Анашыммен мақтанамын!
Шараның тақырыбы: «Анашыммен мақтанамын!» 8 наурыз мерекесіне орайластырылған бұл шара аналарды, қыздарды табиғи әсемдік пен адамгершілікке, отбасылық құндылықтарды дәріптеуге шақырады.
Шараның мақсаты – еліміздің болашағы, ұрпақ тәрбиесіне назар аудара отырып, аналарды құттықтап, қыздардың жақсы қасиеттерін дамыту, әсемдік пен мейірімділік сезімін ояту. 8 Наурыз – анамыз және әйелдер жайлы құрметті көрсететін, бақыт пен жылылықтың, махаббаттың, ізгіліктің символы.
Осы ретте, шара барысында қатысушылар әртүрлі сайыстарда өз өнерлерін көрсетіп, бір-бірімен жарысқа түседі. Sайысқа қатысушылардың өнерлерін жұртшылық бағалап, әділ бағаларын береді. Ана мен қыздар арасындағы шығармашылық байланысты нығайту мақсатында ұйымдастырылған сайыс қизниғы жарқын көрініс табады.
Тіпті, қатысушылар үй тапсырмаларын орындап, өз қолдарымен жасаған бұйымдарын көрсетіп, ұлттық дәстүрлерді жаңғыртады. Мұндағы басты мақсат – ана мен бала арасындағы байланысты тереңдетіп, анаға деген құрметті арттыру. «Анашыммен мақтанамын!» шарасы әрбір ана үшін маңызды, себебі олар біздің өміріміздің ең алғашқы мектебі.
Қорытындылай келе, «Анашыммен мақтанамын!» шарасы әзірленген бағдарламалар, сұрақ-жауап сайыстары, өнер көрсетулер арқылы аналар мен қыздардың арасында әкімшіліктің, қоғамның, елдің мәдениеті мен байлығын танып білуге жол ашады.
Шараның тақырыбы: « Анашыммен мақтанамын! »
Мақсаты: Аналарды,қыздарды 8-наурыз мерекесімен құттықтап, сайыс барысында
қыздардың жақсы қасиеттерін дамытып, әсемдік сезімге баулу.
Адамгершілік қасиеттерін, бір - біріне деген сүйіспеншілікті нығайтып,
ана мен бала, арасындағы тәрбиені одан әрі дамыту, Отанын, тілін,
қазақы салт - дәстүрді құрметтей білуге үйрету.
Әдісі: түсіндіру,сайыс,
Көрнекілігі: плакатқа жазылған нақыл сөздер, сиқырлы қоржын,
эмблема,мадақтамалар, сыйлықтар.
Пайдаланылған әдебиеттер: "Тәрбие сағаты" журналы,"Отбасы және балабақша"
Шараның жүрісі:
Жүргізуші: Құрметті асыл аналар, құрметті ұстаздар, қыз - қызғалдақтар. Көгіміздегі бейбітшілік нұрындай болып көктем шуағы төгілгенде адамзатты қуанышқа бөлеп, адам баласына өмір, жылылық, әсемдік сыйлайтын Аналар мерекесі келді. Ана! Осы бір қасиетті сөзде қаншама мол мейірім, асып төгілер мол қуаныш бар. Асыл аналар! Көктем бейбітшілігіндей құлпырып, күндей күліп жүре беріңіздер! Отбастарыңызға амандық, балаларыңызбен бақытқа бөленіп ұзақ өмір сүрулеріңізге тілектеспіз.
Ана деген үш-ақ әріп тіршілік,
Тіршіліктен үлбірейді гүл шығып
Ана деген үш әріпті шырқап жүрем ән қылып
Адамзаттың жүрегінде сақталатын мәңгілік.
Бәрі де, ана, бір өзіңнен басталды
Сен деп жаздым алғаш өлең-дастанды
Қуандым ба, өзің бар деп қуандым,
Жыладым ба, өзің жоқ деп жас тамды.
Бәрі де, ана бір өзіңнен басталды.
Жанарыңнан көрдім алғаш аспанды
Еркелесем, бір өзіңе еркелеп,
Жасқандым ба, тек өзіңнен жасқандым.
Жүргізуші:
Құрметті аналар, ұстаздар, оқушылар, бүгінгі мерекелік «Анашыммен мақтанамын»атты сайысымызға қош келдіңіздер! Сайысқа қатысушы жұптарды ортаға шақырамыз.
(музыка ойналып тұрады. Ортаға аналар мен қыздар шығады. Сайысқа қатысушы жұптар: 1 жұп:Өмірбекова Мөлдір қызы Темірхан Гүлімшат
2 жұп:Тоқтабаева Гүлфара қызы Ишан Маусымжан
3 жұп:Әлжанова Сара қызы Алманияз Қарақат
4 жұп:Боранқұлова Нұргүл қызы Айнабекқызы Нұрайым
Жүргізуші:
Өнерпаздар өнерін салыстырып,
Бәйге үшін терлетер шабыстырып.
Әділдікті қолдайтын баға беріп,
Жіберейік қазыларды таныстырып.
Құрметті сайысқа қатысушылар, сайысты бастамас бұрын сіздерді әділ бағасын беретін қазылар алқасымен таныстырып өтейін:
1)Мадг сыныбынан ата-ана:Сарқұлова Индира
2)Мадә сыныбынан ата-ана:Ысқақова Нұргүл
Нешінші болып өнер көрсететіндеріңізді анықтау үшін алдарыңызда тұрған қағаздардан таңдауларыңыз сұралады. Алған номерлеріңіз бойынша сайысқа түсесіздер.
Аналар бар өнерін салары анық,
Өнегелі тәлімді алған қанып.
Ал ендеше таныстырырп өтейін мен,
Бөлімдерін сайыстың бөліп жарып.
Сайыс бағдарламасы бес бөлімнен тұрады.
1. бөлім Таныстыру
2. бөлім «Таза мінсіз асыл сөз, Су түбінде жатады» сұрақ- жауап сайысы
3. бөлім :Өнер сайысы
4. бөлім. «Оң саусағың майысып,шебер болар ма екенсің » үй тапсырмасы
5. бөлім «Сымбатына сән киім жарасады» сән сайысы
Жүргізуші:
Өнер қуып сайыскерлер өтер дейміз,
Бір басына өнері жетер дейміз.
Сайысқа келген әр жұп кезектесіп,
Таныстырып өздерін өтсе дейміз
1 – тур «Таныстыру»
«Жеті атасын білмеген жетесіз» дейді халқымыз, сол себепті де өздерін таныстыру сайыстың алғашқы шарты болып саналады.
Айдай сұлу аналардың өнерін.
Сәлемдесу рәсімінен көрейік...
1 жұп:Өмірбекова Мөлдір қызы Темірхан Гүлімшат
2 жұп:Тоқтабаева Гүлфара қызы Ишан Маусымжан
3 жұп:Әлжанова Сара қызы Алманияз Қарақат
4 жұп:Боранқұлова Нұргүл қызы Айнабекқызы Нұрайым
2-тур:Сұрақ-жауап
Қазақтың сан алуан дәстүрі бар,
Оның сырың ашқанға жұрт қызығар.
Жауаптарын табар ма екен аналар
Сол себептен қоятын сұрақтар бар.
Өзінің алғырлығын ұғындырып,
Көрсетер көп іздеген мығым қылық.
Келесі бұл сайыстың жоспарында,
Түседі бәсекеге білімділік-
деп сайысымыздың екінші бөлімі «Сұрақ- жауап» сайысына келіп жеттік.
Бұл турда аналарымыз сұрақ суырып,жауап береді.
№1
1. Бір жақсы қыз
(Екі жаман ұлға татиды)
2) Жарапазан қай кезде айтылады?
(ораза кезінде айтылады)
№2
1. Ана алдында-құрмет,
(Ата алдында-қызмет)
2.Жеті жұтты ата?
(Құрғақшылық, жұт (мал қырылу), өрт, оба, топан су, жер сілкіну, соғыс.)
№3
1. Әке тұрып ұл сөйлесе
Ер жеткені болар
(Шеше тұрып қыз сөйлесе
Бой жеткені болар)
2.Наурыз көже жайлы айтып берсеңіздер
(келер жылғы молшылықтың жоралғысы ретінде әр шаңырақта жасалады. Және оған 7 түрлі тағам қосылады.)
№4
1.Қыз еркем кестесімен көркем,
(Ұл еркем өнерімен көркем)
2.Сабантой қандай мереке?
(Сабантой ала жаздай еңбектенген бағбандар мен дихандардың құрметіне арналған күз мейрамы)
№5
1. Астың сәнін тұз келтірер
(Ауылдың сәнін қыз келтірер)
2.Қымыз - мұрындық қандай мереке?
(қымыз - мұрындық мамырдың онынан бастап, ай соңына дейін созылады. Бие байлап, қымыз жинап той өткізеді. Жаз тойы тірілердің аман - саулығын тілеп, әруақтарға құран бағыштайды.
3-тур:Өнер
Өнерпаздар жарысып сан салады,
Жиын десе, той десе жан салады.
Кешіміздің бүгінгі құрметіне,
Анасы мен қызы би билеп, ән салады.
Анасымен қыз балалардың өнерін тамашалауға «Өнер» сайысына кезек береміз. Олай болса, аналар мен қыздарын ортаға шақырамыз.
Яғни келесі бөлім «Өз – өнері»
1 жұп:Өмірбекова Мөлдір қызы Темірхан Гүлімшат
2 жұп:Тоқтабаева Гүлфара қызы Ишан Маусымжан
3 жұп:Әлжанова Сара қызы Алманияз Қарақат
4 жұп:Боранқұлова Нұргүл қызы Айнабекқызы Нұрайым
4-тур:Үйге тапсырма
Ал , кімнің өнері бар қаншалықты,
Кілемге біреулері өрнек сапты.
Терме ұстап, енді бірі ши ораса,
Оюдан түйін түйіп тамсантыпты…
Бұнда қолдан жасаған бұйымдарын таныстырып,қалай жасағанын айтып өтеді.
1 жұп:Өмірбекова Мөлдір қызы Темірхан Гүлімшат
2 жұп:Тоқтабаева Гүлфара қызы Ишан Маусымжан
3 жұп:Әлжанова Сара қызы Алманияз Қарақат
4 жұп:Боранқұлова Нұргүл қызы Айнабекқызы Нұрайым
5-тур:Сән үлгісі
Сымбатына сән киім жарасатын,
Аспандағы айменен таласатын.
Өнеріне сәні сай келіп тұрған,
Қыз балаға қызығып қарасасың-деп «Сән үлгісі» сайысын тамашалайық.Ортаға аналарымызбен қыздарымызды ортаға шақырайық.
Жүргізуші:
Аналар, қалқып бақыт аралында
Лайым мұң қонбасын жанарыңа
Осымен ертеңгілігімізді аяқтайық
Гүл бітсін бәріміздің қадамымызға, - дей отырып, бүгінгі сайысымызды аяқтайық!
Ардақты аналар, апалар, мейрамдарыңыз құтты болсын!
Міне сайыстың соңына жеттік
Қызығы мен қуанышына бөлендік
Жүздеріңізден шаттық, көңілдеріңізден қуаныш арылмасын!
Қош сау болыңыздар!
