Астыққа бай-алтын күз – балалар мерекесі
«Астыққа бай-алтын күз» атты мерекелік ертеңгіліктің ерекшелігі – күздің байлығы мен сұлулықтарын балалардың көзқарасы арқылы көрсету. Зал күз мезгіліне сай безендірілген, әуен динамикасы арқылы балалар әдемі жүріспен кіріп, шараға атсалысады. Шараның барысында жүргізуші қонақтарды қарсы алып, егін тойын тойлап өтетінімізді хабарлайды.
Ертенгіліктің алғашқы бөлімі «Күз» әнімен басталады, балалар күздің берекесін өлеңмен бейнелейді. Күздің алтын, қызыл, сары жапырақтары, егіннің молшылығы жайында сөз қозғалады. Әуен бірден мерекенің көңіл-күйін көтереді. Осындай қызықты әрі тәрбиелік шарада балалардың тақпақ оқып, ортаны түрлі жұмбақтармен толықтырып, өнерлерін көрсететін сәттер ешқашан ұмытылмайды.
Мереке барысында Алтын күз кейіпкері ортаға шақырылады. Ол балаларға сәлем беріп, өзінің көңілді жүзін көрсетеді. Ойнап-күліп, жұмбақтар жасырады. Балалар Алтын күздің жұмбақтарын сол сәтте ләззат ала отырып шешуге тырысады. Шара соңында балалардың көрсеткен өнерлері, әндері, билері мерекенің шырайын кіргізеді.
Күз – табиғаттың жанданатын, өзгеретін уақыты, сондықтан бұл мерекеде балаларға күздің ерекше нәрселерін түсіндіріп, олардың табиғатқа деген махаббатын арттыру негізгі мақсатымыз болып табылады. Шара қызықты ойындар мен жұмбақтармен жалғасады, әр қатысушы белсенді ойнап, мерекеден жақсы әсер алып кетеді.
«Астыққа бай-алтын күз» атты мерекелік ертеңгілігі.
Зал іші күз мезгіліне байланысты безендірілген.Әуен ойнап,балалар әдемі жүріспен залға келіп кіреді.
Жүргізуші: Сәлеметсіздер ме,құрметті қонақтар!
«Астыққа бай-алтын күз» мерекемізге қош келдініздер.
-Жаз жайнап егін тойын тойлап күзде,
Мал бағып,бақ орнатқан дала түзде.
Армысың туған жерім,байтақ елім,
Ата-ана доспен бауыр есенсізбе.
Құрметті қонақтар,бүлдіршіндер бүгінгі берекелі де ырысты алтын күз құрметіне арналған мерекемізді «Күз» әнімен бастаймыз.
Ән «Күз»
Жүргізуші: -Астық-дала сәулетті,
Астық –Отан дәулетті.
Біздің дала бай дала,
Алтын астық айнала.
деп айтқандай,біздің де балаларымыз осы күз мерекесіне арнап тақпақтарды оқып береді.
Тақпақтар
Алтын,сары,қызыл,көк, Ақниет
Алуан,алуан жапырақ.
Құтты болсын мереке, Дарын
Алтын күзді тойлаймыз.
Берекесін сыйлауға, Толғанай
Өлкемізге күз келді.
Ой,алақай,тамаша,
Шашу шашты жапырақ. Диляра
Қуандырып біздерді, Айару
Мерекелі күз келді.
Жүргізуші: Ал,балалар,балалар,
Енді бері қараңдар.
Бізге қонақ келмекші,
Сендерді бір көрмекші.
Әуелі жұмбақ жасырам,
Қулығымды асырам.
Таба алсаңдар шешімін,
Қонағымды дәл ортаға шақырам.
Жұмбақ: Жиып-теріп болатын
Қамбаға астық толатын.
Қызыл қырман ойнайтын,
Қай мезгіл деп ойлайсың?
Дұрыс,күз мезгілі.Ал,күзде табиғатта қандай өзгерістер болады екен?Өте жақсы, ендеше уәде еткенімдей ортаға қонағымыз Алтын күзді шақырайық!
Әуен ойнап,ішке Алтын күз кіреді.
Алтын күз:Сәлеметсіздер ме,балалар!
Сәлеметсіздер ме,қонақтар!
Мен,Алтын күзбін.Жайдары жарқын жүзбін.
Ой,алақай,тамаша.
Шашу шашты жапырақ.
Бақтын іші алаша,
Аунар ма едік жатып ап?
Ел егінін орыпты,
Ал,балалар,балалар!
Ойнайық та күлейік,
Білім алып білейік.
Бүгін сіздерде мереке болып жатыр екен,мен сендерге құр қол келген жоқпын, өзіммен бірге жұмбақтар ала келдім.
Жиып,теріп болатын,
Қамбаға астық толатын.
Қызыл қырман ойнайтын,
Қай мезгіл деп ойлайсың? (күз)
Жерге тырс,тырс тамады.
Сайға қарай ағады,
Шешуін кім табады? (жаңбыр)
Талдан талға секірген,
Жаңғақтарды жеп өскен.
Өзі соңдай сүйкімді,
Табыңдаршы не екен? (тиын)
Осы кезде ішке секіріп тиын кіреді.
Тиын: Сәлеметсіздер ме,балалар! Мені таныдыңдар ма? Мен өзіммен
санырауқұлақтарды алып келдім.Ойын ойнағыларың келеме?Жарайды
балалар, олай болса ойын шартын мұқият тыңдаңдар.
Ойын: «Кім жылдам?»
Жүргізуші: Жарайсың,тиын,ал еңді бізбен бірге отырып балалардың өнерін
тамашалайық.
Тақпақтар.
Жетті желмен алтын күз, Айлана
Жеміс жинау салтымыз.
Жиып теріп болған соң,
Той жасайды халқымыз.
Күздің қазан айында,
Алма,алмұрт піседі. Кәусар
Жапырақтар сарғайып, Альрами
Сыбдыр,сыбдыр етеді.
Күзгі бақта күлемдеп, Ж.Айлана
Көз тартады жапырақ.
Күзім ау, күзім ау, Ақниет
Мінезін бұзық ау,
Жаңбырың сіркіреп
Келгенің қызық ау
Толғанайдың орындауында «Қошақан» әні
Жүргізуші: Күз айы тамаша,
Ән айттық балаша.
Би билеп бәріміз,
Қуанайық балаша.
Би «Жапырақтар»
Әуен ойналады,балалар,қол соғады қонаққа екі қолында «султанчиктарды »
ұстап «Бұлт» жүгіріп келеді.
Бұлт: Мен,күзгі көк бұлтпын.Кішкентай болсам да,күштімін.Ерегескенде,
сендерді жаңбыр астыңда қалдырамын.
Бұлт балалардың қасынан жүгіріп өтіп,султанчикпен су шашыратады.
Жүргізуші:Тоқтай тұр,Бұлт жаңбырды алып кет,жаңбыр туралы біз саған өлең
сыйлайық.
Ән «Жаңбыр»
Бұлт: Қандай әдемі ән,рахмет,балалар! Күні бойы жаңбыр терезеден тарсылдатады,жаңбырдан кейін бүкіл жер су болады.Ал мен сендермен қолшатырмен ойын ойнағым келеді.
Ойын: «Қолшатырлар»
Бұлт: Өте көңілді ойын ойнадыңдар,шапшандықтарынды көрсеттіңдер.
Алтын күз,тиын,бұлт балалармен қоштасып кетеді.
Ән «Балапан»
Жүргізуші:Міне құрметті қонақтар,балалар «Астыққа бай-алтын күз» мерекесіне арналған ертеңгілігіміз де аяқталды,келесі кездескенше қош сау болыңыздар!
