Сабақтың тақырыбы: «Мейірімділік – жақсы қасиет»
Егер сіз балалардың жүрегінде мейірімділікті оятуға ниет білдірсеңіз, «Мейірімділік – жақсы қасиет» тақырыбына арналған оқу іс-әрекеті – бұл дұрыс бағыт. Сабақтың мақсаты – «жақсылық» ұғымының адамгершілік құндылық ретіндегі мәнін ашу. Балалар жақсы мен жаманның ара-жігін ажыратып, мейірімділік пен қамқорлықтың маңыздылығын түсінеді. Мұнда олар өздерін және айналасын сүю үшін жақсы қарым-қатынастарды орнату дағдыларын игеруге бағытталған.
Сабақ барысында қолданылатын көрнекі құралдар – түрлі түсті дәптерлер мен қарындаштар, бұл балалардың шығармашылық қабілеттерін арттыруға көмектеседі. Шаттық шеңбері оқу іс-әрекетінің басында өткізілгенде, балалар бір-біріне жақсы тілектер айтып, мейірімділік пен позитивтілік атмосферасын құрады. Оқушылардың пікірлері мен жауаптары сабақтың қызықты әрі нәтижелі өтуіне ықпал етеді.
Сахналау элементтері де сабақтың белсенділігін арттырады. Мысал ретінде, балалар Д.Сламбетованың «Саңырауқұлақтың саясы» атты шығармашылық мұрасын сахналап, мейірімділіктің, достықтың және бір-біріне көмектесудің маңыздылығын көрсетеді. Оқушылардың эмоцияларын, ойларын және көңіл-күйлерін ашуға мүмкіндік береді. Ойын элементтері арқылы «Біздер доспыз» деп аталатын ойын балалар арасындағы достық байланысты нығайтады.
Жалпы алғанда, сабақтың соңында балаларға жақсы сөздер айту, жылы лебіздер сараптау, және мейірімділіктің терең мағынасы туралы ой қозғау мүмкіндігі беріледі. Жақсылық жасау – барша адамзатқа тән ұлы қасиет. Балалардың өзара түсіністігі, қолдауы мен достық байланысты нығайту – әрдайым маңызды.
Өткізілетің күні, айы, жылы/Дата проведения :Білім беру саласы/Образовательная область: Әлеуметтік орта. Ұйымдастырылған оқу іс-әрекет түрі/Организованная учебная деятельность: Өзін-өзі тану Тақырыбы/Тема :. «Мейірімділік жақсы қасиет» . Мақсаты: Цель: «жақсылық» ұғымынан адамгершілік құндылық ретіндегі мәнін ашу. Міндеттері: адам бойындағы құнды қасиеттер туралы түсініктерін кеңейту. Өзін және айналасын сүюге, жақсы көруге деген ниеттерін ояту. Қоршаған ортаға жақсылық жасауға тәрбиелеу. Көрнекі құралдар/необходимый материал: дәптер түрлі, қарындаштар. Қостілділік/билингвальді компонент : жақсылық-доброта, қуаныш-радость,қайырымды-милосердный,мейірімді-ласковый, сыпайы-вежливый.
Шаттық шеңбері:
Қане, қане келіңдер
Үлкен шеңбер болыңдар,
Күннің көзі ашылсын
Көктен шуақ шашылсын.
Оң жақтағы көршіге,
Сол жақтағы көршіге
Күлімсірей қарайық
Тек жақсылық тілейік!
Жақсы болу дегенді қалай түсінесіңдер?
Адамдар бір-біріне қалай жақсылық жасай біледі?
Балалар жауаптары: мейірімді, ізетті. сыпайы, кішіпейіл.
«Жылы жүрек-жақсы тілек»
«Үлкенге құрмет-кішіге ізет»
«Жақсы- жарым ырыс»
Дұрыс айтасыңдар!
Жақсылық дегеніміз айнала қоршаған ортаға адамдарға деген қайрымдылық, рахымдылық қасиеттерді жақсылық дейміз.
Сахналау: Д.Сламбетованың «Саңырауқұлақтың саясы»
Балалар сахналандырып көрсетеді.
Жүргізуші: Көктем келді,
Жер көгерді,
Табиғат әсем күйге енді!
Дала гүлге бөленді.
Шалғынына енді
Құмырсқа келді
Құмырсқа:
Шалғынға осы жатайыншы
Рақатқа бір батайыншы.
Көбелек:
Күшім кетіп әлсіреп,
Қанатым су боп жабысып,
Ұша алмадым, құмырсқа,
Алшы мені қасыңа,
Пана берші басыма.
Құмырсқа:
Кел, кел.
Көбелек:
Рахмет саған, құмырсқа!
Торғай:
Жаңбыр қандай күшті еді,
Ұша алмадым, мені көр!
Бас сауғалап келіп мен,
Жандарыңнан орын бер.
Құмырсқа мен Көбелек:
Кел,кел.
Торғай:
Рахмет саған, Көбелек
Қоян:
Түлкі қуып есім кетті,
Айналайын аңдар-ау!
Маған пана болыңдар,
Түлкі:
Қоянды көрдіңдерме?
Бәрі: Жоқ, жоқ.
Түлкі: Әлі-ақ қолға түсесің.
Жүргізуші: Міне, жаңбыр да басылды,
Аспан шайдай ашылды.
Аңдар саңырау құлақтың ішінен шықты,
Бір-біріне қарасты,
Таңдана былай таласты.
Көбелек: Біз бәріміз сонша кішіміз ғой.
Торғай: Көңіл сыйса, бәрі сыяды.
Қоян: Екі адам ығысса,
Бір кісіге орын табылады.
Бәрі: Достарды біз қолдаймыз,
Қиын шақта қорғаймыз.
Ойын: «Біздер доспыз»
Әуен ойнап тұрады.
Дос болайық бәріміз. Жарасып тұр әніміз. Тыныштықты сақтаймыз.
Атсын күліп таңымыз. Екеуміз доспыз, үшеуміз доспыз, төртеуміз доспыз, бәріміз доспыз.
Әрқашанда біргеміз. Ажырамас іргеміз
Дәйек сөз: «Жақсы сөз-жанға қуат» Аналарымыз сендерді алақанына салып қандай жылы сөзбен аймалайды. «Аппағым» «ботам» «қозым» деген жылы сөздермен аймалайды.
Сергіту сәті:
Біздер тату баламыз
Гүл, гүл жайнап жанамыз
Жаттығулар жасасақ
Жақсы сергіп қаламыз
Бұрыламыз оңға бір
Бұрыламыз солға бір
Ғажайып сөздер:
Балалар сабақта ойлаған сөздерін қайталап айтады.
Атам маған әмәнда. Кішіпейіл бол деген
Ата сөзі санамда. Мақтанбауды жөн көрем.
Қорытындылау : Балалар біз бүгін жақсылық жайында жақсы сөздер айттық. Жақсылық бұл ұлы қасиет екенін білдік. Салған суреттеріңді бір-біріңе сыйлыққа берулеріңе болады.
Жүректен жүрекке: Балалар шеңберге жиналып, жылы жүрек жақсы лебіздерін айтты.
Жылу берген күнге рахмет!.
Тіршілік берген жерге рахмет!.
Өсім берген суға рахмет!.
