Ойыншықтармен жағымды саяхат
Бұл материал балаларға арналған қызықты музыкалық сабақтың жоспарын ұсынады. Сабақтың басты тақырыбы – «Ойыншықтар», баланың ойыншықтармен дос болуына, олармен бірге ойнауға үйрету. Сабақ барысында балаларға әртүрлі ойыншықтарды таныстыру, олардың жанында уақыт өткізу, қызықты ойындар мен белсенділік ұйымдастыру арқылы психомоторлық даму көзделген.
Сабақтың мазмұнында қуыршақтар мен ойыншықтардың жақын достар болу идеясын ұсыну, балалардың бірге ойнауға деген талпыныстарын ояту маңызды. Балалар қуыршақ Айманның көңілін көтеру үшін түрлі іс-шараларға атсалысады, бұл олардың қайырымдылық сезімдерін дамытуға мүмкіндік береді.
Сабақ барысында балалар ойыншықтарға байланысты түрлі әртүрлі білімдермен танысып, шығармашылық пен ынтымақтастық негіздерін игереді. Жұмсақ, қатты, геометриялық пішіндер мен түстер бойынша ойыншықтарды зерттеу арқылы олар логикалық ойлау қабілетін де дамыта алады. Сабақтың әр кезеңінде құрылымдық ойындар мен сергіту сәттері ұйымдастыру, балалардың эмоциялық тұрғыдан белсенділігін бағалауға мүмкіндік береді.
Қуыршақ Айманның оқиғасы арқылы балаларды жаңа білім алу, ойыншықтар дүкеніне бару, көлікпен саяхаттау идеяларымен қызықтыру, оларға жаңа достар табуға көмектесу оқытудың нәтижелілігін арттырады. Дәріс соңында әр бала өздерінің сүйікті ойыншықтарын таңдап, кейіпкерлермен байланыстырып айту арқылы алған білімдерін практикалық іс-әрекетпен бекітіп шығады.
Білім саласы:Шығармашылық
Ұйымдастырылған оқу іс-әрекеті: Музыка
Тақырыбы: «Ойыншықтар »
Мақсаты: Балаларды ойыншықтарды достарымен бірге ойнауға тәрбиелеу қимыл-қозғалыс жасай білуге үйрету. Ойыншықтарға деген қызығушылығын,сүйіспеншілігін арттыру.
Керекті құралдар:Әр түрлі ойыншықтар.
Сабақтың барысы:
Шаттық шеңбері
Жуынбайды,жуынсақ,
Бұл не деген қуыршақ
Тығылмайды тығылсақ
Бұл не деген қуыршақ
1,2,3,4,5
Қуыршақтың тұсауын кес
Қуыршағым,қаз-қаз
Қыдырайық аз-маз
Тосын сый: Әуенмен қуыршақ Айман кіреді. (көңілсіз қуыршақтың қимылымен көрсету)
Қуыршақ: Сәлеметсіңдер ме,балалар!Сендер қандай,әдемі,көңілдісіңдер.Ал менің ойнайын десем,досым жоқ.Не істесем екен?
Тәрбиеші: Ой,қуыршақ Айман сен олай деме,осы жердегі әрбір қыз сенімен дос болуды қалайды. Балалар ,қуыршақ Айманға көмектесейік,көңілін көтерейік.Ендеше Қуыршақ Айман сен бізбен бірге дүкенге жүр,өзіңе жақсы дос тап.
Тәрбиеші: Балалар ойыншықтар дүкеніне немен барсақ екен?
Балалар: Көлікпен барамыз
Слайд (көліктер бейнебаян)
Балалар алдымызда көліктер жүре алмайтын кедергілер бар.Содан өту үшін көліктен түсіп,іздермен жүріп, тастардан секіріп өтуіміз керек.(іздер мен тастардан өту)
-Міне балалар ,ойыншықтар дүкеніне жетіп қалдық.Дүкеншімен амандасу.
-Саламатсыңдар ма ,балалар!
Слайд(ойыншықтар көрсету)
Ойыншықтарға жалпы сипаттама .Әртүрлі,ерекше ойыншықтар бар екен.Ойыншықтардың түрін,түсін,пішінін ,көлемін,түсіндіру.
(Жұмсақ,қатты,қызыл,көк)
Слайд(геометриялық пішіндер)
Балалар ойыншықтарға арналған қандай тақпақтар білесіңдер?
Айша
Ұзын құлақ сұр қоян
Естіп қалып сыбдырды
Ойлы қырлы жерлермен
Ытқып-ытқып секірді
Үміт
Жуын,жуын,жуынсақ
Қандай жақсы қуыршақ
Әйтпегенде бөпешім
Кірлеп кеткен екенсің
Тәрбиеші: Қуыршақ Айман өзіңе ұнаған бір ойыншық таңдай ғой.
Ойыншықтар ұнады ма?
Ендеше таңдаған ойыншығын қай ертегі кейіпкері екенін айтып берші.
Балалар қәне қуыршақ Айманға ертегі кейіпкерлерін атауға көмектесейікші.
Слайд(ертегі суреттері)
Қандай ертегі?Ондағы кейіпкерлерді айту
-Балалар бәріміз ойыншықтар дүкеніне саяхатқа барып,ойыншықтарды тамашалап,олармен танысамыз деп шаршап қалған сияқтымыз.қуыршақ Айманның көңілін көтеріп,бойымызды сергітіп алайықшы.
Сергіту сәті:
Бала,бала,балақан
Қәне қайсы алақан
Саусақтарым әйбат
Былай-былай ойнат
Топ-топ-топ-топ басайық
Жалаудан күн жасайық
Жаса-жаса алтын күн
Жаса-жаса жарқын күн.
-Балалар бойымыз сергіп қалды ма?
-иә
-қуыршақ айман көңілің көтерілді ме?
-иә
Қуыршақ: балалар менің қолымда кішкентай әдемі қуыршақтарым бар. Сол қуыршақтарымның орамалдары әдеміленбей қалыпты.Орамалын әдемілеуге көмектесесіңдер ме?
Триз әдісі бойынша әшекейлеп бояу
Сөздік жұмыс: орамал
Мадақтау: Балалар жарайсыңдар. Көптеген ойыншықтарды біледі екенсіңдер.Рахмет.Жақсы қатысқан балаларды атау.Үміт,Бақытжан,Айша
Қорытындылау:
-Біз қайда бардық?
-Ойыншықатр дүкеніне бардық
-Немен бардық?
-көлікпен бардық
-Қонаққа кім келді?
-қуыршақ келді
Біздер ойыншықтар дүкеніне саяхат жасадық.Ойыншықтарды сындырмау керек.Ұқыпты ойнау керек.Ендеше,балалар қонақтармен қоштасып,тобымызға барып,жаңа ойыншықтармен ойнайық.
