Публикации воспитателей детских садов
О проекте

Сценарий утренника ко Дню Великой Победы.

Джусибалиева Бибигуль Лесовна Джусибалиева Бибигуль Лесовна
DOCX
5
0
Предпросмотр




«Тексерілді»
Жаңаөзен қаласы әкімдігінің
11 «Балдырған балабақшасы»
жедел басқару құқығындағы
МКҚК – ның әдіскері
_____________С.Э.Бопылова





Ұлы Жеңіс мерекесіне орай өткізілген

ертеңгілінің сценарийі



Дайындаған: №12 «Гүлдер»
МАД тобының тәрбиешісі Джусибалиева Б.Л.






2016/2017 оқу жылы
Тақырыбы: «Жеңіс туы көк аспанда желбіре»


Мақсаты:
Білімділік:Балаларға Жеңіс күні туралы түсінік беру. Ұлы Отан соғысы жылдарында ерлік көрсеткен батырларымыздың асыл бейнесін ашу, кейінгі ұрпаққа үлгі өнеге ету. Балаларды адамгершілікке, Отанын сүюге, оны қорғауға баулу. Көру, есту, музыканы сезінуге үйрету
Дамытушылық: Би қимылдарын бірге жасауға, ырғақты сезінуге баулу, Отанға деген сүйіспеншілігін арттыру.
Тәрбиелік: Отанын, өз елін, жерін қастерлейтін саналы да парасатты азамат етіп тәрбиелеу.
Жүргізуші:Құрметті асқар таудай әкелер, арқа сүйер аталар және де біздің ұландар! Сіздерді келе жатқан  Ұлы Жеңістің 72 жылдықмерей тойымен және Отан қорғаушылар күнімен шын жүректенқұттықтаймыз! Баршаңызға мықты денсаулық, ұзақ өмір, отбасытарыңызға бақыт, бірлік, береке тілейміз. Тарих кеші үнемі жаңаланып отырады. Десе де ұмытылмайтын, ескірмейтін тарихи оқиғалар болады. Соның бірі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін батыр ағаларымыз бен апаларымыздың ерлігін ешкім де ешқашан да ұмытпақ емес. Әлемді дүр сілкіндірген оқиға 1941 жылы маусымның 22-де болған еді. Бірақ сол кездегі Кеңес елінің бірлігі мен достығының арқасында 1945 жылы 9 мамырда бұл оқиға Ұлы Жеңіспен аяқталды. Міне, содан бері 72 жыл мерзім уақыт өтті. Биыл Ұлы Жеңістің 72 жылдығы. Жеңіс күні 9-мамыр – бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам.
Жүргізуші:Аз емес зар жылаған, егілген жан,
Аз емес өшкен өмір, төгілген қан.
Кеудеге зілді қасірет салды соғыс.
Қирады талай арман көңілге алған
Ұлы Отан соғысына қатысқан: Бауыржан Момышұлы, Мәншүк Мәметова, Әлия Молдағұлова, Мәлік Ғабдуллин, Талғат Бигелдинов т.б.және де өз жерлестеріміз де бар. Ол кісілерге құрметпен бас иеміз. Ал осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, еске алайық. Жеңіс туын желбіретуде қан кешіп, кеудесін оққа тосқан боздақтарымызды бір сәт үнсіздікпен еске алайық.

(1 мин үнсіздік)
Жүргізуші: Жеңіс күні, Жеңіс жыры
Ас
қақтата шырқалсын.
Ардагерлер
 қалауы
М
әңгі өшпесін алауы.
Желбіресін же
ңімпаздар жалауы,-дей отырып осы Жеңіс күніне арнап біздің бүлдіршіндеріміздің тақпақтарын қабыл алыңыздар.
Мерей: Тоғызыншы мамырда,
Гүл қоям алау-қабырға!
Еске алып атамды.
Үн қосамын дабырға.

Аяжан: Барлық елдің бөбегі,
Бір-біріне туысқан.
Бәрімізге төгеді,
Өз шуағын күміс таң.

Аңсар: Жерден, көлден аспаннан
Соқты жауды ел күнде
Берлинде алғаш басталған
Бітті соғыс Берлинде

Аққу: Қуантамыз ән сап жұртты,
Келе берсін бақыт таңы
Жеңіс күні болсын құтты
Батырлардың ұрпақтары

Нұрлыхан:Үйлер де құламайды
Ешкім де жыламайды.
Бейбітшілік болса,
Балалар болады аман,
Аналар болады аман,
Бейбітшілік болса

Жүргізуші:Қия шыңға өрмелелеңдер,
Болашаққа батыл бар.
Жеңіс деген өрен ерлер
Мәңгі өлмейтін батырлар.
Әсем әндей, қоныр күйдей,
Жылдан - жылға жаңғырып.
Жаса, Жеңіс – ел ерлігі
Сен жасай бер мәңгілік!- деп кезекті «Жеңіс тойын тойлаймыз» әніне берейік.

Ән: «Жеңіс тойын тойлаймыз»
Жүргізуші: Ата-анасынан ерте айрылған Мәншүк жастық шағын да тәрк етті. Ел үшін қан төгіп, жан беріп жатқан отандастарына қалай да өз жәрдемін бергісі келген ниетпен, 1942 жылдың тамыз айында «Қызыл армия» қатарына алынды.1943 жылдың 15 қазанында Псков облысындағы Невель қаласын босату үшін Изоча станция-сындағы 173,7 биіктігінде қантөгіс соғыс болды. Сол күні Мәншүк жан серігі - пулеметімен дамылсыз оқ атып, ерен ерлік көрсетті. Жауыз жаудың Мәншүкке қарсы атқан оғы оның ажал оғы болып, өрімдей қызды қыршыннан қиып түсті.
Уәзипа: Жаумен жалғыз алысты,
Түбінде Мәншүк соғыстың
Бермеді қолдан намысты,
Жүректі қызы қазақтың.
Мәншүк апай батыр қыз
Ардақтаймыз атын біз.
Ұқсап Мәншүк апайға,
Өсіп келе жатырмыз.

Жүргізуші:1942 жылы Әлия өз еркімен майданға аттанып, мергендер мектебін үздік бітірді. 1943 жылдан бастап, 54-ші арнайы атқыштар бригадасы 4-батальонының снайпері болған (22-ші әскер, 2-ші Балтық жағалауы фронты). Жау әскерінің 30-дан аса сарбазы мен офицерінің көзін жойған. 1944 жылы 14 қаңтарда Псков облысының солтүстігіндегі Новосокольники ауданында қаза тапты.
Айкөркем:Әлияны бұл күнде,
Барлық бала біледі
Әлия апа көңілде
Әпкеміз деп жүреді.

Дінмұхамед:Жер мен көктің арасын,
Шарпығанда қалың өрт.
Әлия орыс қаласын,
Азат етіп, болды мерт!
Ол жеңісті көрген жоқ,
Келді кейін азат күн.
Бірақ мәңгі өлген жоқ,
Батыр қызы қазақтың!

Жүргізуші:Соғыс жылдары-ақ қазақстандық бес әскери құрамға гвардиялық деген құрметті атақ беріліп, олардың туларына әлденеше ордендер қадалды.Олардың жауынгерлерінің ерлігі аңызға айналды. Соның ішінде атақты 28 гвардиялық Панфилов дивизиясы бар. Оның құрамынан шыққан 28 батырдың батальон, кейіннен дивизия әскери қолбасшысы болған Бауыржан Момышұлының, Мәлік Ғабдулиннің есімдері соғыс тарихынан мәңгілік орын алады. Осы батырларымыз туралы балалардың тақпақтарын қабыл алыңыздар.

Қадырхан:Тастар көкке атылды,
Орман шулап, тау құлап…
Жиырма сегіз батырды
Жеңе алмады жау бірақ…
Жамылды жер тұманды,
Өрт ішінде қалды бақ.
Жиырма сегіз қыранды
Жеңе алмады жау бірақ.

Д.Рамазан:Оқ астында зулаған
Туған жермен бір болып.
Жау алдында тұрды олар,
Жиырма сегіз мың болып.
Жау жеңілді ақыры,
Атты бейбіт таң күліп.
Жиырма сегіз батырды
Ұмытпайды ел мәңгілік.

Жүргізуші:Жүрекке адалдықтың ескен гүлін
Ғажайып келешектің төккен үнін
Ардақты ағаларға шын көңілден
Жолдаймыз алғыс пенен сәлем бүгін,- дей отырып, балалардың орындауында «Мен болашақ ұланмын» әнін қабыл алыңыздар.

Ән: «Мен болашақ ұланмын»
Жүргізуші:Аспанда күн жарқырап күліп тұрды,
Бейбіт өмір шаттығы тұнып тұрды.
Соғыстан соңғы сәби күлкісімен
Қара күндер қайғысын ұмыттырды, - дей отырып, кезекті балалардың орындауындағы тақпақтарға берейік.

Жұбаныш:Бақыт сыйлап жатады әр күн
Санамызға жарық берген
Әкелері аталардың
Бұл Жеңісті алып келген.

Қалқаман: Әркімнің есінде
Сұрапыл сол жылдар.
Жетімді, жесірді
Шарпыған сонда ызғар.


Ғалымжан:Көрдік, сіздерді жайдық құшақ,
Елестетіп жанын қиған құрбандарға.
Қарсы аламыз үлгі тұтып,
Майданды көрген, бізге өмір берген аталарды!

Нұр: Жеңіс деген жақсылықтың сыңары,
Жігерленген құштарлықтың құралы.
Күрескердің арманы мен ұраны,
Қуаныш пен мерекенің бұлағы.
Құтты болсын жеңіс күні ағайын
Көптен күткен ұлы күнде жар салайын.
Ата - бабам қан берісіп шайқасқан,
Ата - бабам намыс бермей айқасқан

Сабыржан:Жеңіс күнін қарсалайық бәріміз.
Жеңіс күнін тойлайық жас кәріміз.
Осындай бір бейбіт өмір сыйлаған
Ардагерлер, ағаларға мың алғыс.
Барша халық жеңіс күнін тойлайды,
Жас сәбилер думандатып ойнайды.
Ардагерлер көздеріне жас алып,
Ұрпақтардың амандығын ойлайды.

Жүргізуші:Теңіздей тебірентіп көл бетінде,
Бишілер билеп берер тербетіле.
Аққудай қалықтаған теңіздегі
Бишілер өнерлерін көрсетеді,

Би: «Теңізшілер»
Жүргізуші:Болдырмауға соғысты
Тойлаймыз біз жеңісті.
Қалалар келіп қалпына
Құлпыра түсті жер үсті,-дей келе тағы да кезекті жеңіс туралы тақпақтарға берейік.

Зұлқарнай:Ойлап-ойлап тұрдым көп
Сауал бердім білгім кеп:

-
Қуанышты мереке -
Жеңіс күні қай күн? - деп.
Атамнан да сұрадым,
Көкемнен де сұрадым.
Ағамнан да сұрадым,
Апамнан да сұрадым.
Тосты бәрі құлағын:
-
Дұрыс, - десті, - сұрағың!
Бейбіт күні бәрі де-
Жеңіс күні, шырағым!

Райымбек:Жеңіс туы желбіреген кездерде,
Қуаныштың жасы үйірілген көздерге.
Отан үшін отқа түскен аянбай
Батырлықтың рухы мұра біздерге.
Ұлы Жеңіс тарихта да жырланған,
Тебіренер еске алса әр халық.

Шәмші: Жеңіс деген – жақсылықтың сыңары,
Жігер менен құштарлықтың құралы.
Күрескердің арманы мен ұраны,
Қуаныш пен мерекенің бұлағы.

Нұртас: Арылтып жаудан жерімді
Табанға жаншып өлімді.
Жеңіспен желпіп өмірді
 
Оралды ерлер көңілді.
Десеңдер бұл қай күні
9 –шы Май күні.

А.Рамазан:Атам Отан қорғаған 
Онда қорқақ болмаған.
Алтын жұлдыз кеуде де,
Нағыз батыр ол маған!

Жүргізуші:Барша халық жеңіс күнін тойлайды,
Жас сәбилер думандатып ойнайды.
Ардагерлер көздеріне жас алып,
Ұрпақтардың амандығын ойлайды.
Соғыс бітті … Ауыр да азапты жылдар артта қалды, біздің еліміз бейбітшілікті сүйеді. Ананы – баладан, баланы – анадан айырған сұм соғысқа жол жоқ …
Ешкім де, еш нәрсе де ұмытылмайды!-деп кезекті балалардың орындауында «Көк орамал» биіне береміз.

Би: «Көк орамал»
Жүргізуші:Тыныштық,
Жаса тыныштық
Осы сөз бізге тым ыстық
Көркейе берсін еліміз
Көркейе берсін ырыс – құт! –деп мерекемізді балалардың тақпақтарымен жалғастырамыз.

Алихан: Бейбітшілік болса,
Туған жер құлпырады.
Үйлер де құламайды,
Ешкім де жыламайды.
Соғыс өртін көзбен көрген,
Отан үшін жанын берген.
Мақтанышымыз ардагерім,
Жеңіс туын желбіреткен.

Бексұлтан:Қалды арта қан төгіс,
Қиындық кешу де
Бірақ та сұм соғыс
Әркімнің есінде.
Жас ұрпақ тілегі,
Бейбіт күн асқары.
Ашық боп тұрсын де,
Әлемнің аспаны!

Ханна: Батыр бопты бабамыз,
Біздер, әлі баламыз,
Күзетте тұр тұрағы
Әскердегі ағамыз.
Одан үлгі аламыз
Бізде сондай боламыз.

Жүргізуші:Жүрекке адалдықтың ескен гүлін
Ғажайып келешектің төккен үнін
Ардақты ағаларға шын көңілден
Жолдаймыз алғыс пенен сәлем бүгін, - дей отырып, балалардың орындауында «Қазақстан туған ел» әнін қабыл алыңыздар.

Ән: «Қазақстан – туған ел»
Жүргізуші:Жасасын Жеңіс!
Бақытты елім күле бер!
Тәуелсіз болып болашағына жүре бер!
Болмасын соғыс!
Болмасын соғыс!
Болмасын!
Осы тілекпен барша халайық түрегел!- дей отырып осымен Ұлы жеңіс мерекесіне арнаған «Жеңіс туы көк аспанда желбіре!» атты ертеңгілігіміз аяқталды. Жеңістен жеңіске жетіп жүре беріңіздер! Жеңіс туымыз көк аспанымызда желбірей берсін!