Публикации воспитателей детских садов
О проекте

Эссе «Менің педагогикалық ұстанымым»

Шушанова Махаббат Кадыржановна Шушанова Махаббат Кадыржановна
DOCX
90
0
Предпросмотр

Автор:Шушанова Махаббат Кадыржановна
5 «Гүлдәүрен» б/б тәрбиешісі
Қостанай қаласы


Эссе«Менің педагогикалық ұстанымым»
Менің педагогтік ұстанымым
Әрбір бала - жарқыраған шамшырақ, оны жаға білген тәрбиеші, ұстаздар ғана ұтады.
Мен бүгінгі таңда білім беру саласында 2 жыл еңбек етіп келемін. Күн сайын алдымда пәк көздерімен жәудіреп отырған шәкірттеріме зер сала қараймын. Қараймын да ойланамын. Алға үмітпен талпынған олардың алдында менің де тәрбиеші ретінде үлкен жауапкершілігім бар екенін іштен сезінемін. Сондықтан менің өзіме қояр талабым, алдыма қойған мақсатым жоғары болуы тиіс, өйткені сол жарқыраған шамшырақты дер кезінде байқап, дер кезінде жаға білу – менің педагогикалық парызым.
Балабақшадағы балалардың бірі зерек те алғыр, бірі енжар, бірі баяу, бірі тым пысық.
Ал, менің бәріне беретін білімімнің мазмұны мен қоятын талабым бірдей де, олардың мұны қабылдауы түрліше.
Елбасымыз: «Келер ұрпақ алдында зор жауапкершілік тұр, оны арқалап жүрген – ұстаздар. Себебі еліміздің болашағы көркейіп, өркениетті елдер қатарына қосылуы бүгінгі ұрпақ бейнесімен өлшенеді»,-деген еді. Олай болса, өркениет өзегі – білім, ғылым, тәрбие десек, бұл мәселеге де өз үлесімді қосуым керек деп ойлаймын.
Қазіргі таңда балабақша табалдырығын аттаған әрбір бүлдіршін – ол ертеңгі қоғам мүшесі, болашақ иесі.
Қандай рақат, шын бақытын тапса адам- деп ақын жырлап өткендей , шынымен де, «бақыт» деген кең ұғымның бір шеті мен үшін осы ұстаз, тәрбиеші мамандықтарымен ұштасып жатыр. Тәрбиеші деген кім? Тәрбиеші – шәкіртін адалдыққа баулушы, өмірлік азық боларлық пайдалы білім мен жанына ізгіліктің нәрін себуші, жақсы мен жаманды үйретіп, адамгершілік қасиеттерді сіңіруші, ең жақын жанашыры әрі ақылшысы, досы әрі сырласы. Бір сөзбен айтқанда, бүгінгі қоғамды ертең алға сүйрейтін озық ойлы адам тәрбиелеуші, өз уақытын аямай, өзгенің бақытын аялаушы.
Ментәрбиеші мамандығын таңдағаныма еш өкінбеймін. Мектепте оқып жүргенде-ақ өзімді іштей дайындап, өзімнің болашағымды елестететінмін. Болашағыма нық сенетінмін.
Осы мен қандай тәрбиешімін? Мен – өз жасыма қарамастан заман ағысысына сай біліммен қаруланған, ой-өрісім жоғары, үздіксіз ізденісте жүрген, жан-жақты дамып, қалыптасып келе жатқан қатардағы жаңашыл тәрбиешімін.
Қазіргі кезде жаңашыл тәрбиеші ретінде даму - уақыт талабы.
Жаңашылтәрбиеші ретінде көрініп, заман ағымына сай шәкірттерге мемлекеттік тілді меңгертетін тіл маманы болу үшін  жаңа технологияларды қолданудың тиімділігі өте зор. XXI ғасыр көшбасшысы – жаңашыл, ізденімпаз, шебер ұстаз. XXI ғасыртәрбиешісі бүгінгі күн талабына сай жан-жақты дамыған, өмірге реалистік тұрғыдан қарайтын, терең біліммен қаруланған оқушы тұлғасын сомдау үшін өзі де шеберліктің шыңынан көрінуі тиіс. Қазіргі таңда оқу үрдісінде қазақ тілін оқытуда сан-алуан жаңа әдіс-тәсілдер сапалы білім беруде үлкен рөл атқарады.
Оқытудың осындай жаңа педагогикалық технологияларын сабаққа енгізу бүгінгі таңда әрбір ұстаздың басты мақсаты болуы керек. Себебі, елімізге заман талабына сай ойлай алатын, шұғыл шешімдер қабылдай білетін, белсенді, шығармашыл азаматтар қажет.
Менің ойымша жаңа заман тәрбиешісі шебер, шығармашыл, ой өрісі кең, білімді, мәдениетті болу керек. Демек мен өз бойымдағы барлық жақсы қасиеттерімді оқушыларға білім беру мен тәрбиелеуде үйлестіре отырып, мінсіз оқушы шығаруым керек. Өз ойларын еркін жеткізе алатын, білімді, алған білімдерін өмірде қолдана алатын оқушыларды жетілдіру менің қолымда. Барлық тәрбиешілердің қолында.Ол үшін еңбек етуге дайынмын. Осы мақсаттарыма жету үшін ары қарай жұмыс істеу, шебер тәрбиеші болу тек қана өзіме байланысты. Сол себепті көп жұмыс істеуім керек. Әрине, тәрбиеші жүгі – ауыр жүк. Тәрбиешілердың әсерлі үнмен, асықпай мәнерлеп сөйлеген сөзінен әрбір тәрбиеленушіге деген қамқорлықтың, аналық, әкелік сезімнің дана ойдың ыстық лебі есіп тұрғандай. Иә, адамның жан дүниесін түсініп, ренжітпей, қателігін сездіре білу-бұл нағыз шеберлік емес пе?!