Туысқанбыз бәріміз! – Анамыздың тілімен байланысымызды нығайту
«Туысқанбыз бәріміз!» атты мерекелік іс-шара балабақшада балалардың ана тіліне деген сүйіспеншілігін арттыру мақсатында ұйымдастырылды. Біздің мақсатымыз балаларды өз ана тілінің қасиеттерін танып, шынайы көркемдігін сезінуге баулу. Тіл – ақыл мен білімнің кілті, сондықтан біз балалардың тіл байлығын ойын арқылы дамытуға ықпал етуді көздеген жобаларды өткізудеміз.
Мереке барысында балабақша сәнді ленталар мен шарлармен безендіріліп, балалар әдемі костюм киініп, музыка залына күлімсіреп кірді. Біздің басты мақтанышымыз – балалардың «Шар шашу» атты қызықты атракционды орындауы. Бұл балалардың шапшаңдығын, ұйымшылдығын дамытуға бағытталған ойын, әрі шығармашылық қабілеттерін көрсету үшін тамаша мүмкіндік.
Мереке барысында жүргізушіміз балаларға тілдің құдіреті мен маңызын насихаттай отырып, тілді құрметтеу мен білу туралы өлең жолдарын тыңдатты. Әртүрлі бай шығармаларын жадқа тұтқан бүлдіршіндеріміздің өнері, оларды ынталандырып, өз тіліне деген сүйіспеншілікті тереңдетуге көмектесті.
Ана тіліндегі мақал-мәтелдер мен нақыл сөздер арқылы балалар тілі мен мәдениетінің байлығын сезініп, ұлттық құндылықтарды танып білді. Әр бала өз елінің тілімен мақтануға, еліміздің тарихын сыйлауға, ана тілін, ұлттық дәстүрлерді құрметтеуге тәрбиеленді.
Мерекенің соңында балалар ұлттық ойындарға белсене қатысып, музыкалық нөмірлер мен тақпақтарды орындап, көңілді музыкамен бірге жеңіл би билеп, көңіл-күйін көтерді. Тіл – меншікті жаны, меншікті мәдениет, ал біздің міндетіміз – балаларды оны бағалауға үйрету.
Туысқанбыз бәріміз!
Мақсаты:
Балаларды өз ана тілінің қасиетін біліп, көркемдігін сезініп, адам өміріндегі маңызын үйрету
Тіл байлықтарын, ойын арқылы дүниетанымын дамыту.
Ана тіліне деген сүйіспеншіліктерін арттыру
Көрнекілігі: нақыл сөздер, мақал-мәтел.
Барысы:
Балалар әдемі костюм киінген. Балабақша іші мерекеге сай, сәнді ленталар мен шарлар мен безендірілген. Музыка әуенімен балалар музыка залына кіреді.
Атракцион: «Шар шашу» (Тәрбиеші төбеге ілінген шарды шашады)
Жүргізуші: О, балалар бізде үлкен мереке болатын сяқты, недеген әдемі бүлдіршіндер, недеген әдемі зал. Бүгін балалар бізде ұлы тіл мерекесі болады. Мерекелеріңіз құтты болсын!
Ойын: «Кім жылдам»
Мақсаты: шашылған шарды жинастырып, шапшаңдыққа тәрбиелеу
(балалар әдемі безендірілген орындықтарға жайғасады)
Жүргізуші:
Тілім барда мен мәңгілік мақтанам,
Тілімменен қуанамын шаттанам.
Ілім-білім, өнер-ғылым, бәрін де,
Қасиетті тілімменен жаттағам.
дей келе бүлдіршіндеріміз мерейлі тіл мерекесіне жаттаған өлең жолдарын тыңдай отырыңыздар.
1.Амина
Ақыл ойын-дананың,
Ана тілден аламын.
Ана тілім ардақты,
Ақ сүтіндей анамның.
2. Шыңғыс
Құндағында бесіктің,
Ана тілін үйрендім.
Сол арқылы бой жазып,
Азамат болып өсіппін.
3.Ажар
Ана тілің арың бұл,
Ұятың боп тұр беткей.
Өзге тілдің бәрін біл,
Өз тіліңді құрметте.
4.Мирас
Тіліміздің бұлағы,
Тірліктің ел жүрегі.
Ана тілін сүйемін,
Отан үшін күйемін.
5.Тілеуберді
Тілім менің тірегім,
Сен деп соғар жүрегім.
6.Анель
Өсірген ой білімді,
Сүйем туған тілімді,
Мақсат етем әр сөздің,
Мәнін терең білуге.
7.Диар
Біз балдырған кең басқан,
Дос құшағын кең ашқан.
Тілейміз біз бейбіт күн,
Ашық болсын кең аспан.
8.Нұрдана
Ана тілім тірегім,
Ана тілім жүрегім.
Қасиетті елімнің,
Тек өзің деп білемін.
Жүргізуші: Рахмет балалар! Тілін, дінін сүйетін азамат болыңдар. Ал енді ойынсыз көңіліміз көтерілмес. - Ойын ойнағыларың келе ме?
Ойын: «Ойыншығыңды тап»
Мақсаты: Балаларды таңдау жасап, ажыратуға үйрету.
(Ойын біткенде ертегі кейіпкерлеріне арналған әуен орындалады, залға кейіпкерлер кіреді)
Жүргізуші:
Балалар бүгін бізде Тіл мерекесі болатынын ертегі кейіпкерлері де біліпті.
Олар қай ертегінің кейіпкерлері?
Тауықтар сөйлесе алады ма?
Тіл деген не?
Тіл не үшін керек?
Біз қай мемлекетте тұрамыз?
Елбасымыз кім?
Қай ұлтпыз?
Қай тілде сөйлейміз?
Жақсы, олай болса қазақ тілімізді дәріптейтін мақал-мәтелге кезек келді.
Айхан
Өнер алды қызыл тіл
Ернұр
Тіл тас жарады, тас жармаса бас жарады
Жүргізуші:
Туған тілім мағыналы мәнді де,
Тілім менен жасай берем мәңгіге.
Ақыл сөзің, нақыл сөзің қазынам,
Шығарамын туған тілмен әнді де.
Ән: «Отан біздің әніміз»
Жүргізуші:
Тілің байтақ қазағым,
Тілің өткір қазағым.
Тілің дархан, тілің бай,
Тілде ұлттық салмағың.
Ұлттық ойын: «Қыз қуу»
Жүргізуші: Мерекеге дайындалар жан қалмай?
Өткізбейді би билемей, ән салмай.
Би: «Халық би»
«Балдәурен» балабақшасы
«Туысқанбыз
бәріміз!»
(мерекелік іс-шара)
«Балдырған» тобы
2013-2014 оқу жылы
