Туган тел – милли тәрбиянең нигезе
Туган тел, милләтебезнең рухи байлыгы, безнең тарихыбызны, гореф-гадәтләребезне, мәдәниятебезне чагылдыра. Ана теле аша тәрбияләнгән бала, үз халкының традицияләрен һәм мораль кануннарын аңлап, милләтенә чын күңелдән ихтирамлы була ала. Балалар бакчасында милли тәрбия бирү, иң әүвәл, балаларга республика, туган як турында мәгълүмат бирүдән башлана. Мәгълүмат алуда балаларны милли хисләр белән таныштырып, горурлану, соклану хисләрен тәрбияләргә кирәк. Бакчада мөһим урын алган эшчәнлекләр арасында, махсус рәвештә оештырылган шөгыльләр, халык тарихын өйрәнү, мәдәни байлык, язучылар һәм сәнгать кешеләре белән танышу тора.
Әдәби һәм мәдәни кыйммәтләрне күрсәтү өчен без төрле интерактив методлар кулланабыз. Кесә, китаплар, мультфильмнар, һәм аудио-видео язмалар балаларның кызыксынуын арттыра. Халык авыз иҗаты, шул исәптән бармак уеннары һәм халык әкиятләре, шөгыльләрдә киң кулланыла. Мәсәлән, бармак уеннары балаларның телләрен ачуда һәм сөйләмнәрен формалаштыруда уникаль урын тота, чөнки алар күңелле, интерактив һәм нәкъ үсеш өчен иң кулай шартлар тудыра.
Балалар белән «Сөмбелә» һәм «Нәүрүз» бәйрәмнәрен үткәрү, татар халкының йолалары, гореф-гадәтләре белән танышу, баланың иҗади сәләтен үстерә. Бу бәйрәмнәрдә балалар татар милли киемнәрендә чыгыш ясап, төрле уеннар уйныйлар, бу исә төркемдә уңай атмосфера тудыра. Без, шулай ук, халык авыз ижатының башка формаларын кулланып, балаларның фикерләү сәләтен, төсле образларны күзаллавын һәм дөньяны киңәйтүләрен стимуллаштыралар.
Туган телнең ихтыяҗын, аның матурлыгын һәм байлыгын аңлату өчен, шөгыльләребездә исемнәр һәм аларның мәгънәләре белән танышу да зур әһәмияткә ия. Без белем алучы балаларның шәхес буларак формалашуында ярдәм итәргә тырышабыз, һәм һәр балага үз исеме белән горурланырга кирәклеген төшендерәбез.
