«Әкем, анам және мен» - Отбасылық спорттық сайыс
«Әкем, анам және мен» атты отбасылық спорттық сайыс - балалар мен ата-аналардың бірігіп қатысатын, спорттық шеберлікті арттырып, отбасы ынтымағын нығайтуды мақсат еткен қызықты шара. Бұл іс-шара, жаттығу мен ойындар арқылы, балалардың дене бітімінің дұрыс қалыптасуына, жылдамдық пен шапшаңдықты дамытуға бағытталған. Ата-аналардың белсенді қатысуы, балалармен бірге спортпен шұғылдану арқылы, олардың арасында өзара байланысты нығайтады, әрі салауатты өмір салтын насихаттайды.
Сайыс барысында балалар мен ата-аналар спорттың әртүрлі түрлерімен танысады, ептілік пен спорттық қызығушылығын дамытуға мүмкіндік алады. Мектеп спорт залында өтетін бұл сайыс, спорттық ойындар арқылы отбасы мүшелерінің бір-бірімен жүйелі түрде әрекет етуіне, тығыз қарым-қатынас орнатуына ықпал етеді. Отбасы командалары арасында бәсекелестік ортасын қалыптастыра отырып, жеңіс жолындағы құлшыныс пен ынтымақтастықты арттырады.
Сайыс бағдарламасы әртүрлі эстафеталардан, көңілді ойындардан тұрады. Әрбір бөлімнен кейін әділқазылар алқасы қатысушылардың өнерін бағалайды, жеңімпаздарды анықтап, оларды марапаттайды. Осылайша, әтнографиялық отбасылық спорттық сайыс, балаларға ғана емес, сонымен қатар ата-аналарға да спорттың маңызды екенін түсіндіреді. Сондықтан, «Әкем, анам және мен» сайысы - жас ұрпақтың салауатты әрі белсенді өмір сүруіне түрткі болатын тамаша жоба.
«Әкем,анам және мен»
(отбасылық спорттық сайыс)
Сауықтыру шарасына байланысты өткізілетін отбасылық, спорттық сайыстың мақсаты: Балалардың дене бітімі дұрыс жетілуі үшін және спорттық дене шынықтырудың маңызын түсіндіру, қызығушылықты арттыру, салауатты өмір салтын қалыптастыру арқылы ептілікке, жылдамдыққа, шапшаңдыққа тәрбиелеу. Ата - анамен тығыз қарым - қатынаста болып, балабақша мен ата - ана арасындағы байланысты жақсарту. Спортқа деген қызығушылығын арттыру. Балалар арасындағы ынтымақтастыққа өзара бірлесе қимыл жасауды дамыту.
Оқушылар мен ата-аналарға спорттық ойындарды орындата отырып спортқа деген қызығушылықтарын арттыру.Салауатты өмір сүруге тәрбиелеу.
Түрі: Эстафеталық ойын
Өтілетін орны: Мектеп спорт залы
Көрнекілігі: секіртпе, доп, кегли.
Барысы:
І.Ұйымдастыру кезеңі
Шынықсаң шымыр боласың,
Сауығып айдай толасың.
Спортты серік ете біл,
Жақсы азамат боласың.
Жеңімпаз болу оңай ма,
Арман болған талайға?
Болмасаң да ұқсап бақ,
Жарысқа түсіп қалайда.
ІІ.Негізгі бөлім
Құрметті мұғалімдер және ата-аналар, оқушылар бүгінгі «Әкем, анам және мен» отбасылық сайысымызға қош келдіңіздер! Көңілді жарысқа даярлық сынып оқушылары мен ата-аналарымыз қатысады. Жарысқа қатысатындарды шақырамыз,
Әр таңды бақытпенен атырамыз.
Өнерді ой көгінде бақылаңыз,
Сайысқа қатысуға енді ортаға
Белсенді отбасыларды шақырамыз.
(әр отбасы орындарына келіп тұрады)
Ал,құрметті халайық!
Жарысты енді көріңдер
Әділ қазы алқасы
Әділ баға беріңдер!
Сайысты бастамас бұрын,сайысымызға әділ баға беретін әділқазылар алқасымен таныстырайық.
1. Ата – аналар комитетінің төрайымы : Аманбаева Н.
2. Директордың тәрбие ісі жөніндегі орынбасары: Рымгүл Қабылхановна
3. Даярлық топ тәрбиешісі: Искакова Аида Асылхановна
Сайыстың бағдарламасында
Отбасылар | Таныстыру | Көпсайыс | Навигатор | Сурет салу |
Мейрамбекова Маржанның отбасы | ||||
Еділ Алиханның отбасы | ||||
Қанатұлы Нартайдың отбасы | ||||
Жалпы: |
Әр кезеңнен кейін әділ қазылар өз бағаларын береді.
Құрметті сайыскерлер, сіздерге сәт сапар!
Сайысымызды бастаймыз.
І. Таныстыру. Өнер қуып отбасы өтер дейміз,
Бір басына өнері жетер дейміз.
Сайысқа келген топтар кезектесіп.
Таныстырып өздерін кетер дейміз.
Әр отбасы өз тобының атын, ұранын таныстырып өту.
ІІ. «Көпсайыс»
Ойын шарты: Ойынды аналары секіртпемен секіріп бастайды, межелі орынға жеткенде балалары да жүреден отыра қосаяқтап секіріп анасының қасына барады, ал әкелері өрмекші жүрісі бойынша ана мен баланың жанына барып, әке мен ана баласын айқастырылып ұсталған қолдарына отырғызып өз орнына кері оралу.
ІІІ.«Навигатор»
Шарты: Әкесінің көзін жауып қояды. Сосын арқасына бала мініп, кедергілердің арасымен, құлатпай жол көрсетіп отырады. Кім мәреге тез, кедергілерді құлатпай жетсе, жеңіс сол топтікі болып саналады
ІҮ. «Сурет салу».
Шарты: Екі аяқтың арасымен допты қысып алып, кедергілерді аралап құлатпай, мәреге жетуі тиіс. Мәреге жеткен соңотбасының әрбір мүшесі үйдің суретінің бір бөлшегін салу тиіс. Мыс: бірі үйдің төбесін, бірі терезесін, бірі есігін т. б. Кері қайтқанда кедергілердің арасымен жүгіріп қайтады.
Бұл ойынымыз қызықты, көңілді өтті.
Таңданайық, спортқа тамсанайық,
Бәріміз де қосылып, қол соғайық.
Шабыттансын, көңілдерің көтерілсін,
Сайыскерлерді мадақтап қол соғайық!
ІІІ. Қорытынды бөлім
Жарыс заңы ежелден-
Жеңімпазды анықтау
Жеңімпаз болу шарты сол-
Еңбектену,жалықпау
Біреу озса сайыста,
Біреу артта қалады
Жеңілгендер ренжімей
Тараса бізге жарады, -
демекші сайысымыздың шарттары бойынша қорытынды шығарып, жеңімпаздарды анықтап, марапаттау үшін сөз әділқазыларға беріледі.
Уа,халқым назар аудар денсаулыққа!
Өмірде бақыттысың денің сау да.
Денсаулық терең бақыт деген сөзді
Құр айтпаған ұлы Абай данамыз да, - демекші
- Міне, бүгін денсаулық кепілі спорттық отбасылық сайысымыз өз мәресіне жетті.
Бүгін алтын уақыттарыңызды қиып, отбасылық сайысқа қатысқандарыңыз үшін әрбір отбасыға алғысымызды білдіреміз! Жақсылықта, амандықта жүздескенше!!!
Сау болыңыздар!
Қазақстан Республикасының Білім және ғылым министрлігі
Шығыс Қазақстан облысы Семей қаласы
«№41 жалпы орта білім беретін мектеп» коммуналдық мемлекеттік мекемесі
Министерство образования и науки Республики Казахстан
Восточно – Казахстанская область город Семей
Коммунальное Государственное Учреждение «Средняя общеобразовательная школа №41»
Өткізген: «Айгөлек» шағын орталық топ
тәрбиешісі Шажибаева Б.Қ.
2016 – 2017 оқу жылы
