтайын.Маша екеуміз сендерді тәтті шайға шақырамыз. Сау болыңдар!
Жеке ән: «Күзге сәлем»
Орындайтындар: Айғаным, Нұрайым, Малика
Тәрбиеші: Ендеше не тұрыс
Болмасын жан қалыс
Тойлайық, күлейік
Қуанып билейік!
Жігіттер биі «Шляпа»
Тақпақтар.
Ақбердинов Ә.: Тазартса бірі дән,
Тиейді бірі астық.
Қырманға осы сән,
Күзге бұл жарастық.
Ильяс:Алқаптан бидайды,
Қоймаға ел жинайды.
Тырнасы тізілген
Ұнатам күзді мен.
Кәусар:Көк майсалы көрікті
Алқаптағы көп егін.
Бұл күндері киіпті
Сары жібек көйлегін.
Жел тынымсыз гуілдеп
Болып кетті тым бұзық.
Шуылдайды тал терек
Жапырағын жұлғызып.
Марғұлан:Құстар қайтты ән салып
Бұлт шарлады аспанды,
Қыс келеді жар салып
Күзгі суық басталды.
Жарқын:Қарашы күз келді, күз келді,
Сары алтын жауыпты іздерді
Құс біткен керуен түзеді,
Көңілсіз неліктен күз енді?
Владик:Қара бұлт қабағын түйеді,
Бұталар боз қырау киеді
Осы ма, осы ма күз деген
Бақшаға баратын бізбенен
Тәрбиеші: Күздің сыйын алайық
Қызығына қарайық
Күзге арнап бәріміз
Әнімізді салайық.
Жеке ән: «Біз өнерлі балдырған»
Орындайтындар: Ернұр мен Балауса
Хор:«Сары алтындай сары күз»
Балабақша меңгерушісіне сөз беру.
Тәрбиеші:Күзгібақтақонақтар
Айналайын балалар
Мерекеміз бүгінгі
Естен кетпес күн болар
Бақыттілепбаршаңызға
Аман саулықтілеймін
Құрметтіата-аналар,қонақтар,баршаңыздытағыдакүзмеркесіменқұттықтаймыз.Осыменбүгінгі«Алтынкүз»аттыертеңгілігіміздіаяқтаймыз. Зейін қойып тыңдағандарыңызға рахмет.Келесі кездескенше сау саламатта болыңыздар
