Тәуелсіздік алған күн: Желтоқсан оқиғасы
Тәуелсіздік алған күн – біздің тарихымыздағы ерекше сәт. Әр халықтың тарихында осындай кезеңдер болады, ал қазақ халқы үшін мұндай сәт 16 желтоқсан күні орын алды. Бұл күн тек тәуелсіздіктің символы емес, сонымен қатар, елдің болашағына жүк көтерген жастардың ерлігін еске алатын күн. 1991 жылы Қазақстан Республикасының тәуелсіздігін жариялау, ата-бабаларымыздың арманын жүзеге асыру үшін қажырлы еңбек еткен ұлы мақсат. Мұндағы ең басты идея – еліміздің болашағын қалыптастыру.
Желтоқсан оқиғасы – жастардың, азаматтық қоғамның белсенділігінің және патриотизмнің үлгісі. Алаңға шыққан жастар өздерінің әлеуметтік және саяси құқықтарын қорғау мақсатында әрекет етті. Олардың жүректері толқынысқа толы, Тәуелсіздікке деген ұмтылысы тамаша. Олар тек өздері үшін емес, болашақ ұрпақ үшін, еліміз бен жеріміз үшін даңқты жорықтар жасағаны анық. Оларға құрмет және тағзым ету – біздің парызымыз.
Тәуелсіздік – бұл тек мемлекеттің дамуын ғана емес, сонымен қатар, халықтың арасында ұлттық сана мен мәдениеттің өсіп-өркендеуін де білдіреді. Қазақстан 16 желтоқсанды тек мерекелік күн емес, бейбіт тарихымыздың да символы ретінде атап өтті. Әрбір бала, әрбір жеткіншек өз елін, жерін, Отанын сүюі тиіс. Бұл патриотизмнің басты негізі болып табылады.
Білім беру саласы: Әлеуметтік орта, Қатынас, Таным, Шығармашылық
Бөлімі: көркем әдебиет, тіл дамыту, математика, музыка
Тақырыбы: Тәуелсіздік алған күн
Мақсаты: Балаларға желтоқсан оқиғасы туралы баяндау, түсінік қалыптастыру. Тәуелсіздік деген тәтті ұғымның тарихи мәнін ұғындыру. елін, жерін, отанын сүюге, тарихты қастерлеуге, азат елдің ұланы болып өсуге тәрбиелеу.
Көрнекіліктер: гимн,буклеттер, слайд, суреттер, музыка әуені
Сөздік жұмыс: Тәуелсіз ел, азат болу, желтоқсан ызғары
Билингвальды сыңары: тәуелсіз – независимый, желтоқсан көтерілісі - декабрьское восстание
| Іс- әрекет кезеңдері | Педагогтың оқу- әрекеті | Балалардың іс- әрекеті |
| Мотивациялық -қозғаушылық | Балаларға бүгінгі күннің ерекшелігімен таныстырып орындарынан түруларын өтіну. Гимн орындалады. | Балалар орындарынан тұрып патриоттық сезіммен орындайды. |
| Ұйымдаса іздену | Желтоқсан таңы дірілдеп ызғар Жүректе жылы үміт пен ызғар Ақ құстай бейбіт арманы самғап Алаңға шықты жігіттер қыздар... Жаң ғана қазағымның таңы атты Алу мақсат, ел деп алғыс сауапты Әр отбасы, әрбір қазақ, әр адам Тәуелсіздік сақтау үшін жауапты! Желтоқсан құрбандарын бір минут үнсіздікпен еске алу.
Балалар ертең біздің Тәуелсіздік алғанымызға жиырма төрт жыл толғалы отыр. Қаншама жыл ата бабаларымыз өз алдына бөлек мемлекет алу үшін жан берісіп жан алысып, қанын төкті. Сондай мәңгі есте қалатын ұмытылмас жара салып кеткен бейбіт замандағы қантөгіс мың тоғыз жүз сексен алтыншы жылдың он алтыншы желтоқсанында болған еді. Қыстың қаhарлы бораны мен сарышұнақ аязында бейбіт мақсатта алаңға шыққан Алматы қаласының халқы мен студент жастарын дұрыс түсінбеген сол кездегі уақытша басшы Г. Колбиннің басқаруымен Мәскеуден арнайы жасақ шақыртып еңбекші халықты және алаңға шыққан жастарды ұрып-соғып аяусыз жазалады. Қаншама қазақ жастарын оқудан шығарды, түрмеге қамады. Сондай- ақ қаншама адам із- түссіз жоғалып кетті. Соның ішінде Ербол Сыпатаев, Қайрат Рысқұлбеков, Ләззат Асанова, Сабира есімді жастарымыздан айырылдық. 1991 жылдың 16-шы желтоқсанында желтоқсаншылар ақталып өз тәуелсіздігімізді алдық. Міне осы жылы тәуелсіздік алғанымызға жиырма төрт жыл толғалы отыр. Сол желтоқсан оқиғасының жиырма тоғызыншы жылын тағы да еске алып тәуелсіздік құрбандарына тағзым етеміз. Б\с: Тәуелсіз- независимый, желтоқсан көтерілісі- декабрьское восстание. Өлең оқу: Тәуелсіздік текке бізге келмеген Талай бабам қанын төгіп терлеген Сонда дағы қасиетті қазағым Төл байрағын дұшпанына бермеген! Сол жылы Тәуелсіз ел атанып аяғына тәй- тәй басқан жас Республикамыз бен оның халқы үшін ерекше жыл болып тарихта мәңгі жазылды. Тақпақтар: Жасқанбаған жауынан Біз қазақпыз, қазақпыз Өмір керек азапсыз Ел боламыз егемен Сонда ғана азатпыз... Он алтыншы желтоқсан... Тәуелсіздік алған күн! Мереке ел тосқан Атамменен барған күн! Барым да сенсің бағым да Жалында елім жалында Бақыттымыз бар қазақ Тәуелсіз елім барына! Ән: «Желтоқсан желі»
Слайд көрсету. Бүгінгі Қазақстан әлемнің іргелі мемлекеттерімен бірге бірлесіп халықаралық мәселелерді шешуде басты рөл атқарады. Қазақстан әлем таныған егеменді демократиялы және өз заңы аясында әрекет ететін зайырлы мемлекет. Сол кезден бастап біздің мемлекетімізді тұңғыш Президентіміз Нұрсұлтан Әбішұлы Назарбаев басқарады.
| Балалар оқылған сөздерге ықылас танытып тыңдайды, бірге қайталайды.
Балалар орындарынан тұрды.
Жиырма төрт жыл толады.
Мың тоғыз жүз сексен алтыншы жылдың он алтыншы желтоқсаны
Қазақ жастарын оқудан шығарды, түрмеге қамады. Ербол Сыпатаев, Қайрат Рысқұлбеков, Ләззат Асанова жазықсыз жазаланды.
1991 жылы 16 желтоқсанда желтоқсаншылар ақталып өз тәуелсіздігімізді алдық.
Тәуелсіз- независимый, Желтоқсан көтерілісі- декабрьское восстание
Балалар бірге қайталайды.
Әр бала өзі жаттаған өлең тақпақтарын кезекпен айтып орындады.
Балалар әуен ырғағына қосылып орындады.
Суреттерге назар аудара отырып, педагогтың айтқан сөздерін ықыласпен тыңдайды.
Тұңғыш Президентіміз Нұрсұлтан Әбішұлы Назарбаев
|
| Рефлексивті - түзетушілік | Қорытындылау: Отаны бар, елі бар жан әманда, Бақытты ғой мына байтақ ғаламда! «Отан» деген оттан ыстық жалғыз сөз, Жалын берген маған дағы саған да! Балалар, әрбір адам, әрбір өсіп келе жатқан жеткіншек,өз елін, жерін, отанын сүюі және құрметтеуі тиіс.
|
Балаларға бірнеше рет қайталап айтқыздырту.
|
Күтілетін нәтиже:
Біледі: педагогтың айтқан сөздерін ықыласпен тыңдайды,көрсетілімдерге назар аударады, қажетінше жауап береді;
Игереді: желтоқсан оқиғасы мен тәуелсіздікті қалай алғанымыз туралы әғгімелеу барысында түсініп,ұғымдары қалыптасады;
Меңгереді: патриоттық әндер мен тақпақтар орындау барысында туған елге, туған жерге,отанға деген құрмет сезімдері артады.
