Әйдәгез танышабыз! Балалар бакчасында адаптация чоры

1 нче кечкенәләр төркемендә әти-әниләр җыелышы
Тема: «Әйдәгез танышабыз! Балалар бакчасында адаптация чоры»
Максат:
1.Әти-әниләрне  бер-берсе белән таныштыру.
2. “Адаптация чоры” дигән төшенчәгә аңлатма бирү.
3. Әти-әниләргә үз балалаларын аңларга, аларның психологик сәламәтлекләре турында кайгыртырга ярдәм итү.
Көн тәртибе:
1. Группа буйлап сәяхәт.
2. Җыелышның темасын һәм максатын әйтү
3. Әти-әниләрне бер-берсе белән таныштыру
4. Презентация  «Балалар бакчасында адаптация чоры»
5. Презентация «Мин инде еламыйм»
6. Анкета үткәрү
7. Әти-әниләр комитетын сайлау
8. Әти-әниләр сорауларына җавап бирү
9. Йомгаклау
                                             Җыелышның барышы  
Хәерле кич, хөрмәтле әти-әниләр! Ниһаять, без көткән очрашу килеп тә җитте. Сез бу очрашудан үзегез өчен кызыклы һәм кирәкле мәгълумать алып китәрсез, дип ышанам. Ә без, үз чиратыбызда, сездән төрле теләкләр, киңәшләр, бәлки кисәтүләр дә ишетербез.
Бүген без сезнең белән бераз уйнап та алырбыз, адаптация чоры турында сөйләшербез һәм якынрак танышырбыз. Шулай итеп, очрашуыбызны башлап җибәрик.
Безнең бүгенге жыелышның темасы: «Әйдәгез танышабыз! Балалар бакчасында адаптация чоры»
       
Максаты:
 
1.Әти-әниләрне  бер-берсе белән таныштыру.
2. “Адаптация чоры” дигән төшенчәгә аңлатма бирү.
3. Әти-әниләргә үз балалаларын аңларга, аларның психологик сәламәтлекләре турында кайгыртырга ярдәм итү.
 
 
3. Ата-аналарны бер-берсе белән таныштыру
 
Уен: «Әйдәгез танышабыз»
Әти – әниләр һәм тәрбиячеләр түгәрәк ясап басалар. Бер-берсенә кулларын биреп, үз исеменнәрен әйтәләр. Башта тәрбияче үз-үзе белән таныштыра, янында баскан кешегә кулын бирә һәм шулай икенче тәрбиячегә кадәр дәвам итә. Соңыннан тәрбияче: Менә, хөрмәтле әти-әниләр, без сезнең якыннан таныштык. Без сезгә, менә шулай, 5 ел буе бер-беребезнең кулларыннан тотып, зур бер гаилә булып яшәвебезне телибез! Ә хәзер очрашуыбызны дәвам итәбез. 
 
Ә хәзер, хөрмәтле әти-әниләр,«Балалар бакчасында адаптация чоры» дигән презентациябезне карап үтик.
4. Презентация  «Балалар бакчасында адаптация чоры»
Балалар бакчасы проблемасы – яхшымы ул, начармы, бирергәме анда баланы, юкмы – иртәме, соңмы һәр гаиләдә туа торган проблемаларның берсе. Бу проблеманың актуаль булуы гаиләнең матди хәленнән дә, ата-аналарның шөгыль төренә дә бәйле түгел, һәр гаиләнең үз тәҗрибәсе, балалар бакчасына карата уңай һәм тискәре фикерләре бар.
Сабыйга яңа учреждение, яңа кешеләр, таныш түгел иптәшләр, өлкәннәр, режим моментларына ияләшеп китүе бик тә авыр. Әти-әниләр да  бала өчен борчылалар, балалар бакчасы таләпләренә ияләшәләр. Шул ук вакытта тәрбиячегә дә, бала һәм әти-әнилер белән якын мөнәсәбәтләр урнаштыруы җиңел түгел.
Бала, балалар бакчасына карата уңышлы адаптация чоры үтсен өчен, әти-әниләрнең бакчага карата уңай мөнәсәббәттә булулары, балада да шундый фикер тәрбияләүләре шарт.
Баланың адаптация процессына аның психик һәм физик үсеше, сәламәтлеге, чыныгуы, үз-үзенә хезмәт күрсәтә белүе, өлкәннәр һәм яшьтәшләре белән коммуникатив аралашуы, сабыйның шәхси үзенчәлекләре, ата-аналарның   борчылу дәрәҗәләре дә тәэсир итә. Әгәр алда әйтеп үткәннәр балада булмаса яки түбән дәрәҗәдә булса, адаптация чоры авыррак үтә. Баланың сәламәтлегенә зыян килә, чөнки эмоцианаль стресс реакциясе үсеш ала.
Фәнни тикшерүләрдән чыгып адаптацион процессның өч фазасын билгеләп үтәләләр:
1. Острая фаза. Авырлык килү, сөйләшү, аралашу кимү (дәвамлыгы 1 ай).
2. Подострая фаза. Баланың үз-үзен тотышы адекват, бары тик аерым параметрлар буенча үсеш темпында тоткарлыклар күзәтелә (дәвамлыгы 3-5 ай).
3. Компенсация фазасы. Үсеш темпларының тизләшүе, нәтиҗәдә балалар уку елы азагына алда әйтелгән тоткарлыкларны жиңеп үтәләр.
Балалар бакчасына адаптация чорын үтү берничә дәрәҗәгә бүленә:
1. Жиңел адаптация.
- вакытлыча йокы бозылу (7-10 көнгә сузыла).
- аппетит бозылу (10 көнгә сузыла).
- адекват булмаган эмоциональ реакция (тискәреләнү, йомылып калу, агрессив булу
 һ.б.). (7-10 көнгә сузыла)
2. Уртача адаптация (барлык  әйтелгән кимчелекләр тагын да кискенрәк формада һәм озаграк бара:
- йокы, аппетит (20-40 көнгә сузыла)
- ориентлашу эшчәнлеге (20 көнгә сузыла)
- сөйләм активлашу, эмоциональ халәт, хәрәкәтләнүе активлашуы. Бала авырый. (30-35 көнгә сузыла)
3. Авыр адаптация (2 айдан 6 айга кадәр) Алда әйтеп үтелгән барлык билгеләр дә авыр формада үтә. Аппетит кимү (ашаганын косып чыгару очраклары), кискен йокы бозылу, иптәшләре, өлкәннәр белән контактка бармау, агрессив булу, берүзе калырга тырышу. Авыр адаптация чоры үткән балалар беренче 10 көндә һәм ияләшеп киткәнче кабат-кабат авырыйлар.
4. Бик тә авыр адаптация (ярты ел һәм аннан да күбрәк дәвам итә). Сорау туа: бу баланы бакчага йөрертергә кирәк микән?
Ничек кенә булмасын, ничек кенә баланы бакчага әзерләмәсеннәр, бала, бигрәк тә беренче көннәрне зур стресс кичерә. Адаптациягә, баланың темпераменты,характеры да йогынты ясый. Практикадан күренгәнчә авыр адаптациянең сәбәпләре:
- гаиләдә режим сакланмау һәм аның мәктәпкәчә учреждение белән тәңгәл килмәве;
- балада билгеле бер үзенә генә хас гадәтләр булуы (бигрәк тә тискәре);
- уенчыклар белән уйный белмәү;
- гади культура-гигиеник күнекмәләр формалашмауы;
- ят кешеләр белән үз-үзен тота һәм аралаша белмәүе;
Исегездә тотыгыз!
Беренче чиратта кәеф, аппетит, соңыннан гына йокы тәртипкә салына.
  Адаптация чоры тәмам дип исәпләнә, әгәр:
-бала аппетит белән ашаса;
-вакытында тыныч йоклап китеп, көйсезләнмичә вакытында уянса;
-кызыксынып уйный башласа;
-теләп аралаша башласа
 
5. Презентация «Мин инде еламыйм».  Балаларның балалар бакчасында узган вакытларыннан фотографияләр.
 
6.Ата-аналар белән анкета үткәрү.
7. Әти-әниләр комитетын сайлау (4 член комитеты һәм 1 секретарь)
8. Әти-әниләрнең сорауларына җавап бирү
9. Йомгаклау
 
 
              
 
 
 
 
 
 
 
Анкета «Адаптация чоры»
 
Һәрбер дөрес җавап каршына  «+» тамгасы куегыз. Әгәр дә җавап биререгә авырсынсагыз, икенче сорауга күчегез.
 
1. Сезнең балагызның адаптация чоры ничек үтте:
а) яхшы
б) бала иртә белән балалар бакчасына барарырга теләми
в) бала кайвакыт балалар бакчасына барырырга теләми
г) баланың балалар бакчасыннан кайтасы килми
 
2. Балалар бакчасына бала:
а) елап барды
б) үгетләп барды
в) тойгысыз
г) теләк белән
 
3. Балалар бакчасына йөри башлагач, баланың үз-үзен тотышы:
а) гадәттәгечә
б) ашаудан баш тартты
в) начар йоклады
г) төшенкеккә бирелде
д) кәефе яхшы булды
 
4. Уңышлы адаптациягә, сезнең уйлавыгызча, нәрсә тәэсир итте:
а) барлык сотрудниклар
б) тәрбияче һәм әти-әниләрнең бергә эш итүе
в) эти-әниләр
 
5. Сез ничек уйлыйсыз, балалар балалар бакчасында:
а) кирәкле белем алалар, уз-узләрен тотырга өйрәнәләр 
б) җитәрлек белем алмыйлар
в) бернинди белем дә алмыйлар
г) җавап бирергә авырсынам
 
5) Сезнең теләкләрегез. ____________________________________________________
________________________________________________________________________
________________________________________________________________________
 
Ф.И.О. __________________________________________________________________
 
Срок проведения : 3 декабря