Экономика еліне саяхат: балалар үшін қызықты және пайдалы білім
Осы құжатта балалардың экономика негіздерін игеруіне арналған ерекше саяхат ұсынылады. Саяхат барысында олар «экономика», «пайда», «кіріс», және «шығыс» сияқты ұғымдарды терең меңгеріп, жеке дағдыларын дамытады. Балалар үшін ұйымдастырылған іс-шаралар қызықты ойындар мен сахналық қойылымдар арқылы жүзеге асады, бұл оларға пәнді жеңіл және қызықты түрде түсінуге мүмкіндік береді.
Экономика еліне жасаған сапарда балалар көрнекі құралдар мен түрлі ойыншықтарды пайдаланып, өздерінің экономикалық білімдерін бекітеді. Әр қатысушы белгілі бір рөл атқара отырып, команда ретінде жұмыс істеп, бір-бірімен өзара әрекеттеседі. Мысалы, дүкенші, банкир, шайханада жұмыс істейтін қызметкер сияқты рөлдер арқылы олар кәсіпкерлік машықтарын жетілдіреді.
Жұмыс процесінде балалардың көңіл қозғалысы мен қызығушылығын арттыру үшін арнайы құралдар, костюмдер және ынталандырушы бағдарламалар пайдаланылған. Оларды экономиканың әр түрлі аспектілерімен таныстыру мақсатында жұмбақтар шешу, ән айту, шығармашылық әрекеттер енгізілген. Осылайша, балалар экономиканың өмірде қаншалықты маңызды екенін түсінеді және өзгелермен ынтымақтасу, еңбек ету сияқты құнды дағдыларды игереді.
Аталған оқу іс-шаралары кезінде, балалар экономикада кездесетін терминдер мен ұғымдарды қалай қолдану керектігін үйреніп, сол арқылы өмірдегі түрлі жағдайларға дайын болуды меңгереді. Олардың достық, жауапкершілік, және білімге деген құлшынысы артатындықтан, болашақта да экономикаға қызығушылық танытатындығы сөзсіз.
Тақырыбы : Экономика еліне саяхат
Мақсаты: балалардың экономика туралы алған білімдерін толықтыра отырып бекіту. «Экономика» , « Экономикалық» деген терминдердерді және « пайда» ,« кіріс» , «шығыс» ұғымдарын дұрыс қолдана білуге үйрету,есте сақтау , түсіне білуін қалыптастыру.Еңбек дағдыларын қалыптастыру,еңбек машықтарын дамыту.
Экономикаға және қоршаған ортаға деген қызығушылықтарын арттыру.
Жұмыс ,мамандық туралы білімдерін тиянақтау.
Әдіс-тәсілдері : Түсіндіру, көрсету , « Үйшік» ертегісі бойынша сахналық қойылым , сұрақ-жауап , таныстыру.
Керекті құралдар : костюмдер, тұрмыстық құралдар, дүкен,
шашатараз құралдары, машина, сән ательесі ,банк.
Сөздік жұмыс: бартер-айырбас,рэкет,чек, банкир.
Тәрбиеші:
-Балалар қазір жылдың қай мезгілі, аптаның нешінші күні ,
қай ай ?-деп сұрайды.
-Көктем мезгілі , сәуір айы ,аптаның үшінші күні .
-Жарайсыңдар балалар .ендеше біздер « экономика » еліне сапар шегейік,барғыларың келеме ?
-Әрине барамыз.
-Олай болса жұмбақ шешіп көрейік;
Буда-буда ,буда жүн,
Будаланған шуда жүн.
Сыдырып қойған сұр таспа,
Қоңыр шолақ құнажын. (тышқан).
Жұмбақ шешкенне кейін тәрбиеші балалардың назарын ,тышқанның « Тәтті тоқаш» фирмасына аударады.
Тышқан: Еңбектен мен қашпаймын,
Дәнді жинап сақтаймын
Тәтті тоқаш пісіріп,
Халық қамын ойлаймын.
Пайда көріп өзімде
Қаржы жиып ,сақтаймын-деп әндете жүріп өз жұмысын таныстырады, жұмысшыларын, жасалу жолдарын көрсетеді.
Әсем безендірілген дүкенде « БАҚА» дүкенші жүреді :
Бақа: Мынау менің дүкенім
Келіңдер ,көріңдер.
Керегіңді өзіңе
Осы жерден табасың.
Затым өтіп ,қуанып
Мен пайдаға кенелем.
Балалар келіп әр түрлі заттар сатып алады ( үтік, фотоаппарат, теледидар, кір жуатын машина, ыдыс-аяқтар және т.б .)
Кірпі болса «Ормандағы сән ателесін» ашып өз қызметін ұсынып,халықтың қажетіне жарайды және пайда көреді.( киім үлгілерінің түрлері, әр сән үлгісі журналдары, үстел ,өлшеуіш, қайшы т.б . бар)
Кірпі : Өзім сондай ептімін
Сәнді киім ,тігемін
Келіңдер ,көріңдер
Таңдағаның табылар.
Түлкі болса « Шаштараз» ашып өз қызметін ұсынады:
Бір –екі бала сол жерге барып шаштарын жөндетеді.
Түлкі : Әдемі болғың келсе егер
Шаштаразға барасың
Шаштараз шашты сәндейді
Әдемі ,сұлу боласың.
Ал аю болса жақын шет елдерге барып дайын балды , машинаға алмастырып ,бартерлік кәсіппен айналысады.
Аю: Дайын мына балымның
Пайдасы да зор екен.
Айырбастап балымды
Машинаға мына мен
Сатып оны халыққа
Қызмет етіп жүремін.
Қоян болса бір шетте «банкирдің» рөлін атқарады:
« Халық банкінің» макетін дайындайды,(үстел, қағаз, қалам, компюьтер, калькулатор т.б. )
Барлық кәсіпкерлер жұмыс соңында келіп банкігі жиналған қаржыларын ақшаларын) тапсырады ,қоянболса санап алып оларға чек жазып береді.
Қасқыр (рэкет) болса күні бойы аш ,тал түбінде жатып-жатып,
кешкісін жұмыс аяғы болғанда шығады:
Күні бойы дем алдым
Қарынымда ашып тұр.
Демалмастан мыналар
Жұмыс жасап жатады.
Қазір барып бәрінің
Жинағанын алайын- деп , барлығына барып тиіседі, сол кезле аңдар оны ұрып-соғып ,қуып шығады .
Қасқыр болса жалынып кешірім сұрайды, аңдар ақылдаса келіп қасқырды өздеріне «күзетші» етіп жұмысқа алады.
Барлығы қосылып достық туралы ән айтады.
