Ертегілер еліндегі шалқан - оқу іс-әрекетінің технологиялық картасы
Бұл құжатта «Раушан» ІІ-сәбилер тобы үшін арнайы дайындалған оқу іс-әрекетінің технологиялық картасы ұсынылған. Оқу іс-әрекетінің тақырыбы «Ертегілер еліндегі шалқан» деп аталады. Бұл бағдарлама балаларға ертегілер арқылы білім беру, диалогты сөйлеуін дамыту, сонымен қатар, олардың әлеуметтік құзыреттілігін қалыптастыруға бағытталған.
Сабақ барысында балалар ертегі мазмұнымен танысады, түрлі жаттығулар мен тапсырмаларды орындайды. Оқу іс-әрекетінің мақсаты - балалардың ақыл-ой, есте сақтау, және зейін қабілеттерін дамыту, сондай-ақ, еңбек сүйгіштікке, ұйымшылдыққа тәрбиелеу. Оқыту әдiстерiне сөздік әдіс, көрнекілік көрсету, және дамыта оқыту әдісі жатады.
Көрнекіліктер, мысалы, «Шалқан» ертегісінің макеттері мен кейіпкерлері, балалардың қызығушылығын арттыра отырып, оқу процесіне белсенді қатысуына көмектеседі. Тәрбиеші балалармен бірге ертегілер әлеміне саяхат жасап, оларға күрделі тапсырмаларды дайындайды. Әр тапсырма балалардың шығармашылық қабілеттерін аша түседі.
Қорытындысында, балалар өздерінің жетістіктерін жинақтап, мадақтау рәсімі жүзеге асырылады. Олардың алған білімдері мен дағдыларына сәйкес фишкалар беріледі. Мұндай сабақтар балалардың ертегі әлеміне қызығушылығын арттырып, олардың жеке тұлғалық дамуына оң әсер етеді.
«Раушан » IІ-сәбилер тобының ұйымдастырылған оқу іс-әрекетінің технологиялық картасы.
Білім беру саласы: «Әлеуметтік орта»
Оқу іс- әрекеті:«Көркем әдебиет»
Тақырыбы: «Ертегілер еліндегі шалқан»
Мақсаты: Балаларға ертегілер туралы көркем мағлұмат бере отырып диалогты сөйлеуін,әлеуметтік құзыреттілігін қалыптастыру.
Білімділік: Балаларды ертегі мазмұнымен таныстыру,әртүрлі тапсырмалар орындату, жұмбақ жасыру,бейне тақта арқылы ертегі желісі туралы білімдерін бекіту.
Дамытушылық:Ақыл-ой,ес,зейін қабілеттерін,диалогты сөйлеу мәдениетін,сөздік қорын дамыту.
Тәрбиелік: Адамгершілікке,еңбек сүйгіштікке, ұйымшылдыққа тәрбиелеу.
Көрнекіліктер:Шалқан ертегісінің макеттері(Ертегі кейіпкерлері бетпердесі, талдар, сиқырлы қорапша,бейне тақта,түрлі фишкалар, шартақ макеті,табиғи гүлдер, лазер.)
Әдіс-тәсілдер: Сөздік әдіс, көрнекілік көрсету, дамыта оқыту әдісі.
Сабақ барысы: Балалар қараңдаршы біздер ғажайып ертегілер еліне келдік, бізден бұрын мұнда апайлар да келіп қалған екен қош келдіңіздер біздің ғажайып ертегілер еліне,қане балалар амандасайық.
Балалар:Сәлеметсіздер ме?
Тәрбиеші: Балалар ертегілер елі қандай әдемі,мұнда бәрі бар екен, бізде күн салқын болғанмен бұл жерде жылырақ екен бірақ мұндада жапырақтар сарғайып түсіп қалыпты жапырақтар сарғайса , күн салқындаса қандай мезгіл болғаны?
Балалар: Күз.
Тәрбиеші: Дұрыс айтасыңдар ертегілер елінде де күз мезгілі екен қане олай болса біз тоңбау үшін бір-бірімізбен жүрек жылуын бөлісейік.
Жүрек жылуы:
Күндей жадырап
Айдай арайлап
Жұлдыздай жарқырап
Судай таза көңілмен
Ертегілер елінде
Татумыз,доспыз бәріміз
Жылынсыншы жанымыз.
(дыбыс) Сиқырлы қорап табылады.
Тәрбиеші:Балалар қараңдаршы мына әдемі қорапты, ішінде не бар екенін білгілерің келеме? (ой толғау) Балалар жауабы.
Ой балалар мына қорап ашылмай жатыр кім маған күз туралы тақпақ айтып береді мүмкін сол кезде ашылар.
Балалар тақпағы.
Тәрбиеші:Жарайсыңдар. Мұнда ертекші атайдың сендерге арнаған тапсырмалары мен сыйлығы бар екен (ертегілерден үзінді суреттер,түсті суретті фишкалар) Сұрақ-жауап әңгіме. Кім тапсырмаларды жақсы орындап, сұрақтарға жақсы жауап берсе сол балаларға фишка беремін
-Мына суретте қай ертегі бейнеленген?
-Бұл ертегіде қандай кейіпкерлер бар? Т.т
Сергіту жаттығуы:
Тәрбиеші: Қане балалар осы ертегілер ішінен «Шалқан» орыс халқының ертегісін рөлдерге бөліп ойнайық.( Шалқанға сыйпаттама беріп кету.) Алдымен шалқан ертегісін бейне тақта арқылы есімізге түсірейік.
Балалар кейіпкерлерге бөлініп шалқан ертегісін сахналайды.
Бейне тақта тапсырмаларын орындау.
(Әр тапсырма орындалған сайын асты ашылып отырады бәрі ашылған соң астынан шалқан суреті шығады)
–Ертегідегі шалқанды кім екті?
1.Ата
2.Әже
-Немересі көмекке нені шақырды?
1.Мысық
2.Ит
3Тышқан
-Шалқан ертегісіндегі ең соңғы көмекке келген кім?
1.Қыз
2.Мысық
3.Тышқан
-Шалқан көкөніс пе жеміс пе?
(тапсырмалар астынан шалқан суреті шықты)
Тәрбиеші: Балалар ненің суреті шықты? Дұрыс айтасыңдар бүгінгі біздің ертегіміз орыс халқының ертегісі «Шалқан» деп аталады екен.Олай болса біз шалқанды өзіміздің ертегілер топтамасына қосып қоялық.
Бейне таспа жұмбағын шешу. Жұмбақ шешуі шалқан ертегісінің бір кейіпкері екен.
Тікірейіп құлағы
Менен бұрын тұрады
Бойын жазып керіліп
Беті қолын жуады.
(мысық)
Қортынды.
Балаларды мадақтау,жинаған фишкаларын санатқызу.Бағалау.
-Сендерге ертегілер еліндегі саяхат ұнады ма, олай болса бізге ғажайып ертегілер елі сендер ертегіні жақсы ойнап шыққандарың үшін және тапсырмаларды жақсы орындағандарың үшін ата сендерге арнап өзінің бақшсынан алма жемісін алып келіпті. Балалар рахмет айтып,қоштасады!
