| Мақсаты: Қысқы табиғаттың әсемдігін балаларға сезіндіру, «Аяз Ата,Ақшақар» және орман кейіпкерлері туралы түсіндіріп,мерекелік әсер қалдыру.Әсемділікке,әдемілікке баулу,жаңа жыл мерекесімен құттықтау.
Жүргізуші:
Келді, міне,сағындырып далама
Келді,міне,Жаңа жылым қалама
Ән салып,жұмбақ болып,тақпақ болып.
Қәне,кәне келіңіздер
Би билеп ән салып беріңіздер!
Мерекелік Жаңа жылды қарсы алып,
Ақтарайық әнмен,бимен көңіл сырын,-дей келе құрметті ата-аналар бүгінгі жаңа жыл ертеңгілігін бастауға рұқсат етіңіздер.
Ертеңгілігімізді «Аппақ-аппақ» әнімен бастайық.
Музыка әуенімен қасқыр мен қоян кіреді.Қолдарында шырша ойыншықтары бар.
Қоян: Балалар шетінен қандай әдемі.Ой,неткен әсем шырша! Сәлеметсіңдерме балалар, сәлеметсіздерме қонақтар! Бүгінгі жаңа-жылдық шыршаны безендіруді Аяз-ата қасқыр екеумізге тапсырды. Сендердің шыршаларыңды безендіру үшін, біз әдемі ойыншықтар алып келдік.
Қасқыр:
Сәлем достар аманба
Менде келдім ортаңа
Безендіріп шыршаны
Біз қуанттық баршаны.
Жүргізуші: Сәлеметсіңдерме қоян мен қасқыр,шыршаны безендіруге алып келген ойыншық-тарың қандай әдемі!
Мыстан шешей: Осы кезде ішке жалмауыз кемпір келеді.
Ах,мені мерекелеріңе шақырмайын деген екенсіңдер! Мен,мен жалмауыз әже әдемі көйлегімді киіп келсем,ал сендер мені қонақ қылдырмайсыңдар! Мә,саған!-деді де бәрін қатырып тастайды.
Алдар көсе:
Даламызға,қаламызға
Жаңа жыл кіріп келеді.
Дабыл соғып қағыңыздар
Шашу шаттық себеді,-деп әндетіп келе жатқан кезінде шыршаның артынан жалмауыздан қорқып тығылып қалған қоян жылап шығады.
Қоян: Алдар көке,жаңа жыл болмас енді жалмауыз әже бәрін қатырып тастады. Енді не қыламыз?
Алдар көсе: Уайымдамаңдар біз бұның есебін табамыз.Сендер сыйқырланбағансыңдар ғой, қазір менімен бірге мына сөздерді 3 рет қайталаң,сол кезде сыйқыр жойылады.
Ақ моншақ болып шашылсын,
Жасыл шырша жағылсын.
Сәуле шашып балаларға
Сыйқырынан құтқарылсын.
Алдар көсенің сыйқырлы сөздерінен соң жасыл шырша жағылып,балалар сыйқырдан босатылады.Мәз мейрам болып «Жаңа жыл» мерекесі басталады.
Мыстан шешей: Қап менің бұл сыйқырым жарамады,енді не істесем екен?
Ей Мақтақыз қайдасың? Бері кел! Барлығы Жаңа жыл,Жаңа жыл дейді,қайда ол? Маған Жаңа жылды тауып кел! (Балаларға қарап):
Менің ашуыма тимеңдер,
Ал,тисеңдер ашуға,
Боран болар мына жер.
Мақтақыз: Жарайды ,шешей.Сіздің көңіліңізді көтеруге мына балалар,менің достарым өнерлерін көрсетеді. Мен Жаңа жылды іздеп келейін.
Мыстан шешей:
Жарайсыңдар,балалар,
Көрсетіңдеп өнерді
Жібітсеңдер көңілді
Басылар менің ашуым.
Жүргізуші: Шешей,біздің балаларымыздың тақпақтарын тыңдаңыз.
Аружан:
Жүрекке нұрлы жыр құйып,
Жаңа жыл тағы келдің бе?
Жеткендей шыңға бір биік
Қуанғанымды көрдің бе?
Шаттыққа тағы бөленіп,
Шырқатайық бейбіт күн әнін.
Шыршаны қоршай айнала,
Жағайық бейбіт шырағын.
Шадияр:
Келді міне,көптен күткен жаңа жыл,
Ортамызда,міне,жасыл шырша тұр.
Келіңіздер жүзі жылы қонақтар,
Таң қалдырар бізде қызық думан бар.
Қолды соғып аянбай ,
Құр отырма,қонақтар.
Көрсетер сонда өнерді,
Өнерлі біздің балғындар.
Әнет:
Кел достым әнге қосыл,
Әнге қосыл қалыспа.
Қол ұстасып,құшақтасып,
Үйренейік жаңа жыр.
Құтты болсын,құтты болсын
Құтты болсын жаңа жыл.
Жанеркем:
Жаңа жыл бірлік берсін елімізге,
Береке ырыс келсін жерімізге,
Қой жылын кең пейілмен қарсы алайық.
Қуаныш шашу шашсын төрімізге.
Мақтақыз:
Менің жаурап тұрсым мынау,енді жаңа жылды қайдан табам? Шырша қыздар маған Жаңа жыл-ды табуға көмектесіңші.
Кәусар:
Мақтақыз,босқа жабырқай берме,одан да барлық адамдар сияқты көңіліңді көтер.Қәне,бізбен бірге биле,өнеріңді көрсет.
Би: «Шырша биі».
Мақтақыз: Ой,балалар,Шырша қыздардан да қайран болмады. Енді мен кімге айтамын?
Жүргізуші: Мақтақыз жаңа жылды іздеп тапқанша қане,балалар,көтерейік көңілді,шыршаны айналып, шырқатайық ән-жырды!
Ән: «Шырша жыры»
Мақтақыздың алдынан 4 бала шығады.
Мақтақыз: Балалар, Жаңа жылды көрдіңдер ме?
Мақтақыз: Бұл балаларда Жаңа жылдың қайда екенін білмеді,енді қайдан тапсам болады?
Ортаға Қаршақыздар шығады.
Қаршақыздар: Мақтақыз,сен неге көңілсізсің?
Мақтақыз: Мен Жаңа жылды таппай тұрмын,оны таппасам,мені шешем үйге кіргізбейді.
Қаршақыздар: Қой көңіліңді көтер! Бізбен бірге биле.
Би: «Қаршақыздар»
Қаршақыздар: Мақтақыз,сен оданда Жаңа жылды Аяз Ата мен Ақшақардан сұрамайсың ба?
Жүргізуші: Қәне,балалар, Аяз Ата мен Ақшақар келгенше біз ойын ойнап жіберейік.
Ойын: «»
Жүргізуші: Балалар,енді бәріміз ортаға Аяз Ата мен Ақшақарды шақырайық.
Ортаға Аяз Ата мен Ақшақар шығады.
Аяз Ата :
Армысыздар,көпшілік!
Амансың ба,ұлдарым,
Амансың ба,қыздарым,
Қандай көркем,қырларың,
Қандай әсем жырларың.
Асулармен алыстым,
Асау желмен жарыстым.
Тойларыңа асығып,
Өздеріңмен таныстым.
Ән: «Аяз Ата»
Мақтақыз: Аяз Ата, Ақшақар,келгендерің қандай жақсы болды.Шырша қыздар,Қаршақыз барлығымыз Жаңа Жылды іздеп таппай жүрміз.Енді біз сіздерден көмек сұраймыз.
Жүргізуші: Мақтақыз,Аяз Ата жолдан шаршап келген болар,сәл тынығып,балаларымыздың
тақпақтарын тыңдасын.
Ринат:
Аппақ қарға малынып,
Аппақ тонын жамылып
Сақалы мен мұртына
Күміс моншақ тағылып
Аяз Ата келіп тұр
Балаларды сағынып.
Фатима:
Аппақ тоңға оранып
Базарлықты мол алып,
Келді алыс сапардан
Аяз Ата оралып.
Перизат:
Жаңа жылда барлық үйге
Аяз Ата келеді
Жаңа Жыла сәбилерге
Сыйлық әкеп береді.
Ақшақар:
Жүргізуші: Аяз Ата шырша жанында сіздің кішкентай көмекшілеріңіз жүр,солардың биін тамашалаңыз.
Би: «Аяз Ата»
Жүргізуші: Қәне,балалар, Аяз Ата,Ақшақар,қоян,қасқыр барлығымыз бірге шыршаны айналып ән айтайық.
Ән: «Маленкий елочке холодно зимой»
Аяз Ата: Қәне,балалар,біз ортаға ескі жылдың иесін шақырайық.Жаңа Жылдың қайда екенін мүмкін сол айтар.
Ортаға ескі жыл шығады.
Ескі жыл: Сәлематсыздар ма,балалар.Жаңа жылдарың құтты болсын! Жаңа жылда жаңа бақыт,денсаулық тілеймін.Өнерлі екенсіңдер,бір жыл сендермен бірге болдым. Мен сендерге Жаңа Жылды ала келдім.
Жаңа Жыл: Балалар мен сендерге ұнаймын ба? Ендеше мен сендермен бір жыл бірге боламын.
Жаңа жылдың таңы неткен арайлы,
Ақ мамыққа бөлеп алды маңайды.
Жаңа жылмен құттықтаймын сіздерді,
Жаңа жылдарың құтты болсын,ағайын.
Жаңа жылға арналған балалардың тақпақтары.
Назым:
Жаңа жылда жаңа белден асамыз,
Жаңа жылға жырмен шашу шашамыз.
Бейбітшілік ұранымен,жеңіспен,
Жаңа жылда тағы да алға басамыз.
Кәусар:
Келді тағы жаңа жыл,
Қуантамыз сіздерді.
Құтты болсын қуаныш,
Құттықтаймын сіздерді.
Альбина:
Жаңа жыл,жаңа жыл
Жаңа жылда жаңа жыр.
Жасыл шырша жанында
Билеп барлық бала жүр.
Ән: «Жаңа жыл»
Мақтақыз: Міне Жаңа Жылда келді! Барлығымызға жаңа жыл қуаныш алып келді.
Мыстан шешей: Көп рахмет саған, қызым!Маған Жаңа Жылды тауып келдің,мен де,балалар да,үлкендер де бақытты!Жаңа жыл құтты болсын!
Аяз Ата: Жарайсыңдар балаларым! Мені бүгін бір қуантып,алыс жерден шаршап келгенде көңілімді көтердіңдер.Барлықтарыңда да ақылды,білімді де,өнерлі екенсіңдер.Ал енді біз жолға шығайық.Қош болыңдар!
Ән: «Буги ок»
Жүргізуші: Құрметті ата-аналар,балалар! 2015-ші жаңа жылға арналған мерекеміз аяқталып қалды.Көріп тамашалағандарыңызға рахмет.Жаңа жыл құтты болсын,отбасыларыңызға тек бақыт пен қуаныш алып келсін!
|
