"Балаларды балабақшаға қалай даярлауға болады?"

 
Балаларды балабақшаға баруға қалай даярлауға болады?
         Балаларды балабақшаға баруға қалай даярлауға болады? Бұл сұрақ көптеген ата-аналарды мазалайды. Өкінішке орай бұл сұрақты көбінесе нақты бейімделу кезінде туындайтын қиындықтармен кездескенде немесе балабақшаға келерде екі-үш күн  бұрын ғана қояды.
          Егер баланы оның өміріндегі осы маңызды оқиғаға даярламаса , онда мектепке дейінгі мекемеге бару балаға жағымсыздық, тіпті қайғы да әкелуі мүмкін. Сонымен бірге баланың балабақшаға баруға даярлығына жанұя мүшелерінің де белсенді маңызы бар.
         Әдетте  бала алғашында балабақшаға барғысы келмейді. Ата-аналар түсінбей,асығыс қорытынды жасап,балабақша мен тәрбиешілерді кінәлайды. Олар бұл жағдайдың себебі өздерінің баланы балабақшаға баруға даярлау ережелерін білмеуден екендігін сезіктенбейді де. Төмендегі кеңестер  ата-аналарға бейімделу кезеңінің көптеген қиындықтарынан құтылуға көмектеседі.
·       Баланы күн тәртібіне үйрету қажет. Күн тәртібіне үйренген балаға балабақшаның өмір ырғағына ену жеңіл болады.
·       Балаларды ауа температурасына сәйкес киіндірген жөн. Барлық табиғи факторларды пайдаланып шынықтыру қажет.
·       Бір жарым жастан бастапбала өздігінен тамақтана білуі,шәшкеден іше алуы және салфетканы қолдана білуі қажет. Егер бала емізікпен ұйықтап үйренген болса,онда алдын ала бұл әдетті қойдыру қажет.
·       Балаға сүйген асын ғана ұсынып, таңдап тамақтандырған дұрыс емес. Балабақшаның ас мәзірімен ертерек танысып, үйдегі асты біртіндеп балабақшаның асына ұқсатуға тырысу қажет.
·       Баламен нөсер жауын және қатты аяздан басқа ауа райында ұдайы қыдыру қажет.
·       Ата-аналардың баламен көп ойнап, білім құмарлығын , танымдылық белсенділігін арттыруы қажет. Топта бұл сәби тез үйренісіп кетеді де, тәрбиешіге баланы ойынға қызықтырып, араластырып әкетуге жеңілге түседі. Бала анасымен қоштасу сәтін тез ұмытып кетеді де, тынышталады.
·       Ересектермен қарым-қатынас жасау балаларды құрбыларымен араласуға даярлайды.
·       Аулада бірге ойнайтын балаларды үйге қонаққа шақырған пайдалы. Сіздің басқа ата-аналармен ,олардың балаларымен және тәрбиешілермен қарым-қатынасыңыз жақсы болса, соғұрлым балабақшаға тез үйреніседі.
·       Сізді мазалайтын жағдайдың бетін ашып айтқан жөн. Баланың көзінше балабақша және қызметкерлері туралы сын ескертулер айтудан аулақ болыңыз. Баланы ешқашанда балабақшамен қорқытпаңыз.
·       Есіңізде болсын, сәбидің балабақшаға үйренуіне жарты жылдай уақыт қажет болуы мүмкін.Табандылық және төзімділік танытыңыз сонда Сізде барлығы да жақсы болады.
 
 
Аташ елді мекені
«Ер Төстік» балабақшасыны әдіскері
Айгерім Тулекбаева Бисенқызы
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
«Ер Төстік» балабақшасы
 
 
 
 
 
 
 
 
 
 
 
 
 
«Балаларды балабақшаға баруға қалай даярлауға болады»
 
 
 
 
 
 
 
 
Орындаған:  А.Тулекбаева