Ұйымдастырылған оқу қызметінің технологиялық картасы
Білім беру саласы: «Денсаулық»
Бөлімі: Дене шынықтыру
Тақырыбы: 1. Допты алға домалату, оны қуып жетіп ұстау.
2.Құм салынған қапшықты шеңберге лақтыру.(арақашықтығы 50-60см)
Мақсаты:
- Допты алға домалату, оны қуып жетіп ұстауға;құм салынған қапшықты шеңберге лақтыруға (арақашықтығы 50-60см) үйрету.
Міндеттері:
- балаларды құмқапшықты шеңберге лақтыру жаттығуының тәртібін толық, дұрыс орындауға үйрету;
- Бір-біріне кедергі жасамауға тәрбиелеу;
- Қимыл қозғалыстарды орындаған кезде сигналға жауап қайтаруға жаттықтыру.Қимылды ойындарға деген қызығушылықтарын арттыру.
Қолданылатын көрнекі құралдар: доптар, себеттер,құм салынған қапшықтар,гүлдер және ойынға қажетті заттар.
Сөздік жұмыс: лақтыру,домалату,ұстап алу.
Іс-әрекет кезеңдері | Тәрбиешінің іс-әрекеті | Балалардың іс-әрекеті |
Мотивациялық-қозғаушылық | 1.Бір қатар сапқа тұру.
2.Сәлемдесу.
(Нұсқаулықты орындау)
Бір тізбекпен жүру.
Күндей болып күлейік,
Гүлдей болып өсейік.
(Қол белде,күліп, көңілді жүру ).
Таң атқанда күн шығып,
Гүл ашады қауызын.
(Қолды жоғары көтеріп жүру).
Желмен бірге тербеліп,
Теңселеді ақырын.
(Қолды екі жаққа созып, тербелу).
Отырайық жүрелеп,
Гүлді үзіп алайық.
(Тізені сәл бүгіп, қолды алға созып, алақанды жұмып-ашу).
Орнымыздан түрегеп,
Басқа гүлге барайық.
(Баяу жүгіру)
Балаларға әр түсті екі гүлден беріп, бірінің соңынан бірін жүргізіп, шеңберге тұрғызу. | Бір тізбекпен кіріп, бір қатарға сапқа тұрады.
Сәлемдеседі.
Өлең мазмұнына сәйкес қимылдарды орындайды.
Гүлдерді қолдарына алып,шеңберге тұрады. |
Ұйымдастыру-іздестіру | Жан-жақты дамыту жаттығулары:
(Гүлдер)
1.Қол мен аяқ иық бұлшық еттеріне арналған жаттығулар:
Б.қ: аяқ иық көлеміндей алшақ , қол төменде
1.Гүлді алға созу
2.Жоғары көтеру
3.Алға созу
4.Б.қ. келу.
2.Дене бұлшық еттеріне арналған жаттығулар:
Б.қ. аяқ иық көлеміндей алшақ , қол төменде
1.Қос қолдағы гүл кеуде тұсында.
2.Қолды екі жанға созу.
3.Қос қолдағы гүлді кеуде тұсына әкелу
4.Б.қ. келу.
3.Аяқ бұлшық еттеріне арналған жаттығулар:
Б.қ отыру,аяқ арасы алшақ
1.Гүлдерді жоғары көтеру.
2.Гүлдерді аяқ ұшына жеткізу.
5.Б.қ келу.
Тыныс алу:
«Әдемі гүлдің иісі»
(Қолдарындағы гүлдерді иіскеу).
«Гүл ашады қауызын»
(Екі қолдағы гүлдерді кеуде тұсына әкеліп,иіскеп, жоғары көтеру)
Негізгі қимыл жаттығулары:
1. Допты алға домалату, оны қуып жетіп ұстау. (Допты алға қарай қос қолымен домалату, жұгіріп барып ұстап алу ).
2. Құм салынған қапшықты шеңберге лақтыру.(арақашықтығы 50-60см)
«Сылдырмаққа дейін еңбектеп жету» ойыны:
1.Ойын шартымен таныстыру.
2.Балалармен бірлесе ойнау. | Шеңбер құрып тұрады.
Гүлдерді алға созып,жоғары көтереді.
3-4рет
Гүлдерді кеуде тұсына әкеп,екі жанға созады.
3-4рет
Гүлдерді жоғары көтеріп,аяқ ұшына жеткізеді.
3-4рет
2-3рет
Гүлдерді орындарына жинастырады.
Оң және сол қолдарымен доптарды лақтырады.Өздері домалатқан доптарын ұстап алады.
Құм салынған қапшықты белгіленген жерден шеңберге лақтырады.
Іс-қимылдарын келтіріп ойнайды.
|
Рефлексивті-түзетушілік | 1. Балалардың көңіл күйлерін бақылау.
2.Жаттығу тәртібінің дұрыс орындалуын қадағалау.
3. Қауіпсіздік ережесін сақтау. | Қолданылған заттарды жинастыруға көмектеседі. |
Күтілетін нәтиже:
Орындайды: допты алға домалату, оны қуып жетіп ұстауды;
Түсінеді: құм салынған қапшықты шеңберге қалай лақтыру керектігін;
Қолданады:доптар, құм салынған қапшық, шығыршық және гүлдермен орындалатын жаттығуларды орындай білу іскерліктерін ;
Балтабай Назерке Ермеккызы