«Бұл қай кезде болады?»
Оқу материалы «Бұл қай кезде болады?» тақырыбында ұйымдастырылған оқу қызметін ұсынады, мұнда тәрбиешілер мен балалардың өзара әрекеттестігі негізінде жыл мезгілдерінің ерекшеліктері мен табиғат құбылыстары туралы айтылған. Бұл әдістемелік материал оқытудың тиімді әдіс-тәсілдерін қамтиды, соның ішінде түсіндіру, сұрақ-жауап, сергіту сәттерін жақсартуға арналған ойындар мен іс-әрекеттер бар.
Балалардың жыл мезгілдері туралы білімдерін тереңдетуге арналған түрлі әдіс-тәсілдер ұсынылған. Тәрбиешілер балаларды төрт мезгілдің ерекшеліктерімен және қауіптіліктерімен таныстыра отырып, оларға табиғатқа деген сүйіспеншілікті алғашқы қадамдардан қалыптастыруға көмектеседі. Оқу іс-әрекетінің құрылымы балалардың қызығушылығын оятуға, оларды белсенділікке ынталандыруға бағытталған.
Әр кезеңде балалармен бірлесіп ойнай отырып, оларды жыл мезгілдеріндегі құбылыстарды салыстыруға үйрету, тақырыпқа байланысты жұмбақтар шешуге, сергіту сәттерінде көңіл-күйді көтеруге мүмкіндік береді. Сабақтың мақсаты - балаларға жылдың төрт мезгіліндегі ерекшеліктерді, әр мезгілдің табиғатта болып жатқан өзгерістерін, құбылыстарын таныстыру.
Мұндай оқу іс-әрекеттерінің соңында балалар табиғатты қорғауға, қоршаған ортаға әлеуметтік жауапкершілікпен қарауды үйренеді. Барлығы балалар қоршаған ортаға деген сүйіспеншіліктерін арттырып, табиғатты аялауды, қорғауды меңгереді, әрі олар жыл мезгілдеріндегі табиғат құбылыстарының ерекшеліктерін жақсы түсініп, қызығушылықпен зерттейді.
Білім саласы: Коммуникация
Ұйымдастырылған оқу қызметі: Көркем әдебиет
Тақырыбы: «Бұл қай кезде болады?»
Мақсаты: а)Жылдың төрт мезгіліндегі құбылыстарды салыстыру және айыра білу.
ә)Қоршаған ортаға деген сүйіспеншіліктерін арттыру.
б)Табиғатты қорғауға тәрбиелеу.
Әдіс-тәсілі: Түсіндіру, Сұрақ-жауап, Сергіту сәті. Дәптермен жұмыс. Ойын: «Жер, су, ауа».
Көрнекі құралдар: Жұмыс дәптері. Жыл мегілдерінің суреттері. Хрестоматия.
Оқу іс-әрекет кезеңдері
Тәрбиешінің іс-әрекеті
Балалардың іс-әрекеті
Мотивациялық-
қозғаушылық
Шаттық шеңбері:
Амансың ба, алтын Күн!
Амансың ба, Жер –Ана!
Амансың ба, достарым!
Сендерді көрсем қуанам.
Балалар шеңбер бойымен тұрып орындайды.
Ұйымдастыру-
шылық
ізденістік
Кіріспе әңгіме
-Балалар, жылдың неше мезгілі бар?
-Қазір жылдың қай мезгілі?
-Күз айларын атаңдар?
-Ал, балалар, мен сендерге «Бұл қай кезде болады?» өлең-жұмбақты оқимын, сендер мазмұнын мұқият тыңдап, жауабын шешуге тырысыңдар.
«Бұл қай кезде болады?» өлеңін оқу.
1.Қар-мұз еріп,
Су көбейіп,
Бүршік шашып,
Жапырақ ашып
Бәйшешектер басады,
Айтыңдаршы, балалар,
Бұл қай кезде болады?
2.Күннің көзі шуақты,
Балалар жүр шомылып.
Көбелек қуып ойнайтын
Қай мезгіл деп ойлайсың?
3.Жапырақ сарғаяды,
Күн бұлттанады,
Жаңбыр жиі жауады,
Құстар жылы жаққа ұшады.
Айтыңдаршы, балалар,
Бұл қай кезде болады?
4.Шана зырғып желетін,
Шаңғы, коньки тебетін,
Аққала жасап ойнайтын,
Қай мезгіл деп ойлайсың?
Сұрақ-жауап:
-Өлең жолдарында не туралы айтылған?
-Сендерге қай мезгіл ұнайды?
Сергіту сәті:
Жаңбыр,жаңбыр жауасың,
Жанымызға дауасың.
Біз ойнайтын ауланың,
Тазартасың ауасын.
Жыл мезгілдерінде болатын табиғат құбылыстарына байланысты жұмбақтар жасыру.
1.Аспаннан домалап
Көп моншақ төгілді.
Бусанды бар алап,
Тірілді, керілді.
2.Қанаты жоқ, ұшады,
Аяғы жоқ, қашады.
3.Көлге жапқан қақпақ,
Сіресіп тұр, қатты-ақ.
Дәптермен жұмыс:
1.Әр жыл мезгілдің ерекшеліктерін сипатта.
2.Табиғат мезгілдерінің суретін сал.
-Төрт мезгіл бар.
-Күз мезгілі.
-Қыркүйек, қазан,қараша.
Өлеңмен танысу.
Балалар өлең шумақтарын мұқият тыңдайды.
-Көктемде
-Жаз
-Күзде
-Қыс
-Жыл мезгілдері туралы.
Балалар оз ойларын айтады.
Сергіту сәтін іс-қимылмен жасайды.
Жұмбақтың жауабын шешеді.
-Жаңбыр.
-Жел.
-мұз.
Балалар тапсырманы орындайды.
Рефлексиялық
түзетушілік
Қорытындылау.
Оқу іс-әрекетін «Жер, су, ауа» ойыны арқылы аяқтау.
Ойын ойнауға қызығушылық танытады.
Күтілетін нәтиже:
Біледі: жыл мезгілдерінің бір-бірінен айырмашылығын ажырата білу;
Игереді: жыл мезгілдерінің ерекшеліктерін;
Меңгерді: табиғатты аялауды.
