Тәуелсіздік тұғыры: 23 жылдық мерекелік іс-шара

        Тәуелсіздік тұғыры
(Балалар әуенмен әуен залына кіреді)
Жүргізуші: Сәлеметсіздер ме, құрметті қонақтар! Еліміздің тәелсіздік алғанына
23 жыл толуы мен «Желтоқсан оқиғасына» 23 жыл толуына арналған «Тәуелсіздік тұғыры» атты ертеңгілігімізді әнұранмен бастауымызға рұқсат етіңіздер.
«Әнұран» айтылады.
Жүргізуші:Әр адам үшін өмірде 2 нәрсе бар. Оның біріншісі - Ана да, екіншісі - Отан. Өйткені бұлар жайлы да сөз қорғағанда елжіремейтін, еміренбейтін жүрек болмайды. Нәресте кезінен өмірінің ақырына дейін, адамдар ардақты, абзал анасын қадірлеп өтеді. Ал Отан деген қадірлі мол, қасиетті сезім. Сондықтан біз Ана мен Отанды бірге қосып: хормен «Отан - Ана» дейміз.
Б. Даниал
Желтоқсан – сен еркіндіктің ұраны,
Желтоқсан – сен азаттықтың жыр әні
Ұмытпайды сені мәңгі ұланың,
Желтоқсан – болашағы елімнің.
Амина
Отан үшін жанын қиды ұлдарың,
Аз болған жоқ азап шеккен қыздарың
Күйенішпен ауырады жүрегім,
Естігенде желтоқсанның ызғарын.
Аделя
Желтоқсан- ау! Ұмытылмайсың жүректе,
Ұрпақ өсер айналатын тірекке
Егемендік тиді бүгін еншіме
Желтоқсаным, жеткіздің – ақ тілекке.
Диас
Бас алаңды ел жасқан,
Жастар қаны жуған күн.
16-шы желтоқсанда
Тәуелсіздік туған күн шығыстан.
Ән:«Сәлем Қазақстан!»
Жүргізуші:Балалар, сендер Тәуелсіздік туралы, Отан, Ана, Жер туралы тақпақ ән жырды көп білесіңдер, дегенмен де бізге әлі үйренетін тәрбие, өнеге көп. Біздің ертеңгілігімізге қонақ келу керек еді, ал ендеше балалар сол қонағымызды қарсы алайық.  (Күй ойналады, ортаға Қазыбек би келеді.)
Қазыбек би: Ассалаумағалейкум, халайық! Амансыңдарма, балаларым! Мен Қазыбек би боламын. Сендер билерді білесіңдер ме?
Балалар: Әрине, білеміз! Төле би, Қазыбек би, Әйтеке би.
Қазыбек би: Жарайсыңдар, ертеде елді билер, хандар, сұлтандар басқарды. Ал, қазір кім басқарады?
Балалар:Елбасы, Президент.
Қазыбек би: Балалар сендер қандай Республикада тұрасыңдар?
Балалар:Қазақстан Республикасында тұрамыз.
Қазыбек би: Қазақстан қандай Республика?
Балалар: Егеменді, Тәуелсіз Республика.
Қазыбек би: Дұрыс балалар, сендер біледі екенсіңдер, ал Қазақстан Республикасын кім басқарады?
Балалар:Елбасы Н.Ә. Назарбаев.
Қазыбек би: Балалар жарайсыңдар, менің сұрақтарыма жаңылмай жауап бердіңдер. Енді мен сендермен бір ойын ойнағым келіп тұр.
Ойын: «Кім мықты»
Жүргізуші: Балалар Қазыбек би алыстан шаршап келген болар, ендеше атамызды төрге шақырайық. Демін алып біздің өнерімізді тамашалауын сұрап, төрге шығарып салайық. (Қазыбек би барып отырады)
Жүргізуші: Алдарыңызда 10-шы топ қыздарының орындауында «қамажай» биін қабыл алыңыздар.
Би: «Қамажай»
Жүргізуші: Қазақстан Республикасының Тәуелсіздік күні - мерекесі әр жылдың
16-желтоқсанында аталып өтеді. 1991 жылы ел басының жарлығымен 16 шы желтоқсан тәуелсіздік күні болып жарияланды. Бұл күн ұлттық, мемлекеттік деңгейдегі елеулі мереке болып табылады. Жыл сайын республика азаматтарының арасында мәдениет қайраткерлері, әлеуметтік саладағы ерекше қызметімен көзге түскен мамандар, әскери шенділер мен құқық қорғау саласының қызметкерлері және ел өміріндегі белсенді өзге де сала өкілдері елеулі еңбек еткендері үшін мемлекеттік марапаттармен (наградалар) марапатталады. 16-желтоқсан күні Қазақстанның барлық жерлерінде мерекелік мәдени ойын-сауық іс-шаралары ұйымдастырылады. Кешке қарай үлкен орталықтардың аспаны отшашумен көмкеріледі. Тәуелсіздік тек Қазақстан тұрғындары үшін емес, сонымен бірге, шетелдердегі қазақ халқының өкілдері үшін де маңызы зор мереке.
Айым
Келіңіз, ұсынамыз төрден орын,
Досым деген адамға міне қолым.
Әр қазақтың жүрегінде осы тілек,
Адамзат оң сапарда болсын жолың.
 
Тәуелсіздік, Қазақстан бір ұғым,
Жұтар ауам, ішер суым тұнығым.
Тәуелсіздік мәңгі жасау үшін де,
Мен де, сен де туған Отан құлыным.
 
Тәуелсіздік – арман жолдар есігі,
Тәуелсіздік – барша халық бесігі
Тәуелсіздік – орындалған армандар,
Алашымның ардақталған есімі.
Фарида
Бұл тарих шындықтарды еліктейді,
Десең дағы керексіз, керек мейлі.
«Желтоқсан» деген сөзді естігенде
Көз алдында сол күндер елестейді.
Ғалия
Естен кетпес аяусыз ұрғандары,
Қазаққа неше айла құрғандары.
Қайрат сында елімнің ұл қыздары
Желтоқсанның кезінде құрбандары.
Арсен
Құрбандыққа күн бұрын белгіленген
Артық адам сен болдың Алаштағы.
Жанымыз жомарт қазақпыз
Мәңгүрт боп кете жаздаппыз
Қосайық басты, бауырлар,
Жанайық жансақ маздап біз.
Ән: «Он алтыншы желтоқсан»
Жүргізуші:Қазақстан Республикасының Конституциясының 34- бабы: әркім өз Республикасының мемлекеттік рәміздерін құрметтеуге міндетті. 1997 жылы Ақмола қаласы, Астана қаласына көшірілді. Қазақстанның бас қаласы – Астана қаласы. Мемлекеттік тіл - қазақ тілі.
Айнұр
Мен – қазақпын, мың өліп, мың тірілген,
Жөргегімде таныстым мұң тіліммен.
Жылағанда жүрегім, күн тұтылып,
Қуанғанда күлкімнен түн түрілген.
Мен – қазақпын, биікпін, байтақ елмін,
Қайта тудым өмірге, қайта келдім.
Мен мыңда бір тірілдім мәңгі өлмеске
Айта бергім келеді, айта бергім.
Дилара
Ұлы аманат етейін еркіндікті,
Ел құлдықты білмесін жер кіндікте.
Аңсаймын мен сенемін туады ертең,
«Қазақ болу» зор бақыт дер күн тіпті.
 
Тәуелсіздік мәңгілікке сақталсын,
Алдымызда барлық үміт ақталсын.
Тату-тәтті бірлік болып қашанда
Бейбіт өмір халықта сақталсын.
Ж.Даниал
Ана тілім, қазақ тілі, туған тіл,
Қасиетті тіліміздің мәнін біл.
Ана тілді құрметтеңдер адамдар
Заманға сай өзге тілдің бәрін біл.
Томирис
Қабылданды мемлекеттік рәміздер,
Қуанамыз, мақтанамыз ғой біздер.
Тұтас ел болып қалыптасқан қазақпыз
Қалдырғанбыз ортамызға ұлы істер.
Би: «Қара жорға»
Ойын: «Шаңырақ»
Жүргізуші:Қазақстанның көк байрағы мәңгі бақи желбіреп халқымыздың еңсесі жоғары егеменді баянды болсын! Әрқашан дендеріңізге саулық, отбасылық тыныштық тілейміз. Бүгінгі сіздерге арналған ертеңгілігімізді Қазыбек би атамыздың батасымен аяқтауға рұқсат етіңіздер.
Қазыбек би: «Бата»