Менің музыкалық әлемім
Бұл құжатта ұйымдастырылған оқу қызметінің технологиялық картасы ұсынылған. Тақырып «Менің музыкалық әлемім» болумен қатар, балалардың музыкалық сауаттылығын қалыптастыруға арналған. Музыка – адамның ішкі сезімдерін, көңіл күйін білдіретін ерекше құрал, сондықтан балаларға музыка әлемін таныстыру өте маңызды.
Сабақ барысында балалар музыкалық мәнерлілік құралдарын: әуен, ырғақ, динамика секілді элементтермен танысады. Ән тыңдау, ноталарды игеру және би түрлеріне назар аудару арқылы, балалар музыканың әлеміне терең енеді. Әр сабақта музыка тыңдау арқылы олар өз ойларын білдіре алады, ән айтып, би билеуді үйренеді.
Технологиялық картаның әр бөлігі балалардың эстетикалық түсінігі мен шығармашылық қабілетін дамытуға бағытталған. Музыка жетекшісі балаларға түрлі әндер тыңдатып, сұрақтар қойып, олардың дүниетанымын кеңейтеді. Ноталардың музыкадағы ролі мен мағынасы жайлы айтып, бейнелеу өнерімен байланыс орнатады.
Әсіресе, балалардың жазылған ноталарды түсінуі, музыкалық дыбыстарды айыра білуі және кейін келе түрлі музыкалық аспаптарда ойнауы – басты мақсаттардың бірі. Сабақтың қорытындысы бойынша, балалар музыкалық әлемнің құдіретінің күшті екенін түсініп, музыкалық кезеңдер мен стильдерді тануға мүмкіндік алады.
Келесі сабақтарда оларға музыка мен би мәдениетін тереңірек таныстыра отырып, олардың шығармашылық потенциалын арттыруға бағытталатын болады. Музыка әрдайым балалардың ой-өрісін кеңейтіп, оларға қуаныш сыйлайды.
Ұйымдастырылған оқу қызметінің технологиялық картасы №2
Білім беру саласы: «Шығармашылық»
Ұйымдастырылған оқу қызметі: музыка
Тақырыбы: «Менің музыкалық әлемім»
Мақсаты:Музыкалық мәнерлілік құралдары (әуен, қалып, ырғақ, қарқын, тембр, динамика, регистр) туралы қарапайым түсінік беру.
Уақыты: 7.09 Педагогтің аты-жөні:Рахметова М.Т
| Іс – әрекет бөлімдері | Педагогтың іс - әрекеті | Балалардың іс - әрекеті |
| Дәлелдеу - ояту | Аңырын, баяу музыка ойнап тұрады. - Балалар, музыка дегенді қалай түсінесіңдер? - Дұрыс, музыка адамның көңіл күйін, сезімін баурап алатын ғажайып дыбыс.
| Балалардың қызығулышықтарын ояту |
| Ұйымдастыру- іздену. | Ән тыңдау. Балаларға танымал әндер. «Қайырлы таң». Е. Өміров. Музыка жетекшісі балаларға танымал деген бірнеше әннен үзінді ойнап, төмендегідей сұрақтар қояды: - Сендер бұл әнді білесіңдер ме? - Бұл ән не туралы? - Ән қандай? Көңілді ме, әлде мұңды ма? - Музыкалық дыбыстар қандай болады? - Музыкада жоғары және төмен дыбыстар болады. Дыбыстар жоғарылаған сайын жіңішке, ал төмендегенде жуан болып шығады. Қандай музыка түрлерін білесіңдер? - Музыканы жазатын адамды қалай атайды? - Әннің сөзін жазатын адамды қалай атайды? - Балалар, сендер санамақ білесіңдер ме? (1-ден 7-ге дейінгі) Кез келген музыканы, әнді орындау үшін оны түрлі белгілермен қағаз бетіне түсіреді. Санамақтар сияқты музыкада 7 белгі бар, олар НОТА деп аталады (қайталау). Тақтада жазылған немесе үлкен форматты қағазға жазыл-ған түрлі түсті ноталарды көрсету. Скрипка кілті туралы мағлұмат беру. - Осы музыкалық кілт неше сызықшаның үстінде түр? (5) - Ал мына белгілер қалай аталады? - Олар нешеу? - До - Ре - Ми - Фа - Соль - Ля - Си. (Қайталау). - Ноталар қалай орналасқан? - Ойын: Бірінші нота қандай? Үшінші нота қандай? Бесінші нота қандай? Соңғы нота қандай? Екінші нота қандай? (Хормен қайталау; ойынды біртіндеп күрделендіре ұйымдастыру: қатарынан еденге салынған 5 жіп, сызылған сызықтарға балалар барып, аталған нотаның орнына түру). Міне қазір ән сабағы Барлығымыз ән саламыз! Әнге сәйкес қол соғамыз. Ән айту. «ДО-РЕ-МИ». Ө. Байділдаев. Музыкалық аспапта ойнау: 2-3 түрлі балаларға арналған музыкалық аспап. Балалар қалауы бойынша аспапты таңдап, ойнайды. Әуенді қимыл-қозғалыс. «Үш би». Би, би түрлері (қазақтың ұлттық, орыс халқының ұлттық билері (плясовая, кадриль, вальс), басқа ұлттар биі, полька, т.б.) туралы мағлұмат беру; балалардың қалауы бойынша би орындау. Әліппе - дәптермен жұмыс.
| Ән тыңдайды.
Сұрақтарға жауап береді
Ноталармен танысады
Ән айтады.
Би билейді |
| Рефлекстік - түзету | Қорытынды: Бүгін сабақта не үйрендіңдер? Неше нота? Музыка қалай белгіленеді? Енді сендер ноталарды білесіңдер, үмытпауға тырысыңдар. Келесі сабақтарда осы ноталар арқылы түрлі аспаптарда орындалатын қызықты, адамды еліктіріп, баурап алатын музыкалармен танысып тыңдаймыз. Музыканың құдіреті өте күшті. Таңертең ояна сала, кешке үйықтар алдында жайлы музыка тыңдаса, адам музыкадан нәр алып, жақсы сезімдерге бөленеді. - Балалар, сендер қандай би түрлерімен таныстыңдар?
| Сұрақтарға жауап беріп өз ойларын айтады. |
Күтілетін нәтиже:
Білуі : Музыкалық мәнерлілік құралдары
Игеру: ноталарды білу
Меңгеру: музыканың құдіретін
