Берекелі Алтын күз
«Берекелі Алтын күз» - бұл балалар үшін ұйымдастырылатын ерекше мереке, күз мезгілінің байлығы мен сұлулығын атап өту, балалардың білімін кеңейту және шығармашылық ынтасын арттыру мақсатында өткізілетін іс-шара.
Мерекенің басты мақсаты - балаларды күз мезгілінің ерекшеліктерімен таныстыру, олардың өз ойын еркін айтуға, шешім қабылдауға дағдыландыру. Бүгінгі күнде «Күз ханшасы» балалардың атымен келіп, олардың күз айлары туралы білімдерін сынап, қызықты ойындар мен жұмбақтар жасырады.
Ойындар барысында балалар өзіндік көзқарастарын білдіріп, өздерінің шығармашылық қабілеттерін көрсетеді. «Доп лақтыру» және «Ғажайып қоржын» ойындары арқылы балалар күзге тән жемістер мен көкөністерді атау, тану мүмкіндігіне ие болады. Бұл тек көңілді уақыт өткізу емес, сонымен қатар, балалардың есте сақтау қабілетін, логикасын дамытуға септігін тигізеді.
Берекелі күздің жомарттығын атап өту үшін, балалар ән айтып, жырлайды. «Күз-жомарт», «Алмалар» және «Алтын күз» әндері күздің қайталанбас әсемдігі мен микрокосмосын сезінуге көмектеседі. Мереке соңында әр бала өзінің қолынан келген еңбекті бағалай, отбасымен, достарымен бөліседі.
Күз дарыны - еңбек, байлық және молшылық. Балаларға күздің бізге әкелген жемістерін, көкөністерін, табиғаттың сыйларын бағалауға үйрету, олардың еңбекке деген сүйіспеншілігін ояту - бүгінгі мерекенің ең негізгі аспектілері.
Берекелі Алтын күз
Мақсаты: а) Күз мезгілі жайында балалардың білімін кеңейту, күз мезгілінің ерекшеліктерін есте сақтауға үйрету;
ә) Балалар өзін еркін ұстауға, өз ойын толық жеткізе білуге дағдыландыру, шығармашылықпен жұмыс істеуін дамыту;
б) Өз беттерінше ерінбей еңбек етуге үйрету және өз еңбегін бағалай білуге ;
Мерекеге қатысатын кейіпкерлер: Күз ханшасы,көкөністер ,жемістер.
Ойындар: «Доп лақтыру», «Ғажайып қоржын» .
Орындалатын әндер: «Күз-жомарт», «Алмалар» , «Алтын күз».
Жүргізуші:Құрметті ата-аналар,ұстаздар,балалар, «Алтын күз » мерекесіне қош келдіңіздер!
-Балалар, бүгін бізде мереке,айтыңдаршы,ол қандай мереке?
Олай болса ,мен сендермен ойын ойнағым келіп тұр,кәне бәріміз бірге ойнайық.
Ойын:«доп лақтыру»
1. Қазір жылдың қай мезгілі?
2. Күзде неше ай және кім атап береді?
3. Қызыл ,жасыл, жапырақтар қай кезде болады?
4. Алма жеміс пе ,әлде көкөніс пе?
-Өте жақсы балалар,ендеше мен сендерге жұмбақ жасырайын шешуін табыңдаршы.
Тәрбиеші: Дұрыс айтасыңдар, олай болса Күз ханшасын ортамызға шақырайық.
Күз ханшасы: Сәлеметсіңдер ме ,балалар!мен сендерді көргеніме қуаныштымын,өзіммен бірге күз айларымды ала келдім.
Қыркүйек:Әли
Бір-біріне жер аспан,
Мейіріммен қарасқан.
Ұстаз шәкірт жүздескен,
Қош келіпсіз күз дескен.
Қазан:Ықылас
Қазан айы болыпты
Қамбаға астық толыпты.
Сары даланы сәндетіп,
Думандатып әндетіп.
Қараша:Еркеұлан
Күн суытып барады,
Малдар қолға қарады.
Қарашы ауыл ,даламыз,
Қысқа дайын боламыз.
Ән «Күз жомарт»
Күз ханшасы: Жарайсыңдар айларым.
Ал ,енді мен балалардың білімдерін байқап көргім келеді,ол үшін мен сендерге жұмбақ жасырамын сендер шешуін табасыңдар.
Ұзын мұртты сарылар,
Қойнында дәні бар. (бидай)
Аласы бар, жасылы бар,көгі бар,
Ішін ашсаң мөлдір қара дәні бар. (қарбыз)
Қауын,қарбыз дей алмайсың,
Піскенменен жей алмайсың.
Жарғанменен қап-қатты,
Ал асқанда тәп-тәтті. (Асқабақ)
Әрі қызыл,әрі тәтті,
Татқан жанды таңырқатты. (Алма)
Үстіне тігіп дәу шатыр,
Астында қызғылт дән жатыр. (Қызылша)
Жүргізуші:Күз- байлық,күз-береке,күз-молшылық,күз-қуаныш.Күзде күн салқындайды,аспан жиі бұлттанып,жаңбыр жауады,ағаштардың жапырақтары сарғаяды. Күзгі жемістер мен көкөністер адамдардың еңбегімен келеді. Сары даланы жайқалтып егін піседі.
Шие: Назлы
Тіл үйірген шырыным,
Жемістердің бірімін.
Мен маржандай шиемін
Ұнатамын күн нұрын.
Алмұрт:Ақниет
Тіл үйірген алмұртпын,
Аузындамын бар жұрттың.
Жақсы өсіре алмайды,
Қараса егер салғырт кім.
Өрік: Ару
Көктемде ерте гүлдеймін,
Кешігуді білмеймін,
Уылжыған өрікпін,
Бау-бақшаға көрікпін.
Алма: Жұлдызай
Нарттай қызыл алмам бар.
Мәз болады алғандар,
Жазда әдемі киінем,
Тілді балдай үйірем.
Жүзім:Айару
Мен жүзіммін,жүзіммін,
Моншақтай боп тізілдім.
Ән: «Алмалар»
Көкөністер:
Күз ханшасы: Кәне ,балалар,осындай молшылық күз айында бір ойын ойнап жіберейік.
Ойын «Ғажайып қоржын»
Мақсаты: Қоржыннан алған жеміс-көкөністерді атау.
Ертегі қойылым «Торғай мен тышқан»
Балалар ,әнімізді күз ханшасына арнайық
Ән :«Алтын күз»
Тәрбиеші: Күздің кереметі ,байлығы өте көп. Күзде біздің дастарханымыз дәнді дақылдарға,көкөніс жемітерге толы болады,бірақ осы байлыққа жету үшін көп еңбек керек.
