Алабуга районы «Ләйсән» балалар бакчасы: Шигырь аша тәрбия
Алабуга районындагы «Ләйсән» исемле 35 нче катнаш төрдәге балалар бакчасы, балаларга мәктәпкәчә белем бирү буенча уникаль проекты белән горурлана. Бу учреждение, Муса Җәлилнең «Карак песи» шигыре аша, балалар арасында хөрмәт, әдәплелек һәм мәрхәмәтлелек тәрбияләүне максат итеп куя.
Проектның эчтәлеге балаларны кызыксындыра, аларның иҗади сәләтләрен үстерә. Укытучылар балалар белән бергә актив уеннар үткәрә, шигырьләр укый, шигырь аша тәрбия бирү методикаларын куллана. Шулай ук, балалар арасында дуслык хисен тәрбияләүгә һәм җәмгыятькә тернәкләнүгә ярдәм итә. Проект эчтәлегендә, балаларның актив катнашы белән уен структурасы һәм әхлак лекцияләре бар.
Балаларның хисси дөньясын байыту, аларның гражданлык җаваплылыгын үстерү, мәдәни-әхлакый кыйммәтләр белән таныштыру - проектның төп максатын тәшкил итә. «Ләйсән» бакчасы тәрбиячеләре һәр сабыйның уникальлеген хөрмәтләп, аларның талантларын ачуга юнәлдерелгән шәхси якын килүне тәэмин итә.
Проект барышында балалар Муса Җәлилнең иҗатына үтеп, шигырьләр ярдәмендә дуслыгына, ярдәмләшүгә һәм бер-берсенә хөрмәт итүгә өйрәнәләр. Бу процесс балаларның иҗади фикерләү сәләтен, эмоциональ интеллектын һәм иҗтимагый җаваплылыгын формалаштыра.
Алабуга районы “Ләйсән” исемле 35 нче катнаш
төрдәге балалар бакчасы муниципаль бюджет
мәктәпкәчә белем бирү учреждениясе
(Автор:татар теле тәрбиячесе Сәлимова Г.Ф.)
Алабуга
Ялкау песи
Максат: Муса Җәлилнең “Карак песи” шигыренә нигезләнеп язылган
әсәре аша, балаларда хөрмәт,әдәплелек,мәрхәмәтлелек тәрбияләү.
Катнашалар:Әби, Малай, Мияу, Акбай, 3 тычкан.
(Өй эче.Әби песине итәгенә куеп иркәләп,шигырь сөйләп утыра)
- Әби:Мияу, Мияу пескәем,
Бик акыллы дускаем.
Ап-ак йомшак күлмәгең..
Бизи сине дускаем.
(Малай белән Акбай керә.)
-Малай:Әби, әби.
-Әби:Нәрсә булды улым?
-Малай:Әби, Акбай белән уйнарга барыйк әле.
-Әби:Ярар улым, тик озак йөрмәгез.
-Малай:Рәхмәт әби.
Җыр “Маэмай”
-Малай:Минем бар бер, маэмаем
Кара борын Акбаем.
Күп йөгерә , күп өрә
Күп ишетә, күп күрә.
-Акбай:Һау, Һау.
-Малай:Акбай, Акбай әйдә киттек.
-Акбай:Һау, Һау, өйне кем саклар?
-Малай:Әби рөхсәт бирде, әйдә киттек.Өйне Мияу саклый.
(Малай белән Акбай чыгып китәләр)
-Әби:Мин дә идәнне себереп алыйм да, кибеткә барып кайтырмын.Тәмле-тәмле кәнфитләр, ипи, сөт алырмын.
(Әби тора да, идән себерә башлый,песи ятып кала, шул арада тычканнар йөгереп китә.)
-Әби:Тагын өйгә тычканнар кергән.Мияу, Мияу тор пескәем, тор тиз бул.
(Мияу әкрен генә тора.)
-Мияу:Мияу, мияу, нәрсә булды әбекәй?
-Әби:Тычканнар кергән, йоклап ятма, тор. Тычканнарны тот.
-Мияу:Ярар әбием, ярар тотармын.
-Әби:Мияу, мияу пескәем,
Колак салчы сүземә.
Каравылдан бушагач,
Сөт бирермен узеңә.
-Әби:Хәзер мин кибеткә барып кайтам, син өстәл өстендәге майларны тычканнардан сакла.
( Әби чыгып китә)
-Мияу:Ярар әбекәем, ярар.Әй тотсам шул тычканнарны, кирәкләрен бирер идем.
-1нче тычкан: Нишләтер идең?
-Мияу:Тотып ашыйм.
-2 нче тычкан:Тотсаң - ашарсың.Пи-пи-пи.
-3 нче тычкан:Син бит ялкау, гел йоклыйсың.
-Мияу:Хәзер мин сезнең кирәгегезне бирәм...
(Куышлы уйный башлыйлар, песи тычканнарны куа башлый)
-Мияу:Уф ардым, мин сезне тотып азапланганчы, өстәлдәге майны гына ашыйм да, йоклап алырмын.
-1 нче тычкан:Мияу, әйдә гел йоклап ятма инде, әз генә уйнап алыйк.
(Уен: Песи-тычкан уены)
-Мияу:Уф , ардым.Бүтән сезнең белән уйнамыйм.Минем ашыйсым килә.Мин ашап алам,аннары ятып йоклыйм.
(Мияу өстәлгә менә дә,майны ялый башлый, ялгыш кына сөтне түгә.Ашап алгач,йокларга ята.)
( Малай белән Акбай кайтып керәләр).
-Малай:Акбай кил әле ,кара, нәрсә булган монда?
-Акбай:Һау-Һау нәрсә булган бу өйдә?
-Малай:Песи өйдә тәртип бозган.
(Акбай сөтне ялый башлый.Ул арада әби кайтып керә.Песине уята.)
-Әби:Песекәем тор,тор,нәрсә булды монда?Мин бит сиңа тычканнарны тотарга , тәртип сакларга куштым.Ә син сүземне тынламадың.
(Песи киерелеп кенә тора)
-Әби: Мияу-мияу пескәем,
Хыянәтче икәнсең.
Саклый торган маеңны,
Үзең ашап киткәнсең.
-Мияу:Әби мин гаепле түгел, тычканнар котыртты,алар гаепле.
-1 нче тычкан:Мин түгел.
-2 нче тычкан:Мин түгел.
-3 нче тычкан:Мин дә түгел. Мияу үзе гаепле.
( Мияу әби янына барып баса, гаебен таный.)
-Мияу:Әби, мин гаепле, гафу ит.Бүтән алай эшләмәм,сүземдә торырмын!!!
-Әби:Без сине бу юлы гафу итәрбез, икенче юлы җәзасын бирербез.
Җыр” Дуслык”
