Құстар біздің досымыз: Торғаймен танысу
Егер сіз балалардың табиғатқа деген қызығушылығын оятқыңыз келсе, «Құстар біздің досымыз» атты оқу материалы - тамаша мүмкіндік. Бұл материалда балаларға дала құстары, тіпті торғай туралы толық әрі қызықты ақпарат беріліп, олардың экологиялық маңызын түсіндіреді. Жаңа тақырыпты зерделеу барысында, балалар суреттермен жұмыс істеп, дыбыстарды тыңдайды, сондай-ақ, өздерінің шығармашылық қабілетін дамытады.
Оқу процесінде педагогтың рөлі зор. Ол балаларға торғайдың ерекшеліктері мен оның экосистемаға тигізетін әсері туралы түсінік беріп, құстарға қамқорлық көрсету қажеттілігін насихаттайды. Топтық жұмыс арқылы балалар арасында ынтымақтастық орнап, бір-бірлеріне көмек көрсету дағдылары дамиды. Педагог оқу материалын қолжетімді әрі түсінікті етіп көрсету үшін түрлі әдіс-тәсілдерді қолданады.
Балалардың белсенділігі мен қызығушылығы әрбір кезеңде артып, өтетін сабақтар қызықты әрі өнімді болады. Сабақ барысында берілген ақпараттар балалардың естерінде ұзақ сақталады. Бұл материалды пайдалану арқылы балалар тек білім алып қана қоймай, сонымен қатар біздің достарымыз - құстар үшін қамқор болуды үйренеді.
Сондай-ақ, балалардың есту қабілетін дамыту үшін үнтаспа арқылы құстардың дауыстарын тыңдатып, оларға назар аудару ұсынылады. Бұл әдіс арқылы оқушылар құстарды тану мен олар туралы сұрақтарға жауап беру арқылы жаңа білім алады. Сонымен қатар, сергіту сәттері мен ойын элементтері оқу процесін қызықтырады, балалардың белсенділігін арттырады және үйрену атмосферасын құрады.
Қорыта келгенде, «Құстар біздің досымыз» оқу материалы - экологияны, табиғатты және құстарды қорғауды үйренудің тамаша тәсілі. Бала тәрбиесінде білім беру мен табиғатқа деген сүйіспеншілікті қалыптастыру үшін осы материалды қолдану ұсынылады.
. 05.12.2016 ж.
Білім беру саласы: «Таным»
Бөлімі: Экология
Тақырыбы: Құстар біздің досымыз «Торғай»
Мақсаты: балаларға дала құстары туралы түсінік беріп, оның ішінде торғаймен жақын таныстыру. Суреттер бойынша тілдік қорын жетілдіру, есте сақтау қабілетін дамыту. Құстарға қамқорлықпен қарауға, көмек бере білуге үйрету.
Көрнекіліктер: үнтаспа, құстардың суреті торғай, қарлығаш, қарға.
Әдіс- тәсілдері:көрсету, түсіндіру, сұрақ жауап, әңгімелесу, бақылау.
кезеңдері
Педагогтің іс- әрекеті
Балалардың іс- әрекеті
Мотивациялық
қозғаушылық
Шаттық шеңбер:
Бала, бала, балақан,
Қане қайсы алақан.
Саусақтарың әйбат,
Былай, былай ойнап.
Топ, топ басайық,
Жалаудан күн жасайық.
Балалар дөңгелене
шеңберге тұрып, шаттық шеңбердің сөзін қайталап, қимыл- қозғалыс жасайды.
Ұйымдастыру-шылық
ізденістік
Үнтаспа тыңдату.
Педагог үнтаспадан құстардың дауыстарын тыңдатады.
- Балалар сендердің ненің дауысын естіп тұрсыңдар?
- Бұл құстардың дауысы екен.
Суретпен жұмыс.
Біз құстарды екі топқа бөлеміз.
- Суретте қандай құстар бейнеленген?
- Торғай, қарға, қарлығаш – осылардың бәрін бір сөзбен құстар деп атаймыз.
- Кәне, бәріміз атайық.
- Иә, балалар, құстар – біздің досымыз. Құстардың адамдарға, табиғатқа пайдасы өте зор.
Құстар зиянкес жәндіктермен қоректенеді. Құстарға қандай қамқорлық жасаймыз?
Құстардың жылы жаққа ұшуы, көктемде қайтып келуі, ұя салуы, балапан басуы туралы айтып келіп, құстардың бірі – торғайға тоқталады:
- Торғай – кең далада тіршілік ететін әнші құс. Денесі сопақша, басы дөңгелек, тұмсығы үшбұрышты, қанаты ұзын, сұрғылт, боз түсті болып келеді.
Сергіту сәті
Торғай, торғай тоқылдақ
Жерден тары шоқып ап.
Бөтегесі бұлтиып,
Шиқ- шиқ етіп отырмақ.
Үлестірмелі материалмен жұмыс.
Торғайдың ұясын көрсету.
Тыйым сөздер.
Құстың ұясын бұзба.
Құсқа тас лақтырма.
«Ұшты-ұшты» ойыны.
Шарты: педагог: «Ұшты-ұшты», - деп, құстың атын айтса, балалар қолдарын жоғары көтереді, ал «ұшты-ұшты»-деп заттың аты айтса, балалар қолдарын көтермеуі тиіс.
Балалар үнтаспадан шыққан дауысты тыңдайды, қандай құстардың дауысы екенін айтады.
Дала құстары, үй құстары.
Балалар сурет бойынша айтады.
Ұя жасаймыз, су береміз, жем шашамыз.
Торғайдың суретіне қарап, оны көргендерін айтады.
Сергіту сәтінің қимыл қозғалысын жасайды.
Педагогпен бірге қайталайды.
Рефлексиялық-түзетушілік
Сұрақ жауап арқылы оқу іс әрекетін пысықтау.
Балалар жауап беруге тырысады.
Күтілетін нәтижелер:
Біледі: торғайды басқа құстардан ажырата біледі.
Түсінеді: құстардың пайдасы туралы мағлұматтарды игереді;
Игереді: құстарға қамқорлық жасау, пайдалы еңбек іс әрекеті дағдыларын меңгереді.
