Лақтар мен боталарға арналған қоршаулар
Технологиялық картаның негізгі мақсаты - балаларға құрылыс материалдарын кеңістікте дұрыс орналастыруды, оның көлеміне, пішініне, түсіне қарай қоршаулар жасауды үйрету. Бұл жоба балаларға үй жануарлары туралы қарапайым түсініктер беріп, оларға қамқорлық жасауға тәрбиелейді.
Кішкентай балалар үшін ойын арқылы білім берудің тиімділігі зор. Педагогтың ұйымдастырған «Төлін таны» дидактикалық ойыны арқылы балалар үй жануарларының ұсақ ойыншықтары мен олардың дыбыстарын пайдаланып, лақтарды, боталарды саналы түрде меңгереді. Ойын барысында балалар үшін мейірімділік, қамқорлық пен жауапкершілікті қалыптастырудың қолайлы жағдайлары жасалады.
Сабақтың барысында педагог үлгі суреттерді көрсетіп, қоршаулардың ерекшеліктеріне назар аударатын болады. Негізгі міндет - балалардан лақтың қоршауын жасау үшін кірпіштерді қалай пайдаланатынын сұрау және олардың ойлау қабілетін дамыту. Нәтижесінде, балалар құрылыс материалдарын пайдалануда мақсатқа сәйкес орындалуын қамтамасыз етеді.
Осы арқылы балалар өздері қолдарына алған төлдеріне қоршаулар жасап, оларды қалай пайдалануды үйренеді. Жобаның рефлексиялық-түзетушілік кезеңінде балалар жасаған жұмыстарын бақылап, қорғау материалдарының қалай пайдаланылдығы туралы пікірлерін тыңдайды.
Сабақтың соңында, балалар өздерінің жасаған қоршаулары мен төлдері жайында әңгімелеп, алған білімдерін практикада көрсетіп, «биік» және «аласа» ұғымдарын меңгереді. Осы арқылы балалардың қызығушылығы мен шығармашылығы артып, оларды болашақта құрылыс ісіне қызықтыратын сөзсіз.
Технологиялық карта
Тақырыбы: Лақтар мен боталарға арналған қоршаулар.
Білім беру саласы: Шығармашылық.Таным.
Мақсаты: құрылыс материалдарын кеңістікте дұрыс орналастыруға және оның көлеміне, пішініне, түсіне қарай қоршаулар жасай алуға дағдыландыру, үй жануарлары туралы қарапайым түсініктер беру және оларға қамқорлық жасай білуге тәрбиелеу.
Қажетті құрал-жабдықтар: құрылыс материалдары және үлгі көрнекіліктер, үй жануарларының ұсақ ойыншықтары.
Әдіс-тәсілдер: түсіндіру, көрсету, әңгімелесу, сұрақ-жауаптар.
Сөздік жұмыс: лақ, бота, қозы, құлын, бұзау, қоршау.
Педагогтің іс-әрекеті
Балалардың іс-әрекеті
Мотивациялық қозғаушылық
Педагог үй жануарларының ұсақ ойыншықтарымен «Төлін таны» дидактикалық ойынын ұйымдастырады. Қозы, лақ, құлыншақ, бота, бұзау туралы балалар ажыратып айтып берулерін сұрайды. Үнтаспадан олардың дыбыстарын тыңдайды. Осылайша ойын жалғасып, ойын соңында лақ пен ботаны екі шетіне шығарып қояды, енді біз лаққа бөлек, ботаға бөлек тұратын қоршаулар жасап берейік деп өтініш білдіреді.
Балаларға педагог сиырды көрсеткенде балалар бұзауды оның қасына әкеліп қояды,түйені көрсеткенде ботаны, ешкіні көрсеткенде лақты т.б.
Ұйымдастыру-шылық-ізденістік
Педагог үлгідегі суретті көрсетіп, қоршаулардың ерекшелігіне назар аударады. Қайсысы үлкен, қайсысы биік болатыны алдын ала ойланып алынады. Әр баланың алдына ұсақ ойыншықтар таратылады, лақ алған бала лаққа қоршау жасаса, ботаны алған балалар ботақанға қоршау жасайды. Лақтың қоршауын жасау үшін кірпіштер көлденеңінен пайдаланылады, ботаға қоршау жасау үшін кірпішер тігінен пайдаланылады. Не себептен? Балаларға ойлануға мүмкіндік береді. Құрылыс материалдарын дұрыс пайдалануға бағыт береді, көмектеседі, басшылық жасайды. Балалардың іс-әрекетке қызығушылығын арттырып ойын ойнауға бағыттайды.
Балалар өздері таңдап алған төлдеріне қоршаулар жасайды, үлгіге қарай отырып, кірпіштерді дұрыс
орналастыруға әрекет етеді. Лақтың қоршауы аласа, ботаның қоршауы биік екеніне көңіл бөледі. Қоршаудың есігін ашып-жабатын етіп, жасап көреді. «Оларға шөп немесе су бересіңдер ме? - деп балаларға ой тастайды. Төлдер қалай дыбыстайтынын айтады.
Рефлексиялық-түзетушілік
Балалардың жасаған қоршауларын педагог қарай отырып, олардың құрылыс материалдарын қалай пайдаланғанына мән береді, жақсы жасалған қоршаулар мадақталады.
Өздерінің жасаған қоршаулары және төлдері туралы айтып береді.
Күтілетін нәтиже:
біледі: құрылыс материалдарының түсін, көлемін, пішінін ажырата алуды, үй жануарларының төлдері жайында ұғымдарды;
игереді: «биік», «аласа» ұғымдарын және оны іс-әрекет барысында көрсете алуды;
меңгереді: құрылыс материалдарымен жұмыс жасауда оны көлеміне, пішініне сәйкес кеңістікте дұрыс орналастыруды
