«Құтты болсын Жаңа жыл» – балаларға арналған мерекелік бағдарламалар
«Құтты болсын Жаңа жыл» атты бағдарлама – бұл балалардың жаңажылдық мерекесіне арналған әсерлі, қызықты және көңілді кеш. Сәнді бағдарламаның басты мақсаты – балаларда мерекелік көңіл күй тудыру. Шыршаны қалай әдемі безендірілгеніне, Аязата, Ақшақар, Орман сиқыршысының карнавальдық киімдеріне назар аудару арқылы, балаларға мерекені қызықты өткізуге мүмкіндік береміз.
Мерекелік кештің барысын музыка ұйымдастырады. Жүргізуші сәлемдесіп, балалармен бірге би билеп, шығармашылық ойындар ұйымдастырады. Балалардың өнерлерін көрсетуі үшін арнайы уақыт бөлінеді. Олар назар аударатын өнерлер мен ойындар арқылы, өз дарындарын шыңдау мүмкіндігіне ие болады. Ойындар тек достық қарым-қатынас қана орнатып қоймай, балалардың әрі қарай ынталануына да үлес қосады.
Біз әр жыл сайын дәстүрлеріміз бен жаңажылдық кеш жиналысымызды жаңалап отырамыз, бүгінде жаңа жыл мерекесін тойлауымыздың өзіндік ерекшеліктері бар. Кеш соңында балалар жиналатын шыршаны айналып, ән айтып, би билеп, күлімсіреп, қуанышты сәттермен бөліседі. Мерекеге қатысушы Аяз ата мен Ақшақар да назардан тыс қалмайды, олар балаларға тосынсыйларды ұсыну арқылы, кештің серпінді әрі көңілді өтуіне әсерін тигізеді.
Нәтижесінде, «Құтты болсын Жаңа жыл» бағдарламасы тек балалар үшін ғана емес, олардың ата-аналары мен ұстаздары үшін де жақсы көңіл күй сыйлайтын керемет кезекті тәжірбиені ұсынып, жыл сайын көтеріңкі көңіл-күймен еске алып отыруды мақсат етеді.
| Тақырыбы: «Құтты болсын Жаңа жыл»
Мақсаты: балаларда мерекелік көңіл күй тудыру; шыршаның қалай әдемі де сәнді безендірілгеніне, балалардың: Аязатаның, Ақшақардың, Ормансиқыршысының карнавалдық киімдеріне назар аударту; көңілді ойындар ойнату, достық қарым-қатынасын ояту, бірлескен ойындар ойнату, аудиторияға мерекелік көңіл күй жасау. Қатысушылар: жүргізуші, Аязата, Ақшақар,Орман сиқыршысы Мереке барысы: Музыка ойнап тұрады. Жүргізуші: Сәлем бар адамдарға Аяулы аналарға Ардақты ұл-қыздарға Бүлдіршін балаларға Жарқырап жастар әні Болсын той маскарады. Ортаға балалар қол ұстасып шығып би билейді. Жүргізуші: Армысыздар ағайын! Құрметті ата -ана , қымбатты ұстаздар, оқушылар, қонақтар! Сіздерді «Жаңа жыл»мерекесімен құттықтаймыз. Міне сол күн, сол мереке биыл да келіп жетті. Сіздерді осы жаңа жыл мерекесімен құттықтай отырып, жаңа жыл тек қана жаңа табыс, береке, бірлік әкелсін дейміз. Елге табыс, жақсылық Кел, жаңа жыл,жаңа жыл -Сәлеметсіздер ме, балалар. Сендер бүгін, сәнді киініп, әдемі болып кетіпсіңдер. Мына жерде Джунглидің барлық аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке? Балалар: Жаңа жыл! Жүргізуші: Ал балалар ,бүгін біз сиқырлы орманға шырша тойына келіп тұрмыз.Балалар енді осы әдемі шыршамызды айналып дөңгеленіп тұрайықшы.Сиқырлы орманның иесі бар екен,ол бүгін осы мектепалды даярлық тобында болып жатқан жаңа жыл кешіне келгісі келеді екен.Сендердің өнерлеріңді көргісі келеді. ( Есік қағылады Орман сиқыршысы келеді) Орман сиқыршысы: -Сәлеметсіңдерме балалар! Жаңа –жылдарың құтты болсын! Биылғы Жылқы жылына алғысымыз шексіз. Балалар, қандай өнерлерің бар, қане көрсетіңдер? Орман сиқыршысы: Жүргізуші: Балалар, ортамыздағы әсем не? Балалар: Шырша! Жүргізуші: Шыршамыз қандай әдемі! Ойыншықтары неткен көп! Ал, онда шыршаға арналған тақпақтарымызды айтайық. Әділжан:Жаңа жылды қарсы алдың Мініп алып күймеге Мен де бүгін ән салдым. Араластым биге де. Нұрайым: Оралдың өлкеме, Жаңа жыл армысың. Оранды ақ көрпеге, Асқартау, қарлы шың. Меккемадина: Сәлем беріп сіздерге Бар өнерді саламыз Өнерлі бала бар деп Әлемге жар саламыз Дамир: Тауда туып Тауда өсіп Шырша келді ортаға Қандай жақсы шыршамыз Ән шырқайық баршамыз Аманбек: Қалып едік сағынып, Kүтіп алдық жабылып. Жолын қойдық жарық қып, Шыршаларға шам іліп Ақтай: Жаңа жылда алдағы Көңіл өсіп кеңейсін Ортақ ойы,арманы Жақсы дәстүр көбейсін. Жүргізуші: Жарайсың, қандай жақсы тақпақтар! Балалар Орман сиқыршысын ортамызға алып ,әдемі өлеңімізді шырқайық.
Ән: "Ақ таяғын таянып" хормен
Балалар, бізде шыршамыз бар, әдемі киінген балаларымыз бар, Ата-аналарымыз, көрермендеріміз де бар екен, енді, біздің жаңажылдық мерекемізге кім жетіспейді? Балалар: Аязата мен Ақшақар.
Жүргізуші: кәне, онда Аязатаны шақырайық. Бар дауыспен айқайлайық. Балалар: Аязата, Аязата Жүргізуші: Қуаныңдар ағайын,тамсаныңдар! Сүйіншімен маңайға жар салыңдар. Аяз ата келеді Ақшақармен, Қол соғып қошеметпен қарсы алыңдар! (Осы кезде музыкамен Аяз ата мен Ақшақар келеді)
Аяз ата: Сәлематсыңдар ма, балалар! Күнтізбеде қалыпты Жалғыз ғана бір парақ. Дайындалдым жыл бойы, Жолға шығар келді уақ! Шақырымды жүздеген Басып өту мен үшін Жаңа жылдың түнінде Жасыл шырша түбінде Кездессем деп сендермен, Таратсам екен сыйлықтар, Одан асқан не сый бар. Қуаныш сыйлау балаға Одан зор бақыт бола ма! Сендерді көргеніме сондай бақыттымын! Ал, енді балалар, мына шыршаға арналған, маған, Ақшақарға арналған өнерлерің болса, аямаңдар! Оқушылар тақпақтарын айтуға шығады.
Дәулет: Жасыл желек жамылған. Асыл моншақ тағанған Міне сұлу шыршамыз Көптен күткен сағынған Назерке: Тілеймін мен бар әлемге Дос көп болсын жаңа жыл Ата-әже,әке-шеше Құтты болсын жаңа жыл Нұрхат: Кел Жаңа жыл,Жаңа жыл Қарсы аламыз біз сені Ақ көңілмен,ақ пейілмен Баршамыздың төрінде Келесі кезекте Алманияз Қарақаттың орындауында"Қуыршақ" биін қабыл алыңыздар. Әли: Ақ қар жапты даланы Ақ жамылды айнала Жарқыратып шамдарын Шырша келді ортаға Ернар: Оралдың өлкеме, Жаңа жыл армысың. Оранды ақ көрпеге, Асқартау, қарлы шың. Асылай: Жаңа жыл жаңа жыл Жаңа жылға жаңа жыр Жасыл шырша жанында Билеп барлық бала жүр Сұлушаш: Жаңа жылда жаңаша Тақпақ айтамыз Болсын риза балаша Аппақ атамыз Билейміз де ойнаймыз Балғын ұл-қыздар Жаңа жылдай жайнаймыз Жарқын жұлдыздар Жүргізуші: Аяз ата біздің балаларымыз тек тақпақ емес, басқа да жақсы жақсы өнерлері көп. Енді балаларымызды дайындаған шағын ғана ертегілеріне кезек берейік. МАД "ә"-"Бауырсақ" ертегісімен МАД"г"-"Шалқан" ертегісі. (Шал-Дидар,кемпір-Нұрайым,немересі-Астанай,ит-Әли,мысық-Рамила,тышқан-әділжан)
-Жарайсыңдар балалар,осылай бәріміз бір-бірімізге көмек қолымызды беріп,үлкендерге көмектесіп,тату-тәтті болып жүрейік. Жүргізуші: Басталарда жаңа нұр, Ишан Маусымжан,Қайржан Ботакөзді «Ертегілер» әнімен қарсы алыңыздар! Жүргізуші: Орман сиқыршысы ал айта қойшы біздің балдарымыздың өнері ұнап жатырма? Келесі кезекте "Кім жылдам" ойынына кезек берейік. Шарты: Көңілді музыка ойналып тұрады.Балалар музыка ырғағымен орындықтарды айналып билеп жүреді.Музыка тоқтасымен балалар орындыққа тез тез отырып алу керек.Отыра алмаған бала ойыннан шығады. Тақпақтар: Гүлімшат: Жаңа жылым мол болсын! Басқан қадам оң болсын! Төрле төрле жаңа жыл! Бізге құтты жыл болсын! Әлемде той тыныштық Жарқын өмір жаңаша Жаңа жылым тамаша Ақбаян: Ақ қырауға малынған Сақалы да ,мұртыда Аяз ата сағынған Сәлемберді жұртына Айда: Мектеп іші мереке, Ойын күлкі асқақ ән. Жақсы әпкелер жаңа кеп, Мерекені бастаған. Мейрамхат:Көңілде көп қуаныш, Әр көңілде жақсылық. Кетер жылға мың алғыс, Әкелген көп жақсылық. Дидар: Жаңа жылға арналады жаңа жыр, Жаңа жылда шақырады бар өмір. Бақыт болып жаңа жылым келді ғой, Құтты болсын,құтты болсын Жаңа жыл! Астанай:Тоғай да,баулар да Ақ күміс жабылды Дала да, таулар да Өзіңді сағынды. Алтынай:Безендіріп шыршаны, Жыл қуантты баршаны. Той-маскарад басталды, Аяз оны басқарды.
Төрлетіңдер, төрлетіңдер.
Ән:"В лесу родилась ёлочка" Орындайтындар: Қабдығали Ақтай,Ізберген Толғанай
Жүзімізде күлкі ойнап Ерасыл: Жаңа жылды қарсы алдың, Мініп алып күймеге. Мен де бүгін ән салдым Араластым биге де. Ақнұрай: Жылдың әнін бастайын, Аяз ата кеп қалды. Майысады жас қайың, Көтере алмай көп қарды. Маусымжан:Жаңа жылым жол болсын, Басқан қадам оң болсын. Төрлет,төрлет жаңа жыл Бізге құтты жыл болсын! Мақсат: Жасыл желек жамылған Асыл моншақ тағынған Міне сұлу шыршамыз Көптен күткен сағынған.
Жүргізуші: Балалар қазір әлемге саяхатқа шығамыз. Мұнда біз әр елдің жаңа жылды қарсы алу дәстүрімен танысамыз, және бізде сол дәстүрлері бойынша өнер көрсетеміз. Келістікпе балалар?!
Билейтіндер:Аймақ Қанат,Қобланды Аружан
Ақерке: Аппақ тонға оранып, Базарлықты мол алып. Келді алыс сапардан, Аяз ата оралып. Азамат:Тамаша,тамаша Шыршамыз тұр жараса Басында әсем жұлдызы Көз тоймайды қараса Жеңіс:Әдемілеп біз ілген Ойыншықтар тізілген Қандай жақсы шыршамыз Кел билейік бәріміз. Жүргізуші: Жаңа жылды қарсы алып, Аружан: Ботакөз Толғанай:Аяз ата ойды қырды А ралап жүр түгел шолып Қарсы алғалы жаңа жылды Ол да көптің бірі болып Қайда қызық болса думан Аяз ата сонда болды Күндіз үйде ойнап бізбен Балалармен бірге болды. "Шөжелерім" биі Жүргізуші:Ал балалар қазір қай жылы? Балалар : Жылан жылы Жүргізуші: Олай болса жақсылықтарға толы болған ортаға ескі жыл Жыланды шақырайық.
Жылан:Мен ескі жыл есіркедім, Егемендікті елдікті. Мен сүйемін батырлықты. Татулықты,ерлікті. Ал,қанекей достарым, Амандықпен жүздесейік. Ал,Жаңа жыл,ізбасарым Қолыңа ал бір істі. Қанат бітір қанатсызға Көркейт елді барысты.
Жүргізуші: Жаңа жылдағы «Жылқы жылы» бізге не жақсылық әкеледі? Ендеше, ортаға «Жылқы жылын» шақырайық. Жылқы жылы:Жақсылыққа бағыттаған, Жылқымын мен Жаңа жыл! Жаңа жылда барлығыңыз Жаңа үміт таба біл Жылан жылының мерекесін Мерекеге жалғаймын Елде,жерде,табиғатта, Бейбіт жолды қолдаймын Арым-ұят,жаным-халық Қызметім де соларға Сеніңдер маған барлығың Қияға ұшып қонарда Ал,ескі жыл аман бол, Ізбасарың мен болам Аман болсын деп тіле Елім,жерім,кең далам. Жүргізуші:Ал балалар осы Жаңа жылға арнап тақпақ айтайық. Қарақат:Келді тағы жаңа жыл Қуантуға біздерді Құтты болсын қуаныш Құттықтаймыз сіздерді. Диас: Жаңа жылда барлық үйге Аяз ата келеді Жаңа жылда сәбилерге Сыйлық әкеп береді. Дана: Жүзімізде күлкі ойнап Қанаттанды жанымыз Жаңа жылды біз тойлап Қанаттанды жанымыз Жүргізуші:Көңілді әнді бастайық Жүргізуші: Кәне, балалар, Аяз атамызбен Ақшақарымызбен, бәріміз «Шырша жыры » әнін жақсылап айтып жіберейік. Жүргізуші: Мектебіміздің бишілерін шақырайық, Айнала қоршап шыршаны, Орын:Дәулет,Назерке,Ернар Аязата: Мінекей, балалар, сендермен қоштасатын да кез келді. Ақшақар: сендерді қимай тұрмыз, барлығың да көңілді, әдемі бала екенсіңдер. Аязата: Жаңа жылда, балалар, Тек қуаныш көріңдер. Ауырмаңдар ешқашан, Мықты болу өзіңнен. Ақшақар: Жаңа жылда, балалар, Тек жақсылық көріңдер. Жылау, ауру, жамандық Қастарыңда болмасын Сау болыңдар, балалар! |
Жүргізуші:
Жаңа жыл, жаңа бақыт, жаңа жыр.
Ізгілік, бірлік дәнін ортаға ысыр.
Құт болып береке бер халқымызға
Мерейін мәртебесін биікке асыр.
Міне, жаңа 2014 жыл да келді. Ал 2014 жылы да елімізге тыныштық болып ырыс-құтымыз арылмасын.
Жаңа жыл - әрбіріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Жаңа жыл баршамызға берекелі, мерекелі жыл болсын.
Келесі жаңа жылда кездескенше аман-сау болайық.
Бірге: Жаңа жылдарыңыз құтты болсын.
